Metronidazole

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម៖

- ជំងឺបណ្ដាលមកពីបាក់តេរីដែលមិនត្រូវការអុកស៊ីសែន(Anaerobic bacteria) ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគ (Sepsis) ជំងឺឆ្លងបាក់តេរីនៅស្រទាប់ជ្រៅនៃស្បែក ជំងឺឆ្លងបាក់តេរីដោយសាររបួស ការរលាកឬការវះកាត់ ជំងឺរលាកខួរឆ្អឹង ជំងឺរលាកសួត ជំងឺខ្ទុះក្នុងសួត ជំងឺខ្ទុះក្នុងទ្រូង ជំងឺរលាកនៅក្នុងត្រគាក ជំងឺរលាកស្រោមពោះ ជំងឺខ្ទុះក្នុងពោះ ជំងឺរលាកថង់ទឹកប្រមាត់ ជំងឺខ្ទុះក្នុងថ្លើម រលាកស្រោមខួរមានខ្ទុះ ជំងឺមានខ្ទុះក្នុងខួរក្បាល។

- ជំងឺរលាកពោះវៀនបង្កដោយបាក់តេរី

- ជំងឺរាករូសបង្កដោយអាមីប (Amebic dysentery)។

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម：

- ជំងឺTrichomoniasis (ជំងឺឆ្លងបណ្ដាលមកពីប៉ារ៉ាស៊ីត Trichomonas vaginalis)

- ជំងឺបណ្ដាលមកពីបាក់តេរីដែលមិនត្រូវការអុកស៊ីសែន(Anaerobic bacteria) ដូចជា ជំងឺឆ្លងបាក់តេរីនៅស្រទាប់ជ្រៅនៃស្បែក ជំងឺឆ្លងបាក់តេរីដោយសាររបួស ការរលាកឬការវះកាត់ ជំងឺរលាកខួរឆ្អឹង ជំងឺរលាកសួត ជំងឺខ្ទុះក្នុងសួត ជំងឺរលាកនៅក្នុងត្រគាក ជំងឺរលាកស្រោមពោះ ជំងឺខ្ទុះក្នុងពោះ ជំងឺខ្ទុះក្នុងថ្លើម រលាកស្រោមខួរមានខ្ទុះ ជំងឺមានខ្ទុះក្នុងខួរក្បាល។

- ជំងឺរលាកពោះវៀនបង្កដោយបាក់តេរី (រួមទាំង ជំងឺរលាកពោះវៀនធំប្រភេទPseudomembrane colitis)

- ជំងឺរលាកទ្វារមាសបង្កដោយបាក់តេរី

- ជំងឺបណ្ដាលមកពីបាក់តេរីHelicobacter pylori នៅក្នុង ជំងឺរលាកក្រពះ ជំងឺដំបៅក្រពះ ជំងឺដំបៅគល់ពោះវៀនតូច ឬក្រោយការព្យាបាលជំងឺមហារីកក្រពះប្រភេទGastric MALT lymphoma ជំងឺThrombotic thrombocytopenic purpura(TTP)ជំងឺមហារីកក្រពះដំណាក់កាលដំបូងដោយប្រើអង់ដូស្កូប

- ជំងឺរាករូសបង្កដោយអាមីប (Amebic dysentery)

- ជំងឺឆ្លងប៉ារ៉ាស៊ីតGiardia duodenalis។

ករណីថ្នាំសុលតាមទ្វារមាស：

ជាទូទៅ ឱសថនេះប្រើនៅក្នុងការព្យាបាលជំងឺរលាកទ្វារមាសបង្កដោយប៉ារ៉ាស៊ីតTrichomonas vaginalis និង ជំងឺរលាកទ្វារមាសបង្កដោយបាក់តេរី។

ករណីថ្នាំលាប：

ជាទូទៅ ឱសថនេះប្រើនៅក្នុងការកម្ចាត់បាក់តេរីដែលបង្កក្លិនមិនល្អនៅដំបៅលើស្បែកដោយសារជំងឺមហារីក។

ករណីថ្នាំចាក់：

មនុស្សពេញវ័យ：ប្រើ1ដង500mg 1ថ្ងៃ3ដង ដោយព្យួរសេរ៉ូមតាមសរសៃវ៉ែនរយៈពេលយ៉ាងហោចណាស់20នាទី។ ករណីរោគសញ្ញាធ្ងន់ធ្ងរឬពិបាកព្យាបាល អាចប្រើ1ដង500mg 1ថ្ងៃ4ដង។

ករណីថ្នាំលេប：

- ជំងឺTrichomoniasis (ជំងឺឆ្លងបណ្ដាលមកពីប៉ារ៉ាស៊ីត Trichomonas vaginalis)：លេប1ដង250mg 1ថ្ងៃ2ដង រយៈពេល10ថ្ងៃ (1វដ្ដ)។

- ជំងឺបណ្ដាលមកពីបាក់តេរីដែលមិនត្រូវការអុកស៊ីសែន(Anaerobic bacteria)：លេប1ដង500mg 1ថ្ងៃ3ឬ4ដង។

