Dextromethorphan hydrobromide hydrate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - អាការៈក្អកដែលកើតមាននៅក្នុងជំងឺដូចខាងក្រោម ៖ ផ្ដាសាយ រលាកទងសួតស្រួចស្រាវឬរ៉ាំរ៉ៃ ជំងឺទងសួតរីក(Bronchiectasis) ជំងឺរលាកសួត ជំងឺរបេងសួត ជំងឺរលាកផ្លូវដង្ហើមផ្នែកខាងលើ(រលាកបំពង់ក រលាកច្រមុះ(Nasal catarrh))។

      - អាការៈក្អកនៅពេលធ្វើការត្រួតពិនិត្យទងសួតតាមវិធីBronchography ឬ វិធីBronchoscopy។

    • កម្រិតប្រើប្រាស់

      ករណីថ្នាំលេប:

      មនុស្សពេញវ័យ:លេប1ដង15~30mg 1ថ្ងៃ1~4ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំចាក់:
      មនុស្សពេញវ័យ:ប្រើក្នុងកម្រិត1ថ្ងៃ1ដង10mg ដោយចាក់ក្រោមស្បែកឬក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលកំពុងប្រើប្រាស់ឱសថប្រភេទទប់ស្កាត់សកម្មភាពនៃអង់ស៊ីមMAO (MAO inhibitors)។

    • ផលរំខាន

      ផលរំខានរួមមាន ចង់ក្អួត វិលមុខ ឡើងកន្ទួលក្រហម ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ដង្ហក់ ការដកដង្ហើមខុសប្រក្រតី ពិបាកដកដង្ហើម ឈឺក្បាល (បញ្ហាដំណើរការនៃប្រព័ន្ធដកដង្ហើម)

      - ពិបាកដកដង្ហើម កន្ទាលត្រអាក ហើមជុំវិញភ្នែកនិងមាត់ (រោគប្រតិកម្មធ្ងន់ធ្ងរ)។

    • អន្តរប្រតិកម្ម

      ・ឱសថប្រភេទទប់ស្កាត់សកម្មភាពនៃអង់ស៊ីមMAO (MAO inhibitors) - អាចធ្វើអោយកើតមានរោគសញ្ញាសេរ៉ូតូនីន(Serotonin syndrome) ដូចជា សាច់ដុំកន្ត្រាក់ បែកញើស ក្ដៅខ្លួនខ្លាំង ស្មារតី ។ល។ ដូច្នេះ ហាមប្រើរួមគ្នា។

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រភេទទប់ស្កាត់សកម្មភាពនៃអង់ស៊ីមCYP2D6 (Quinidine, Amiodarone, Terbinafine ជាដើម) - អាចធ្វើអោយកំហាប់ក្នុងឈាមនៃDextromethorphanកើនឡើង។

      ・ឱសថប្រភេទបង្កើនសកម្មភាពនៃសារធាតុសេរ៉ូតូនីន(Serotonin) (ឱសថប្រភេទSSRI ជាដើម) - អាចធ្វើអោយកើតមានរោគសញ្ញាសេរ៉ូតូនីន(Serotonin syndrome) ដូចជា សាច់ដុំកន្ត្រាក់ បែកញើស ក្ដៅខ្លួនខ្លាំង ស្មារតី ។ល។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

    • ការប្រុងប្រយ័ត្នជាពិសេស

      ・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង ជាដើម ដូច្នេះ គួរប្រុងប្រយ័ត្នជានិច្ចនៅពេលបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

    • សកម្មភាពឱសថ

      ឱសថនេះមានសកម្មភាពទៅលើប្រព័ន្ធកណ្ដាលគ្រប់គ្រងប្រតិកម្មក្អកនៅក្នុងខួរក្បាល ដោយមានប្រសិទ្ធិភាពទប់ស្កាត់កុំអោយប្រតិកម្មក្អកកើតឡើង ទោះជាមានរំញោចក៏ដោយ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp