ណែនាំអំពីបុគ្គលិក

  • ខ្ញុំជាជនជាតិជប៉ុន ប៉ុន្តែ ខ្ញុំមានស្វាមីជាជនជាតិខ្មែរនិងមានកូនចំនួន3នាក់។ ខ្ញុំជឿជាក់ថា ក្រុមហ៊ុន អ៊ីម៉ាតុគឹ មេឌីក នឹងបង្កើតបរិស្ថាននៅក្នុងវិស័យសុខាភិបាលនៃប្រទេសកម្ពុជា ដែលឪពុកម្ដាយគ្រប់រូបមានទំនុកចិត្តនៅក្នុងការនាំបុត្រធីតារបស់ខ្លួនទៅមន្ទីរពេទ្យ និង អាចផ្ដល់ឱសថដល់បុត្រធីតារបស់ពួកគេទៅតាមការណែនាំរបស់ឱសថការីបានយ៉ាងត្រឹមត្រូវនិងមានសុវត្ថិភាព។
    អុីតូ សាគី (Ito Saki)
    មកប្រទេសកម្ពុជាចាប់ពីឆ្នាំ2011 និង បានចូលធ្វើការនៅក្នុងក្រុមហ៊ុនអ៊ីម៉ាតុគឹ មេឌីក ពីឆ្នាំ2017 ខែសីហា ក្នុងឋានៈជាអ្នកគ្រប់គ្រងទូទៅ
  • ខ្ញុំព្យាយាមប្រើចំណេះដឹង និងជំនាញរបស់ខ្ញុំដើម្បីធ្វើឱ្យសុខភាពរបស់លោកអ្នកកាន់តែប្រសើរ ដោយធ្វើឱ្យការប្រើប្រាស់ឱសថរបស់លោកអ្នកកាន់តែមានប្រសិទ្ធិភាព និងសុវត្ថិភាព ក៏ដូចជា កាត់បន្ថយការលេចឡើងនៃផលរំខានរបស់ឱសថទៅលើអ្នកជំងឺ។ ខ្ញុំនឹងខំប្រឹងប្រែងបង្កើន និងពង្រឹងនូវចំណេះដឹងរបស់ខ្ញុំដើម្បីចូលរួមជាផ្នែកមួយនៃការអភិវឌ្ឍន៍វិស័យសុខាភិបាលរបស់ប្រទេសកម្ពុជា។
    សុំ ចរិយា (Sum Chakreya)
    សាកលវិទ្យាល័យវិទ្យាសាស្ត្រសុខាភិបាល ផ្នែកឱសថសាស្ត្រ (University of Health Science, Faculty of Pharmacy)
  • ជំរាបសួរ ខ្ញុំឈ្មោះ ចាន់ ម៉ារ៉ា។ ខ្ញុំជាបុគ្គលិកផ្នែកលក់នៃក្រុមហ៊ុនអ៊ីម៉ាតុគឹមេឌីក។ ថ្វីត្បិតតែប្រវត្តិឬការសិក្សារបស់ខ្ញុំមិនបានជាប់ពាក់ព័ន្ធជាមួយផ្នែកសុខាភិបាលមែន ប៉ុន្តែ ខ្ញុំអាចបន្តនៅធ្វើការក្នុងក្រុមហ៊ុនអ៊ីម៉ាតុគឹបានតាំងពីក្រុមហ៊ុនចាប់ផ្ដើមដំបូងនិងបន្តមកដល់បច្ចុប្បន្ននេះ ក៏ព្រោះក្ដីស្រមៃដែលខ្ញុំចង់បានមានភាពស្របគ្នាខ្លាំងជាមួយនឹងគោលដៅរបស់ក្រុមហ៊ុនមួយនេះ នោះគឺ យើងចង់ឃើញប្រទេសកម្ពុជាមានប្រព័ន្ធសុខាភិបាលកាន់តែមានប្រសិទ្ធិភាពនិងជឿនលឿនជាងនេះ។
    ចាន់ ម៉ារ៉ា (Chan Mara)
    សាលាពាណិជ្ជសាស្រ្តតាយ៉ាម៉ា (Tayama Business School)
