Tramadol hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលអាការៈឈឺចាប់ដែលពិបាកព្យាបាលដោយប្រើឱសថបំបាត់ការឈឺចាប់ក្រៅពីប្រភេទអូភីអ័យ រួមមាន៖

- អាការៈឈឺចាប់ដែលកើតមាននៅក្នុងជំងឺមហារីកគ្រប់ប្រភេទ

- អាការៈឈឺចាប់រ៉ាំរ៉ៃ។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈឈឺចាប់ដែលកើតមាននៅក្នុងជំងឺមហារីកគ្រប់ប្រភេទ

- អាការៈឈឺចាប់នៅក្រោយពេលវះកាត់។

ករណីថ្នាំលេប：

មនុស្សពេញវ័យ：លេប1ថ្ងៃ 100～300mg បែងចែកជា4ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ប៉ុន្តែ មិនត្រូវប្រើលើសពីកម្រិត 100mg/ដង និង 400mg/ថ្ងៃនោះទេ។

ករណីថ្នាំចាក់：

មនុស្សពេញវ័យ：ប្រើ1ដង 100～150mg ចាក់ក្នុងសាច់ដុំ។ បន្ទាប់ពីនោះ អាចប្រើបន្ថែមទៀតទៅតាមការចាំបាច់ ដោយទុកគម្លាតរយៈពេល4～5ម៉ោង រវាងការប្រើម្ដងៗ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ករណីថ្នាំលេប：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានអាការៈពុលលក្ខណៈស្រួចស្រាវ ដោយសារការប្រើប្រាស់គ្រឿងស្រវឹង ឱសថធ្វើអោយងងុយគេង ឱសថបំបាត់ការឈឺចាប់ ឱសថបំបាត់ការឈឺចាប់ប្រភេទអូភីអ័យ ឱសថជម្រុញស្មារតី។

・អ្នកដែលកំពុងប្រើប្រាស់ឱសថប្រភេទMAO inhibitors ឬ ស្ថិតក្នុងអំឡុងពេល14ថ្ងៃបន្ទាប់ពីបញ្ឈប់ការប្រើប្រាស់ឱសថនេះ។

・អ្នកជំងឺប្រកាច់ដែលការព្យាបាលមិនទាន់គ្រប់គ្រងស្ថានភាពជំងឺបានគ្រប់គ្រាន់នៅឡើយ។

・កុមារអាយុក្រោម12ឆ្នាំ។

・អ្នកដែលមានបញ្ហាតម្រងនោមឬថ្លើមកម្រិតធ្ងន់ធ្ងរ។ (ករណីឱសថប្រភេទបញ្ចេញសារធាតុយឺតៗ)

ករណីថ្នាំចាក់：

・អ្នកដែលកំពុងស្ថិតនៅក្នុងស្ថានភាពដំណកដង្ហើមចុះខ្សោយធ្ងន់ធ្ងរ។

・អ្នកដែលកំពុងមានស្មារតីដឹងខ្លួនមិនច្បាស់លាស់ ដូចជា ក្នុងករណីទទួលការប៉ះទង្គិចក្បាល ឬ មានជំងឺទាក់ទងនឹងខួរក្បាល ជាដើម។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានអាការៈពុលលក្ខណៈស្រួចស្រាវ ដោយសារការប្រើប្រាស់គ្រឿងស្រវឹង ឱសថធ្វើអោយងងុយគេង ឱសថបំបាត់ការឈឺចាប់ ឱសថបំបាត់ការឈឺចាប់ប្រភេទអូភីអ័យ ឱសថជម្រុញស្មារតី។

・អ្នកដែលកំពុងប្រើប្រាស់ឱសថប្រភេទMAO inhibitors ឬ ស្ថិតក្នុងអំឡុងពេល14ថ្ងៃបន្ទាប់ពីបញ្ឈប់ការប្រើប្រាស់ឱសថនេះ។

・អ្នកជំងឺប្រកាច់ដែលការព្យាបាលមិនទាន់គ្រប់គ្រងស្ថានភាពជំងឺបានគ្រប់គ្រាន់នៅឡើយ។

・កុមារអាយុក្រោម12ឆ្នាំ។

・អ្នកជំងឺអាយុក្រោម18ឆ្នាំដែលស្ថិតនៅក្រោយពេលទទួលការវះកាត់យកក្រពេញអាដេណាល់ចេញ(Tonsillectomy)ឬប្រើក្នុងគោលបំណងបំបាត់ការឈឺចាប់នៅក្រោយពេលវះកាត់Adenoidectomy។

