Moxifloxacin hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា ជំងឺឆ្លងនៅស្រទាប់លើនៃស្បែក ជំងឺឆ្លងនៅស្រទាប់ជ្រៅនៃស្បែក ជំងឺឆ្លងមេរោគបណ្ដាលមកពីរបួសក្រៅឬការរលាកភ្លើងឬការវះកាត់ ជំងឺរលាកបំពង់កនិងបំពង់សម្លេង ជំងឺរលាកក្រពេញអាមីដាល់ ជំងឺរលាកទងសួតស្រួចស្រាវ ជំងឺរលាកសួត ជំងឺឆ្លងមេរោគបណ្ដាលមកពីជំងឺផ្លូវដង្ហើមរ៉ាំរ៉ៃ ជំងឺរលាកឆ្អឹងសងខាងច្រមុះ(Sinusitis)។

ករណីថ្នាំបន្តក់ភ្នែក：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា រលាកក្រពេញខ្លាញ់នៅត្របកភ្នែក(Stye) រលាកផ្នែកសនៃភ្នែក(Conjunctivitis) រលាកក្រពេញខ្លាញ់ម៉ាយបូមនៅត្របកភ្នែក(Meibomitis) រលាកកញ្ចក់ភ្នែក(Keratitis)(រួមទាំងជំងឺដំបៅកញ្ចក់ភ្នែក) រលាកត្របកភ្នែក រលាកថង់ទឹកភ្នែក និងប្រើដើម្បីសម្លាប់មេរោគនៅពេលមុននិងក្រោយការវះកាត់ភ្នែក។ល។

ករណីថ្នាំលេប：

មនុស្សពេញវ័យ：លេប1ថ្ងៃ1ដង 400mg។

ករណីថ្នាំបន្តក់ភ្នែក(0.5%)：

・រលាកត្របកភ្នែក រលាកថង់ទឹកភ្នែក រលាកក្រពេញខ្លាញ់នៅត្របកភ្នែក(Stye) រលាកផ្នែកសនៃភ្នែក(Conjunctivitis) រលាកក្រពេញខ្លាញ់ម៉ាយបូមនៅត្របកភ្នែក(Meibomitis) រលាកកញ្ចក់ភ្នែក(Keratitis)(រួមទាំងជំងឺដំបៅកញ្ចក់ភ្នែក)：ប្រើ1ដង1តំណក់ 1ថ្ងៃ3ដង បន្តក់ក្នុងភ្នែក។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・ប្រើក្នុងការសម្លាប់មេរោគនៅពេលមុននិងក្រោយការវះកាត់ភ្នែក：នៅមុនពេលវះកាត់ ប្រើ1ដង1តំណក់ 1ថ្ងៃ5ដង នៅក្រោយពេលវះកាត់ ប្រើ1ដង1តំណក់ 1ថ្ងៃ3ដង បន្តក់ក្នុងភ្នែក។

ករណីថ្នាំលេប：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រឆាំងបាក់តេរីប្រភេទQuinoloneផ្សេងទៀត។

・អ្នកដែលមានជំងឺថ្លើមធ្ងន់ធ្ងរ

・អ្នកដែលមានជំងឺបេះដូងមានរោគសញ្ញាQTអូសបន្លាយវែង

・អ្នកដែលមានកម្រិតប៉ូតាស្យូមទាបនៅក្នុងឈាម(Hypokalemia)

・អ្នកដែលកំពុងប្រើប្រាស់ឱសថព្យាបាលជំងឺទាក់ទងនឹងចង្វាក់បេះដូងក្រុមIa (Quinidine, Procainamide ជាដើម) និង ក្រុមIII (Amiodarone, Sotalol ជាដើម)

​・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ

・កុមារ(ជាទូទៅ ក្រោមអាយុ15ឆ្នាំ)។

ករណីថ្នាំបន្តក់ភ្នែក：

អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ជាមួយនឹងឱសថប្រឆាំងបាក់តេរីប្រភេទQuinolone។

ករណីថ្នាំលេប：

ផលរំខានរួមមាន រាករូស ក្អួតចង្អោរ ពិបាករំលាយអាហារ ឈឺពោះ ឈឺក្បាល វិលមុខ ឡើងកន្ទួលក្រហមលើស្បែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ហើមមុខ កន្ទាលត្រអាកលើស្បែក (រោគប្រតិកម្មធ្ងន់ធ្ងរ)

- បេះដូងលោតញាប់ ស្មារតីមិននឹងនរ (ជំងឺបេះដូងប្រភេទអាការៈនៃចង្វាក់បេះដូងដើរលឿនដោយសារបញ្ហាថតក្រោមនៃបេះដូង(Ventricular tachycardia), QTអូសបន្លាយវែង)

- ក្តៅខ្លួន ពងទឹកលើស្បែក ដាច់រលាត់នៅភ្នែកនិងមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN))

- អាការៈប្រកាច់

- បាត់បង់ស្មារតី។

ករណីថ្នាំបន្តក់ភ្នែក：

ផលរំខានរួមមាន ឈឺភ្នែក ផ្សាភ្នែក ល្វីងក្នុងមាត់ ក្រហមភ្នែក រលាកត្របកភ្នែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ស្នាមឬកន្ទួលក្រហមលើស្បែក សម្ពាធឈាមធ្លាក់ចុះ (រោគប្រតិកម្មធ្ងន់ធ្ងរ)។

ករណីថ្នាំលេប：

・ឱសថព្យាបាលជំងឺទាក់ទងនឹងចង្វាក់បេះដូង(Quinidine, Procainamide, Amiodarone, Sotalol ជាដើម) - អាចធ្វើអោយQTអូសបន្លាយកាន់តែវែងបង្កជាគ្រោះថ្នាក់ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ថ្នាំបញ្ចុះទឹកនោមប្រភេទThiazide ថ្នាំបញ្ចុះទឹកនោមប្រភេទLoop ថ្នាំប្រភេទCorticosteroid ថ្នាំAdrenocorticotropic hormone(ACTH) ថ្នាំGlycyrrhizin - ជាប្រភេទឱសថដែលអាចធ្វើអោយអ្នកជំងឺមានកម្រិតប៉ូតាស្យូមទាបក្នុងឈាម(Hypokalemia) ដូច្នេះត្រូវប្រុងប្រយ័ត្ននៅពេលប្រើប្រាស់ជាមួយMoxifloxacin ព្រោះអាចបង្កអោយQTនៃចង្វាក់បេះដូងអូសបន្លាយវែង។

・ឱសថប្រឆាំងមេរោគErythromycin ឱសថព្យាបាលជំងឺបាក់ទឹកចិត្ត(Tricyclic antidepressants) - អាចបង្កអោយQTនៃចង្វាក់បេះដូងអូសបន្លាយវែង។

・ឱសថប្រឆាំងអាស៊ីតក្រពះដែលមានសារធាតុអាលុយមីញ៉ូម ម៉ាញេស្យូម និងថ្នាំជាតិដែក- អាចធ្វើអោយការស្រូបសារធាតុឱសថថយចុះ។ គួរពិសារថ្នាំទាំងនេះក្រោយពិសារថ្នាំMoxifloxacin រយៈពេលយ៉ាងហោចណាស់ពីរម៉ោង។

・ថ្នាំប្រឆាំងកំណកឈាមWarfarin - អាចធ្វើអោយសកម្មភាពWarfarinកើនឡើង

・ឱសថDiclofenac, Amfenac, Loxoprofen, Pranoprofen, Zaltoprofen ជាដើម - អាចធ្វើអោយមានអាការៈប្រកាច់។

ករណីថ្នាំលេប：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំបន្តក់ភ្នែក：

・ស្ត្រីមានផ្ទៃពោះ ស្ត្រីដែលអាចនឹងកំពុងមានផ្ទៃពោះ និង ស្ត្រីបំបៅដោះកូនគួរប្រើប្រាស់ឱសថនេះក្នុងករណីចាំបាច់ប៉ុណ្ណោះ។

ករណីថ្នាំលេប：

・ឱសថនេះអាចផ្តល់ផលរំខានដូចជាវិលមុខជាដើម ដូច្នេះ គួរចៀសវាងការបើកបរឬបញ្ជាម៉ាស៊ីនដែលមានគ្រោះថ្នាក់ក្នុងអំឡុងពេលប្រើប្រាស់ឱសថនេះ។

ករណីថ្នាំបន្តក់ភ្នែក：

・ករណីប្រើជាមួយថ្នាំបន្តក់ភ្នែកផ្សេងទៀត គួរទុកគម្លាតរវាងគ្នារយៈពេលយ៉ាងហោចណាស់5នាទី។

ជាឱសថប្រឆាំងបាក់តេរីប្រភេទញូគីណូឡូនឬហ្វូលុយអូរ៉ូគីណូឡូន(New quinolone or Fluoroquinolone antibiotics) ដោយមានប្រសិទ្ធិភាពទប់ស្កាត់សកម្មភាពអង់ស៊ីមTopoisomerase II ដើម្បីបង្អាក់ដំណើរការផលិតDNAរបស់បាក់តេរី ធ្វើអោយបាក់តេរីមិនអាចរស់ឬកើនចំនួនបាន។