  • ប្រទេសកម្ពុជាជាប្រទេសមួយដែលកំពុងរីកចម្រើនយ៉ាងឆាប់រហ័សក្នុងទិដ្ឋភាពផ្សេងៗ ប៉ុន្តែក្នុងលក្ខខណ្ឌនៃការថែទាំសុខភាព និងអនាម័យ ប្រជាជនទូទៅដែលមិនមែនជាអ្នកជំនាញផ្នែកវេជ្ជសាស្ត្រមានចំណេះដឹងតិចតួច ឬជឿជាក់លើព័ត៌មានមិនត្រឹមត្រូវ។ ខ្ញុំគិតថាវាពិតជាមានសារៈសំខាន់ណាស់ក្នុងការទទួលបានព័ត៌មានត្រឹមត្រូវ។ តាមរយៈគេហទំព័រ និងសិក្ខាសាលារបស់ក្រុមហ៊ុនអ៊ីម៉ាតុគឹ ខ្ញុំសង្ឃឹមថា វានឹងអាចផ្សារភ្ជាប់ជាមួយប្រជាជនកម្ពុជាជាច្រើន និងជួយបងប្អូនឱ្យទទួលបានព័ត៌មានត្រឹមត្រូវដែលយើងបានផ្តល់។
    អុីកិហារ៉ា សាវ៉ាកុ (Ikehara Sawako)
    Kobe-Gakuin College (ប្រទេសជប៉ុន) ផ្នែកឱសថសាស្ត្រ
  • សួស្តីអ្នកទាំងអស់គ្នា​ ក្នុងនាមខ្ញុំជាឱសថការីមួយរូបនៅក្នុងប្រទេសកម្ពុជា​ សូមស្វាគមន៍អ្នកទាំងអស់គ្នាមកកាន់គេហទំព័ររបស់ក្រុមហ៊ុន អ៊ីម៉ាតុគឹមេឌីក ដែលជាគេហទំព័រដែលទាក់ទងទៅនឹងចំនេះដឹងនៅក្នុងវិស័យសុខាភិបាលនៅក្នុងប្រទេសកម្ពុជា។​ គេហទំព័រនេះជាយានមួយសម្រាប់ជាជំនួយដល់ បុគ្គលិកផ្នែកវិស័យសុខាភិបាល និងនិស្សិតទាំំងអស់ស្វែងយល់អំពីការប្រើប្រាស់ឱសថអោយបានត្រឹមត្រូវប្រកបដោយ​ ប្រសិទ្ធិភាព សុវត្ថិភាព និង ប្រសិទ្ធិពល។ ខ្ញុំមានទំនុកចិត្តថាគេហទំព័រនេះមានលទ្ធភាពដោះស្រាយពីបញ្ហាផ្សេងៗអំពីការប្រើប្រាស់ឱសថ និងចំនេះដឹងដែលទាក់ទងទៅនឹងឱសថបានយ៉ាងសកម្ម។
    ជា ស៊ីវអេង (Chea Siveng)
    សាកលវិទ្យាល័យអន្តរជាតិ ផ្នែកឱសថសាស្ត្រ (International University, Faculty of Pharmacy)
  • ជម្រាបសួរ អ្នកទាំងអស់គ្នា
    ការបង្កើតគេហទំព័រទាក់ទងនឹងវេជ្ជសាស្រ្ត និងឱសថសាស្ត្រដំបូងគេបង្អស់នៅប្រទេសកម្ពុជា ​គឺជាអ្វីដែលក្រុមហ៊ុនអ៊ីម៉ាតុគឹមេឌីក សង្ឃឹមថាជាការចូលរួមដ៏មានប្រសិទ្ធិភាពមួយនៅក្នុងការបង្កើនគុណភាពសេវាសុខាភិបាលនៅប្រទេសកម្ពុជា។ មិនត្រឹមតែគេហទំព័រនេះទេ សមាជិកអ៊ីម៉ាតុគឹទាំងអស់នឹងខិតខំបង្កើតជាគម្រោង និងសកម្មភាពផ្សេងៗ ដើម្បីប្រទេសកម្ពុជាសម្រាប់ពេលបច្ចុប្បន្ន និងទៅអនាគតផងដែរ។
    អាំង ហៀក (Aing Heak)
    Tohoku University (ប្រទេសជប៉ុន) ផ្នែកឱសថសាស្ត្រ