ផលរំខានរួមមាន រាករូស ចង់ក្អួត ក្អួត ងងុយគេង បាត់បង់ចំណង់អាហារ វិលមុខ ឈឺក្បាល ស្ងួតក អស់កម្លាំង ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ដកដង្ហើមលឺសម្លេងខុសប្រក្រតី ហើមភ្នែកនិងជុំវិញបបូរមាត់ (រោគប្រតិកម្មធ្ងន់ធ្ងរ)

- ពិបាកដកដង្ហើម ចំនួនដកដង្ហើមថយចុះ (ប៉ះពាល់ប្រព័ន្ធដំណកដង្ហើម)

- សាច់ដុំកន្ត្រាក់

- មិនអាចបញ្ឈប់ការប្រើប្រាស់ឱសថបាន (រោគសញ្ញាញៀនឱសថ)

- បាត់បង់ស្មារតី។

・ឱសថប្រភេទMAO inhibitors (Selegiline hydrochloride, Rasagiline mesilate) - អាចធ្វើអោយកើតមានផលរំខានធ្ងន់ធ្ងរ ដូចជា បណ្ដុំរោគសញ្ញាសេរ៉ូតូនីន(វង្វេងវង្វាន់ ក្ដៅខ្លួន បែកញើស ចលនាគ្មានលំនឹង រាករូស ជាដើម), ប៉ះពាល់ប្រព័ន្ធដកដង្ហើម ។ល។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបំបាត់ការឈឺចាប់ប្រភេទអូភីអ័យ, ឱសថទប់ស្កាត់ប្រព័ន្ធប្រសាទកណ្ដាល(ឱសថប្រភេទPhenothiazine, ឱសថរំងាប់អារម្មណ៍និងធ្វើអោយងងុយគេង) - អាចធ្វើអោយងាយកើតមានអាការៈកន្ត្រាក់សាច់ដុំនិងប៉ះពាល់ប្រព័ន្ធដកដង្ហើម។

・ឱសថព្យាបាលជំងឺបាក់ទឹកចិត្តប្រភេទTricyclic antidepressant, ប្រភេទSSRI, ឱសថLinezolid - អាចធ្វើអោយកើតមានបណ្ដុំរោគសញ្ញាសេរ៉ូតូនីន(វង្វេងវង្វាន់ ក្ដៅខ្លួន បែកញើស ចលនាគ្មានលំនឹង រាករូស ជាដើម។

・គ្រឿងស្រវឹង - អាចធ្វើអោយប៉ះពាល់ដល់ប្រព័ន្ធដកដង្ហើម។

・ឱសថCarbamazepine - អាចធ្វើអោយប្រសិទ្ធិភាពបំបាត់ការឈឺចាប់នៃTramadolថយចុះ។

・ឱសថQuinidine - អាចធ្វើអោយសកម្មភាពនៃឱសថទាំងសងខាងកើនឡើង។

・ឱសថDigoxin - អាចធ្វើអោយកើតមានអាការៈពុលឱសថDigoxin។

・ឱសថប្រឆាំងកំណកឈាមWarfarin - អាចមានឥទ្ធិពលទៅលើសកម្មភាពនៃWarfarin។

・ឱសថOndansetron hydrochloride hydrate - អាចធ្វើអោយប្រសិទ្ធិភាពបំបាត់ការឈឺចាប់នៃTramadolថយចុះ។

・ឱសថBuprenorphine, ឱសថPentazocine - អាចធ្វើអោយប្រសិទ្ធិភាពបំបាត់ការឈឺចាប់នៃTramadolថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង វិលមុខ ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・គ្រឿងស្រវឹងអាចធ្វើអោយកើតមានផលរំខានពីឱសថនេះ ដូច្នេះ គួរចៀសវាងការពិសាគ្រឿងស្រវឹងនៅក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពដូចខាងក្រោម៖

- ភ្ញោចគ្រឿងទទួលអូភីអ័យ(Opioid receptors)ប្រភេទμ- receptor។

- ទប់ស្កាត់លំហូរចូលនៃសារធាតុន័រអាដ្រេណាលីន(Noradrenaline)ចូលទៅក្នុងកោសិកាសរសៃប្រសាទវិញ។

- ទប់ស្កាត់លំហូរចូលនៃសារធាតុសេរ៉ូតូនីន(Serotonin)ចូលទៅក្នុងកោសិកាសរសៃប្រសាទវិញ។