Losartan potassium

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺលើសសម្ពាធឈាម

- បញ្ហាតម្រងនោមដែលកើតឡើងដោយសារជំងឺទឹកនោមផ្អែម និង ដែលរួមមានរោគសញ្ញាលើសសម្ពាធឈាមនិងប្រូតេអ៊ីននៅក្នុងទឹកនោម។

ថ្នាំលេប：

・ករណីជំងឺលើសសម្ពាធឈាម：

មនុស្សពេញវ័យ：លេប1ថ្ងៃ1ដង 25～50mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ100mg។

・ករណីបញ្ហាតម្រងនោមដែលកើតឡើងដោយសារជំងឺទឹកនោមផ្អែម និង ដែលរួមមានរោគសញ្ញាលើសសម្ពាធឈាមនិងប្រូតេអ៊ីននៅក្នុងទឹកនោម：

មនុស្សពេញវ័យ：លេប1ថ្ងៃ1ដង 50mg។ អាចបង្កើនកម្រិតប្រើប្រាស់ដល់1ថ្ងៃ100mg ទៅតាមបម្រែបម្រួលនៃសម្ពាធឈាម។ ចំពោះអ្នកជំងឺដែលមានហានិភ័យនៃការកើតមានអាការៈសម្ពាធឈាមចុះទាបខ្លាំង គួរចាប់ផ្ដើមលេបពីកម្រិត1ថ្ងៃ1ដង25mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលមានបញ្ហាថ្លើមធ្ងន់ធ្ងរ។

・អ្នកជំងឺទឹកនោមផ្អែមដែលកំពុងប្រើប្រាស់ឱសថAliskiren fumarate (លើកលែងករណីអ្នកជំងឺមិនមានជម្រើសឱសថបញ្ចុះសម្ពាធឈាមផ្សេងទៀតដែលមានប្រសិទ្ធិភាពក្នុងការគ្រប់គ្រងសម្ពាធឈាម)។

ផលរំខានរួមមានឈឺក្បាល វិលមុខ ក្អួតចង្អោរ ក្ដៅមុខ សម្ពាធឈាមចុះទាប គ្មានកម្លាំង ហត់ ។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- មិនស្រួលក្នុងមាត់ កន្ទាលត្រអាក បែកញើស ពិបាកដកដង្ហើម ក្រហមនិងហើមពេញខ្លួន (រោគប្រតិកម្មធ្ងន់ធ្ងរ)

- ហើមត្របកភ្នែក បបូរមាត់ឬអណ្ដាត ពិបាកដកដង្ហើម (រោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema))

- ក្ដៅខ្លួន បាត់បង់ចំណង់អាហារ អស់កម្លាំង ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ រលាកថ្លើម)

- បរិមាណទឹកនោមថយចុះ ហើម អស់កម្លាំង (មុខងារតម្រងនោមចុះខ្សោយ)

- បែកញើសទាំងត្រជាក់ខ្លួន ចង់ក្អួត ពិបាកដកដង្ហើម ទឹកមុខស្លេកស្លាំង ងងឹតមុខ (អាការៈប្រតិកម្មធ្ងន់ធ្ងរ(Shock))

- ឈឺសាច់ដុំ គ្មានកម្លាំងសាច់ដុំ ទឹកនោមមានពណ៌ក្រហមត្នោត (ជំងឺរលាយសាច់ដុំ(Rhabdomyolysis))

- ស្ពឹកដៃជើងនិងបបូរមាត់ កម្លាំងសាច់ដុំចុះខ្សោយ ស្ពឹកដៃជើង (កម្រិតប៉ូតាស្យូមក្នុងឈាមកើនឡើងខ្ពស់)

- ចង្វាក់បេះដូងខុសប្រក្រតី

- អស់កម្លាំង ឈឺក្បាល ឈឺបំពង់ក ចេញឈាមតាមអញ្ចាញធ្មេញ ហូរឈាមក្រោមស្បែក (រោគសញ្ញានៃការថយចុះចំនួនគ្រាប់ឈាមសឬចំនួនប្លាកែត ជាដើម)

- អស់កម្លាំង ឃ្លាន បែកញើស ញ័រដៃ សាច់ដុំកន្ត្រាក់ (ជាតិស្ករក្នុងឈាមធ្លាក់ចុះទាប)

- អស់កម្លាំង បាត់បង់ចំណង់អាហារ ក្អួតចង្អោរ សាច់ដុំកន្ត្រាក់ បាត់បង់ស្មារតី (កម្រិតសូដ្យូមក្នុងឈាមធ្លាក់ចុះទាប)។

・ឱសថAliskiren fumarate - អាចធ្វើអោយកើតមានផលរំខានប៉ះពាល់ដល់ តម្រងនោម កម្រិតប៉ូតាស្យូមក្នុងឈាម សម្ពាធឈាម។ ដូច្នេះ ហាមប្រើរួមគ្នា។ (ប៉ុន្តែលើកលែងករណីអ្នកជំងឺមិនមានជម្រើសឱសថបញ្ចុះសម្ពាធឈាមផ្សេងទៀតដែលមានប្រសិទ្ធិភាពក្នុងការគ្រប់គ្រងសម្ពាធឈាម)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះទឹកនោមប្រភេទរក្សាកម្រិតប៉ូតាស្យូម(Spironolactone, Triamtereneជាដើម), ឱសថបំពេញជាតិប៉ូតាស្យូមក្នុងរាងកាយ(Potassium chlorideជាដើម), ឱសថដែលមានផ្ទុកសារធាតុTrimethoprim - អាចធ្វើអោយកម្រិតប៉ូតាស្យូមក្នុងឈាមកើនឡើង។

・ឱសថប្រភេទACE Inhibitors - អាចធ្វើអោយកើតមានផលរំខានប៉ះពាល់ដល់ តម្រងនោម កម្រិតប៉ូតាស្យូមក្នុងឈាម សម្ពាធឈាម។

・ឱសថLithium carbonate - អាចធ្វើអោយកំហាប់ក្នុងឈាមនៃLithium កើនឡើង បង្កជាផលរំខានផ្សេងៗ។

・ឱសថបំបាត់ការឈឺចាប់និងបញ្ចុះកម្ដៅប្រភេទNSAIDs(Indometacinជាដើម) - អាចធ្វើអោយប្រសិទ្ធិភាពបញ្ចុះសម្ពាធឈាមថយចុះនិងអាចធ្វើអោយប៉ះពាល់ដល់តម្រងនោម។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។ ម្យ៉ាងទៀត ប្រសិនបើរកឃើញថាមានផ្ទៃពោះក្នុងអំឡុងពេលប្រើប្រាស់ឱសថនេះ ត្រូវផ្អាកការប្រើប្រាស់ឱសថនេះភ្លាម។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះអាចផ្ដល់ផលរំខានដូចជា វិលមុខ ជាដើម ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

・ត្រូវការរយៈពេលប្រហែល1ខែដើម្បីដឹងអំពីប្រសិទ្ធិភាព។

ឱសថនេះមានប្រសិទ្ធិភាពភ្ជាប់ទៅនឹងគ្រឿងទទួលរបស់សារធាតុAngiotensin II (AT1 Receptor) ដើម្បីទប់ស្កាត់សារធាតុនេះមិនអោយភ្ជាប់និងភ្ញោចគ្រឿងទទួលដើម្បីដំណើរការមុខងារបង្កើនសម្ពាធឈាមនៅក្នុងរាងកាយបាន(ការកន្ត្រាក់ធ្វើអោយសរសៃឈាមរួមតូច ជាដើម)។