- ជំងឺរលាកពោះវៀនបង្កដោយបាក់តេរី：លេប1ដង250mg 1ថ្ងៃ4ដងឬ លេប1ដង500mg 1ថ្ងៃ3ដង រយៈពេល10～14ថ្ងៃ។

- ជំងឺរលាកទ្វារមាសបង្កដោយបាក់តេរី：លេប1ដង250mg 1ថ្ងៃ3ដងឬ លេប1ដង500mg 1ថ្ងៃ2ដង រយៈពេល7ថ្ងៃ។

- ជំងឺបណ្ដាលមកពីបាក់តេរីHelicobacter pylori：ប្រើក្នុងករណីការកម្ចាត់បាក់តេរីHelicobacter pyloriដោយប្រើឱសថAmoxicillin hydrate ឱសថClarithromycinនិងឱសថប្រភេទProton pump inhibitorsមិនជោគជ័យ។ កម្រិតប្រើក្នុង1ដង រួមមានឱសថMetronidazole 250mg ឱសថAmoxicillin hydrate 750mg និង ឱសថប្រភេទProton pump inhibitors ដោយប្រើរួមគ្នា1ថ្ងៃ2ដង រយៈពេល7ថ្ងៃ។

- ជំងឺរាករូសបង្កដោយអាមីប (Amebic dysentery)：លេប1ដង500mg 1ថ្ងៃ3ដង រយៈពេល10ថ្ងៃ។ អាចប្រើ1ដង750mg 1ថ្ងៃ3ដង ទៅតាមរោគសញ្ញា។

- ជំងឺឆ្លងប៉ារ៉ាស៊ីតGiardia duodenalis：លេប1ដង250mg 1ថ្ងៃ3ដង រយៈពេល5～7ថ្ងៃ។

ករណីថ្នាំសុលតាមទ្វារមាស：

- ជំងឺរលាកទ្វារមាសបង្កដោយប៉ារ៉ាស៊ីតTrichomonas vaginalis：ប្រើ1ថ្ងៃ1ដង250mg សុលទៅក្នុងទ្វារមាស រយៈពេល10～14ថ្ងៃ។

- ជំងឺរលាកទ្វារមាសបង្កដោយបាក់តេរី：ប្រើ1ថ្ងៃ1ដង250mg សុលទៅក្នុងទ្វារមាស រយៈពេល7～10ថ្ងៃ។

ករណីថ្នាំលាប(0.75%)：

ប្រើក្នុងបរិមាណសមស្របទៅតាមរោគសញ្ញានិងទំហំនៃផ្នែកដែលមានបញ្ហា។ ក្រោយសម្អាតមុខដំបៅ លាបឱសថនេះនៅស្បៃរួចបិទពីលើដំបៅឬលាបដោយផ្ទាល់លើដំបៅរួចគ្របដោយស្បៃ 1ថ្ងៃ1～2ដង។

ករណីថ្នាំលេប ថ្នាំលាប និង ថ្នាំចាក់：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺទាក់ទងនឹងខួរក្បាលឬខួរឆ្អឹងខ្នង

- ករណីថ្នាំលេប：លើកលែងជំងឺមានខ្ទុះក្នុងខួរក្បាលបង្កដោយបាក់តេរី

- ករណីថ្នាំលាប：លើកលែងជំងឺមហារីកក្នុងខួរក្បាលឬខួរឆ្អឹងខ្នង

- ករណីថ្នាំចាក់：លើកលែងជំងឺរលាកស្រោមខួរមានខ្ទុះនិងជំងឺមានខ្ទុះក្នុងខួរក្បាលបង្កដោយបាក់តេរី

・ស្ត្រីមានផ្ទៃពោះក្រោម3ខែ។

ករណីថ្នាំសុលតាមទ្វារមាស：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំលេប និង ថ្នាំចាក់：

ផលរំខានរួមមាន ឡើងកន្ទួលក្រហម រមាស់ រាករូស បាត់បង់ចំណង់អាហារ ចង់ក្អួត អារម្មណ៍មិនស្រួលក្នុងក្រពះ ទឹកនោមមានពណ៌ក្រហមក្រម៉ៅ លាមកមានពណ៌ខ្មៅ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ស្ពឹកនិងឈឺដៃជើង (រោគសញ្ញាប៉ះពាល់ដល់សរសៃប្រសាទតាមអវៈយវៈ)

- វិលមុខ ដើរគ្មានលំនឹង សាច់ដុំកន្ត្រាក់ រវើរវាយ (រោគសញ្ញាប៉ះពាល់ដល់សរសៃប្រសាទនៅក្នុងខួរក្បាល)

- ក្ដៅខ្លួន ឈឺក្បាល ក្អួតចង្អោរ (រលាកស្រោមខួរ)

- ក្តៅខ្លួន ពងទឹកលើស្បែក ដាច់រលាត់នៅភ្នែកនិងមាត់ ក្រហមពេញខ្លួន (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN))

- ចង់ក្អួត ក្ដៅខ្លួន ឈឺពោះខ្លាំងភ្លាមៗ (រលាកលំពែងស្រួចស្រាវ)

