AXCEL DEXTROZINE Syrup

គុណភាពព្យាបាល៖

ឱសថនេះប្រើសម្រាប់បន្ថយអាការៈក្អកស្ងួត និងណែនក្នុងទ្រូង ពិបាកដកដង្ហើមដែលទាក់ទងជាមួយជំងឺគ្រុន ផ្កាសាយ ជំងឺឆ្លងក្នុងផ្លូវដង្ហើមផ្នែកខាងលើ និងជំងឺអាល្លែកហ្ស៊ីផ្សេងទៀត។

កម្រិត និងរបៀបប្រើ៖

- ឱសថនេះសម្រាប់ផឹកតែប៉ុណ្ណោះហើយត្រូវក្រឡុកដបថ្នាំឱ្យសព្វល្អមុនពេលប្រើ។

- សម្រាប់មនុស្សពេញវ័យ និងកូនក្មេងអាយុចាប់ពី 12ឆ្នាំឡើងទៅ៖ កម្រិតណែនាំឱ្យប្រើគឺផឹក 10ម.ល រៀងរាល់ 6 ទៅ 8 ម៉ោងម្តង ក្នុង1ថ្ងៃ។ កម្រិតប្រើអតិបរមាគឺ 40ម.ល ក្នុង1ថ្ងៃ។

- សម្រាប់កូនក្មេងអាយុចន្លោះពី 2 ទៅ 6ឆ្នាំ៖ កម្រិតណែនាំឱ្យប្រើគឺផឹក 2.5ម.ល រៀងរាល់ 6 ទៅ 8 ម៉ោងម្តង ក្នុង1ថ្ងៃ។ កម្រិតអតិបរមាគឺ 10ម.ល ក្នុង 1ថ្ងៃ។

- សម្រាប់កូនក្មេងអាយុចន្លោះពី 6 ទៅ 12ឆ្នាំ៖ កម្រិតណែនាំឱ្យប្រើគឺផឹក 5ម.ល រៀងរាល់ 6 ទៅ 8 ម៉ោងម្តង ក្នុង1ថ្ងៃ។ កម្រិតអតិបរមាគឺ 20ម.ល ក្នុង 1ថ្ងៃ។

ហាមប្រើចំពោះ៖

- អ្នកងាយមានប្រតិកម្មនឹង Dextromethorphan ឬជាមួយសារធាតុផ្សំណាមួយនៃឱសថនេះ

- ទារកនិងកូនក្មេងអាយុក្រោម 2ឆ្នាំ

- អ្នកមានជំងឺថ្លើម

- ស្ត្រីមានផ្ទៃពោះ

- ស្ត្រីបំបៅដោះកូន

ផលរំខានរួមមាន៖

- វិលមុខ ធេងធោង

- វិបត្តិក្រពះពោះវៀន៖ ចង្អោរ រាក ឈឺចុងដង្ហើម ទល់លាមក ច្រាលជាតិអាស៊ីតក្នុងក្រពះ

- ឈឺក្បាល ស្រវាំងភ្នែក ស្ងួតមាត់ ទល់នោម ណែនទ្រូង ញ័រទ្រូង ចង្វាក់បេះដូងមិនប្រក្រតី

គួរជៀសវាងប្រើរួមជាមួយឱសថដូចខាងក្រោម៖

- Anticoagulants

- Beta-lactam antibiotics

- Probenecid

ហាមប្រើចំពោះស្ត្រីមានផ្ទៃពោះ និងបំបៅដោះកូន

ឱសថនេះត្រូវមានការប្រុងប្រយ័ត្នចំពោះល័ក្ខខ័ណ្ឌដូចខាងក្រោម៖

- អ្នកបើកបរយាន្តយន្ត និងអ្នកបញ្ជាគ្រឿងចក្រ

- មិនត្រូវប្រើឱសថចំពោះអ្នកជំងឺខ្សោយផ្លូវដង្ហើម

- អ្នកមានជំងឺថ្លើម

- អ្នកមានជំងឺទឹកដក់ក្នុងមុំបិទភ្នែក

- អ្នកមានជំងឺពកក

- អ្នកមានជំងឺសរសៃឈាមបេះដូង

- អ្នកជំងឺដែលកំពុងប្រើឱសថផ្សេងទៀតដូចជា Monoamine oxidase inhibitors

- មិនត្រូវប្រើឱសថនេះ ប្រសិនបើធ្លាប់ងាយមានប្រតិកម្ម ជាមួយនឹង bisulphites

- ត្រូវបញ្ឈប់ការប្រើឱសថនេះប្រសិនបើមានប្រតិកម្មអាល្លែកហ្ស៊ីណាមួយកើតឡើង