Phenylephrine hydrochloride

ករណីថ្នាំបន្តក់ភ្នែក：

ជាទូទៅ ឱសថនេះប្រើនៅក្នុងការពង្រីកកូនក្រមុំភ្នែកសម្រាប់ធ្វើរោគវិនិច្ឆ័យឬព្យាបាលជំងឺភ្នែកមួយចំនួន។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំនួយដល់ការព្យាបាលអាការៈសម្ពាធឈាមចុះទាបខ្លាំងលក្ខណៈស្រួចស្រាវឬស្ថានភាពប្រតិកម្មធ្ងន់ធ្ងរ(Shock) ដែលកើតមានឡើងនៅក្នុងជំងឺផ្សេងៗ។

- ព្យាបាលអាការៈកន្ត្រាក់ញាប់នៃបេះដូងដោយសារបញ្ហានៅផ្នែកខាងលើថតក្រោមនៃបេះដូងដែលកើតឡើងម្ដងៗ(Paroxysmal supraventricular tachycardia)។

- ពន្យារប្រសិទ្ធិភាពនៃការប្រើថ្នាំស្ពឹក។

ករណីថ្នាំបន្តក់ភ្នែក (5%)：

បន្តក់ក្នុងភ្នែក 1ដង1～2តំណក់។

ករណីថ្នាំចាក់：

・ករណីប្រើជាជំនួយដល់ការព្យាបាលអាការៈសម្ពាធឈាមចុះទាបខ្លាំងលក្ខណៈស្រួចស្រាវឬស្ថានភាពប្រតិកម្មធ្ងន់ធ្ងរ(Shock) ដែលកើតមានឡើងនៅក្នុងជំងឺផ្សេងៗ ឬ នៅក្នុងការព្យាបាលអាការៈកន្ត្រាក់ញាប់នៃបេះដូងដោយសារបញ្ហានៅផ្នែកខាងលើថតក្រោមនៃបេះដូងដែលកើតឡើងម្ដងៗ(Paroxysmal supraventricular tachycardia):

- ករណីចាក់ក្រោមស្បែក និង ចាក់ក្នុងសាច់ដុំ：
មនុស្សពេញវ័យ：ប្រើ1ដង 2～5mg ចាក់ក្រោមស្បែកឬចាក់ក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ ត្រូវស្ថិតក្នុងចន្លោះ1～10mg ហើយកម្រិតប្រើនៅលើកដំបូងមិនត្រូវហួសពី5mgនោះទេ។ ករណីប្រើច្រើនជាងមួយដង ត្រូវទុកគម្លាតនៃការប្រើរយៈពេល 10～15នាទី។

- ករណីចាក់តាមសរសៃវ៉ែន：
មនុស្សពេញវ័យ：ប្រើ1ដង 0.2mg ដោយផ្ទាល់ ឬ ដោយលាយជាមួយសេរ៉ូមប្រៃឬសេរ៉ូមរីងហ្កឺ(Ringer's solution)ឬសេរ៉ូមគ្លុយកូស5%ជាដើមបរិមាណ10mL រួចចាក់តាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ ត្រូវស្ថិតក្នុងចន្លោះ0.1～0.5mg។ ករណីប្រើច្រើនជាងមួយដង ត្រូវទុកគម្លាតនៃការប្រើរយៈពេល 10～15នាទី។

- ករណីព្យួរសេរ៉ូមតាមសរសៃវ៉ែន：
លាយឱសថនេះ0.5～1.0mgនៅក្នុង

・ករណីប្រើនៅក្នុងការពន្យារប្រសិទ្ធិភាពនៃការប្រើថ្នាំស្ពឹក：

ជាទូទៅ ប្រើដោយលាយឱសថនេះ1mgនៅក្នុងថ្នាំស្ពឹក20mL។

ករណីថ្នាំបន្តក់ភ្នែក：

・អ្នកដែលមានកត្តាមូលហេតុធ្វើអោយសម្ពាធក្នុងភ្នែកកើនឡើង ដូចជា បញ្ហាទាក់ទងនឹងផ្នែកAnterior chamberឬAngleនៃភ្នែក។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំចាក់：

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានអាការៈនៃចង្វាក់បេះដូងដើរលឿនដោយសារបញ្ហាថតក្រោមនៃបេះដូង(Ventricular tachycardia)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំបន្តក់ភ្នែក：

ផលរំខានរួមមាន ត្របកភ្នែកក្រហមឬហើមឬរមាស់ រលាកស្បែក រលាកភ្នែក ស្រវាំងភ្នែក ឈឺភ្នែក ទើសក្នុងភ្នែក សម្ពាធឈាមកើនឡើង ។ល។

ករណីថ្នាំចាក់：

ផលរំខានរួមមាន ឈឺក្បាល ស្ពឹកឬញ័រដៃជើង ស្នាមក្រហមលើស្បែក ថប់ទ្រូង ពិបាកដកដង្ហើម ក្អួតចង្អោរ។ល។

ករណីថ្នាំចាក់：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រភេទMAO inhibitors - អាចធ្វើអោយសម្ពាធឈាមកើនឡើងខុសប្រក្រតី។

・ឱសថព្យាបាលជំងឺបាក់ទឹកចិត្ត(Depression)ប្រភេទTricyclic antidepressants (ឱសថImipramine, Amitriptyline ជាដើម) - អាចធ្វើអោយសកម្មភាពនៃPhenylephrine hydrochlorideកើនឡើង និង សម្ពាធឈាមកើនឡើងខុសប្រក្រតី។

・ឱសថជម្រុញការសម្រាលកូន(Oxytocin, Ergotamine ជាដើម) - អាចធ្វើអោយសកម្មភាពនៃPhenylephrine hydrochlorideកើនឡើង និង សម្ពាធឈាមកើនឡើងខុសប្រក្រតី។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

ករណីថ្នាំបន្តក់ភ្នែក：

・ក្រោយប្រើប្រាស់ឱសថនេះ កូនក្រមុំភ្នែកនឹងរីកធ្វើអោយពិបាកមើលឃើញច្បាស់ ដូច្នេះ មុនពេលកូនក្រមុំភ្នែកត្រឡប់មកសភាពដើមវិញ អ្នកជំងឺគួរចៀសវាងការបញ្ជាម៉ាស៊ីនដែលមានគ្រោះថ្នាក់ ដូចជាការបើកបររថយន្តជាដើម។ ម្យ៉ាងទៀត គួរពាក់វ៉ែនតាខ្មៅជាដើមដើម្បីកុំអោយសម្លឹងត្រូវពន្លឺព្រះអាទិត្យឬពន្លឺខ្លាំងដោយផ្ទាល់។ ជាទូទៅ កូនក្រមុំភ្នែកដែលរីកនឹងវិលត្រឡប់មកសភាពដើមវិញក្រោយរយៈពេល5ទៅ6ម៉ោងបន្ទាប់ពីប្រើឱសថនេះ។

ករណីថ្នាំចាក់：ត្រូវប្រុងប្រយ័ត្នកុំអោយសម្ពាធឈាមឡើងខ្ពស់ខុសប្រក្រតី។

ឱសថនេះមានសកម្មភាពភ្ញោចគ្រឿងទទួលα1 (α1 receptors)។