Precipitated calcium carbonate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បន្សាបជាតិអាស៊ីតក្នុងក្រពះ ដើម្បីព្យាបាលជំងឺដំបៅក្រពះ ដំបៅគល់ពោះវៀនតូច(Duodenal ulcer) រលាកក្រពះ(រួមទាំង រលាកក្រពះស្រួចស្រាវឬរ៉ាំរ៉ៃ និង រលាកក្រពះដោយសារការប្រើប្រាស់ឱសថ) ភាពខុសប្រក្រតីនៃមុខងារប្រដាប់រំលាយអាហារផ្នែកខាងលើ(រួមទាំង អាការៈបាត់បង់ចំណង់អាហារដែលទាក់ទងនឹងបញ្ហាសរសៃប្រសាទ(Anorexia nervosa) ជំងឺក្រពះយារធ្លាក់(Gastroptosis) អាការៈនៃអាស៊ីតក្រពះកើនឡើងហួសហេតុ)។

- ព្យាបាលរោគសញ្ញានៃការកើនឡើងកម្រិតផូស្វ័រក្នុងឈាម(Hyperphosphatemia) ចំពោះអ្នកជំងឺខ្សោយតម្រងនោមរ៉ាំរ៉ៃ ដែលស្ថិតក្នុងដំណាក់កាលរក្សាស្ថានភាពតម្រងនោមឬដំណាក់កាលលាងឈាម។

ថ្នាំលេប：

・ករណីប្រើនៅក្នុងការបន្សាបជាតិអាស៊ីតក្នុងក្រពះដើម្បីព្យាបាលជំងឺក្រពះពោះវៀនផ្សេងៗ：

មនុស្សពេញវ័យ：លេប1ថ្ងៃ1～3g បែងចែកជា3～4ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើនៅក្នុងការព្យាបាលរោគសញ្ញានៃការកើនឡើងកម្រិតផូស្វ័រក្នុងឈាម(Hyperphosphatemia) ចំពោះអ្នកជំងឺខ្សោយតម្រងនោមរ៉ាំរ៉ៃ ដែលស្ថិតក្នុងដំណាក់កាលរក្សាស្ថានភាពតម្រងនោមឬដំណាក់កាលលាងឈាម：

មនុស្សពេញវ័យ：លេប1ថ្ងៃ3.0g បែងចែកជា3ដងក្នុង1ថ្ងៃ ក្រោយបរិភោគអាហាររួចភ្លាម។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុCalcium carbonate។

・អ្នកដែលមានជំងឺមុខងារក្រពេញទីរ៉ូអ៊ីតចុះខ្សោយ(Hypothyroidism)

・អ្នកដែលមានជំងឺមុខងារក្រពេញប៉ារ៉ាទីរ៉ូអ៊ីត(Hyperparathyroidism)កើនឡើង (លើកលែងករណីព្យាបាលរោគសញ្ញានៃការកើនឡើងកម្រិតផូស្វ័រក្នុងឈាម(Hyperphosphatemia))

ផលរំខានរួមមាន បាត់បង់ចំណង់អាហារ អស់កម្លាំង ស្មារតីមិនច្បាស់លាស់ ចង់ក្អួត ក្អួត ទល់លាមកឬរាករូស រមាស់ស្បែក ក្រួសក្នុងតម្រងនោម កម្រិតកាល់ស្យូមក្នុងឈាមកើនឡើងខ្ពស់(ស្ងួតក ផឹកទឹកច្រើន នោមច្រើន) រាករូសឬទល់លាមក ។ល។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងបាក់តេរីប្រភេទTetracycline(Minocycline, Doxycycline, Tetracyclineជាដើម), ឱសថប្រឆាំងបាក់តេរីប្រភេទNew quinolone(Ciprofloxacin, Tosufloxacin), ឱសថEtidronate disodium, ឱសថជាតិដែក - អាចធ្វើអោយការស្រូបនៃសារធាតុឱសថទាំងនេះថយចុះ។ គួរទុកគម្លាតរវាងការប្រើប្រាស់ឱសថទាំងនេះយ៉ាងហោចណាស់រយៈពេល2ម៉ោង)។

・ឱសថព្យាបាលការកើនឡើងកម្រិតប៉ូតាស្យូមក្នុងឈាម(ឱសថCalcium polystyrene sulfonate, ឱសថSodium polystyrene sulfonate) - អាចធ្វើអោយសកម្មភាពនៃសារធាតុឱសថទាំងនេះថយចុះ។

・ឱសថវីតាមីនដេ (Alfacalcidol, Calcitriol, វីតាមីនដេ) - អាច្វើអោយកម្រិតកាល់ស្យូមក្នុងឈាមកើនឡើងខ្ពស់។

・ទឹកដោះគោក្នុងបរិមាណច្រើន - អាចធ្វើអោយកើតមានរោគសញ្ញា Milk-alkalisyndrome។ ប្រសិនបើកើតឡើង ត្រូវបញ្ឈប់ការប្រើប្រាស់ឱសថ។

・ឱសថប្រភេទDigitalis (Digoxin, Digitoxin ជាដើម) - អាចធ្វើអោយសកម្មភាពនៃឱសថទាំងនេះកើនឡើង បង្កជាផលរំខានផ្សេងៗ។

・ការបរិភោគទឹកដោះគោក្នុងបរិមាណច្រើនឬឱសថជាតិកាល់ស្យូម អាចធ្វើអោយកើតមានផលរំខាន រួមមាន រោគសញ្ញានៃការកើនឡើងខ្ពស់នៃកម្រិតកាល់ស្យូមក្នុងឈាម។

ឱសថនេះជាសារធាតុកាល់ស្យូមមួយប្រភេទ ដែលមានប្រសិទ្ធិភាពបន្សាបជាតិអាស៊ីតនៅក្នុងក្រពះ។ ម្យ៉ាងទៀត ឱសថនេះមានសកម្មភាពភ្ជាប់ទៅនឹងអ៊ីយ៉ុងអសរីរាង្គនៃអាស៊ីតផូស្វូរិចនៅក្នុងពោះវៀន បង្កើតជាអំបិលមិនរលាយ ដើម្បីទប់ស្កាត់ការស្រូបសារធាតុផូស្វ័រពីពោះវៀនចូលទៅក្នុងឈាម។