- ក្ដៅខ្លួន ឈឺបំពង់ក រងាញាក់ (ជំងឺគ្រាប់ឈាមសថយចុះ)

- អស់កម្លាំង បាត់បង់ចំណង់អាហារ ភ្នែកនិងស្បែកឡើងពណ៌លឿង(មុខងារថ្លើមថយចុះ)

ករណីថ្នាំសុលតាមទ្វារមាស：：

ផលរំខានរួមមាន អាការៈរមាស់ ក្រហមនៅទ្វារមាស។ល។

ករណីថ្នាំលាប：

ផលរំខានរួមមាន ហូរឈាមនៅមុខដំបៅ។ល។ ម្យ៉ាងទៀត ករណីប្រើប្រាស់ឱសថលាបក្នុងទំហំធំ អាចបង្កជាផលរំខានចំពោះរាងកាយទាំងមូល ដូចជា ស្ពឹកនិងឈឺដៃជើង ឈឺក្បាល ញ័រដៃជើង ពិបាកនិយាយ មិនអាចផ្ដុំអារម្មណ៍បាន ភ្លេចភ្លាំង គ្រាប់ឈាមសថយចុះ(ក្ដៅខ្លួន ឈឺបំពង់កជាដើម) ។ល។

ករណីថ្នាំលេប ថ្នាំលាប និង ថ្នាំចាក់：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・គ្រឿងស្រវឹង - គួរចៀសវាងការពិសារគ្រឿងស្រវឹងនៅក្នុងអំឡុងពេលប្រើឱសថនេះ ព្រោះអាចធ្វើអោយមានអាការៈ ដូចជាឈឺពោះ ក្អួតចង្អោរ មុខក្រហម។ល។

・ឱសថដែលមានផ្ទុកសារធាតុRitonavir - អាចប្រតិកម្មធ្វើអោយមានផលរំខានផ្សេងៗ

・ឱសថDisulfiram - អាចផ្ដល់ផលរំខានប៉ះពាល់ដល់ស្មារតី

・ឱសថប្រឆាំងកំណកឈាមWarfarin - អាចធ្វើអោយសកម្មភាពនៃWarfarinកើនឡើង

・ឱសថLithium - អាចធ្វើអោយកំហាប់ក្នុងឈាមនៃLithiumកើនឡើង បង្កជាផលរំខានផ្សេងៗ

・ឱសថBusulfan - អាចធ្វើអោយសកម្មភាពនៃBusulfanកើនឡើង

・ឱសថFluorouracil (5-FU) - អាចធ្វើអោយសកម្មភាពនៃ5-FUកើនឡើង

・ឱសថCiclosporin - អាចធ្វើអោយសកម្មភាពនៃCiclosporinកើនឡើង

・ឱសថPhenobarbital - អាចធ្វើអោយសកម្មភាពនៃMetronidazoleថយចុះ

ករណីថ្នាំលេប ថ្នាំលាប និង ថ្នាំចាក់：

・ស្ត្រីមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។ ជាពិសេសស្រ្តីមានផ្ទៃពោះក្រោម3ខែ មិនត្រូវប្រើឱសថនេះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំលេប និង ថ្នាំចាក់：

・គួរចៀសវាងការពិសារគ្រឿងស្រវឹងនៅក្នុងអំឡុងពេលប្រើឱសថនេះ ព្រោះអាចធ្វើអោយមានអាការៈ ដូចជាឈឺពោះ ក្អួតចង្អោរ មុខក្រហម។ល។

ករណីថ្នាំលាប：

・គួរចៀសវាងការពិសារគ្រឿងស្រវឹងនៅក្នុងអំឡុងពេលប្រើឱសថនេះ ព្រោះអាចធ្វើអោយមានអាការៈ ដូចជាឈឺពោះ ក្អួតចង្អោរ មុខក្រហម។ល។

・គួរចៀសវាងកុំអោយត្រូវកាំរស្មីUV(ពន្លឺព្រះអាទិត្យឬអំពូលUV) ព្រោះកាំរស្មីUVអាចធ្វើអោយប្រសិទ្ធិភាពឱសថថយចុះ។

・ការប៉ះពាល់ដំបៅនៅពេលលាបថ្នាំ អាចធ្វើអោយចេញឈាមពីមុខដំបៅបាន ដូច្នេះគួរប្រយ័ត្ននៅពេលលាបថ្នាំឬផ្លាស់ប្ដូរក្រណាត់រុំ។

ជាឱសថប្រឆាំងបាក់តេរីនិងប៉ារ៉ាស៊ីតប្រូតូហ្សូ(Protozoa) ដោយមានសកម្មភាពធ្វើប្រតិកម្មរេដុកម្មនៅក្នុងមេរោគ ដើម្បីបំលែងទៅជាសមាសធាតុនីត្រូសូ(Nitroso compound)។ សមាសធាតុនេះនឹងទៅភ្ជាប់ជាមួយDNAរបស់មេរោគ ដើម្បីបង្អាក់សកម្មភាពផលិតDNA នាំអោយមេរោគមិនអាចរស់ឬកើនចំនួនបាន។