Chondroitin sulfate sodium
Pharmaceuticals and Medical Devices Agency នៃប្រទេសជប៉ុន (PMDA)
-
Pharmaceuticals and Medical Devices Agency នៃប្រទេសជប៉ុន (PMDA)
ប្រភេទឱសថ
- ប្រសិទ្ធិភាពព្យាបាល
- កម្រិតប្រើប្រាស់
- ហាមប្រើ
-
ប្រសិទ្ធិភាពព្យាបាល
ករណីថ្នាំចាក់：
ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖
- អាការៈធ្ងន់ត្រចៀកដោយសារបញ្ហាទទួលការភ្ញោចពីសម្លេង(Sensorineural hearing loss)លក្ខណៈកំពុងវិវត្ត (រួមទាំងករណីរបួសដោយសារសម្លេងខ្លាំង(Noise-induced hearing loss ឬ Acoustic trauma))
- អាការៈឈឺសរសៃប្រសាទលក្ខណៈមានរោគសញ្ញាច្រើន (Symptomatic neuralgia)
- អាការៈឈឺចង្អេះ
- អាការៈឈឺសន្លាក់
- ជំងឺរលាកនៅជុំវិញសន្លាក់ស្មា(Shoulder periarthritis) ឬហៅថាជំងឺFrozen shoulder។
ករណីថ្នាំបន្តក់ភ្នែក：
ជាទូទៅ ឱសថនេះប្រើនៅក្នុងការការពារស្រទាប់លើនៃកញ្ចក់ភ្នែក(Cornea)។
-
កម្រិតប្រើប្រាស់
ករណីថ្នាំចាក់：
មនុស្សពេញវ័យ ប្រើក្នុងកម្រិត1ថ្ងៃ1ដង 20～300mg ដោយចាក់តាមសរសៃវ៉ែនឬចាក់ក្នុងសាច់ដុំ។
ប៉ុន្តែ ករណីប្រើដើម្បីបំបាត់ការឈឺចាប់ ត្រូវប្រើឱសថនេះក្នុងករណីដែលអ្នកជំងឺមិនអាចទទួលឱសថបំបាត់ការឈឺចាប់ប្រភេទលេបបានឬក្នុងករណីឱសថទាំងនោះមិនមានប្រសិទ្ធិភាពតែប៉ុណ្ណោះ ហើយនៅពេលដែលអ្នកជំងឺអាចប្រើប្រាស់ឱសថលេបបានហើយ ត្រូវរួសរាន់ផ្លាស់ប្ដូរទៅប្រើឱសថប្រភេទលេបវិញ។ គួរប្រើឱសថក្នុងទម្រង់ចាក់តាមសរសៃវ៉ែនចំពោះរោគសញ្ញាដែលកើតឡើងភ្លាមៗ(លក្ខណៈស្រួចស្រាវ)តែប៉ុណ្ណោះ។
ករណីថ្នាំបន្តក់ភ្នែក (1% និង 3%)：
ជាទូទៅ ប្រើ1ដង1～2តំណក់ 1ថ្ងៃ2～4ដង ដោយបន្តក់ទៅក្នុងភ្នែក។
-
ហាមប្រើ
ករណីថ្នាំចាក់：
・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។
*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។
ប្រភពព័ត៌មាន៖
- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp
- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp