Loperamide hydrochloride

ជាទូទៅ ឱសថនេះប្រើនៅក្នុងការព្យាបាលអាការៈរាករូស។

ថ្នាំលេប：

- មនុស្សពេញវ័យ：លេប1ថ្ងៃ1～2mg បែងចែកជា1～2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

- កុមារ：លេប1ថ្ងៃ0.02～0.04mg/kg (ថ្នាំម្សៅ0.05%ត្រូវនឹង 0.04～0.08g/kg) បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・អ្នកដែលមានជំងឺរលាកពោះវៀនធំលក្ខណៈហូរឈាម។

・អ្នកដែលមានជំងឺរលាកពោះវៀនធំលក្ខណៈកកើតភ្នាសខុសប្រក្រតី(Pseudomembranous colitis) ដែលកើតឡើងដោយសារការប្រើប្រាស់ឱសថប្រឆាំងមេរោគ។

・ទារកកើតមិនគ្រប់ទម្ងន់ ទារកទើបកើត និង ទារកក្រោមអាយុ6ខែ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលកំពុងមានអាការៈរាករូសដោយសារការឆ្លងមេរោគ។

・អ្នកដែលមានជំងឺរលាកពោះវៀនធំលក្ខណៈដំបៅ(Ulcerative colitis)។

・ទារកដែលមានអាយុចន្លោះពី6ខែទៅ2ឆ្នាំ។

ផលរំខានរួមមាន ឡើងកន្ទួលក្រហម ហើមពោះ មិនស្រួលក្នុងពោះ ចង់ក្អួត ឈឺពោះ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺពោះខ្លាំង ចង់ក្អួត ក្អួត (ស្ទះពោះវៀន(Ileus) ពោះវៀនធំរីកប៉ោង(Megacolon))

- ពិបាកដកដង្ហើម កន្ទាលត្រអាក ស្មារតីដឹងខ្លួនចុះខ្សោយ (រោគប្រតិកម្មធ្ងន់ធ្ងរ)

・ក្ដៅខ្លួនខ្លាំង ភ្នែកក្រហម ហើមមាត់និងបបូរមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome ឬ StevensJohnson syndrome) ជំងឺស្លាប់កោសិកាស្បែក(TEN))។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថAluminium silicate, ឱសថAlbumin tannate - អាចធ្វើអោយប្រសិទ្ធិភាពនៃឱសថLoperamide hydrochlorideថយចុះ។

・ឱសថRitonavir, ឱសថQuinidine - អាចធ្វើអោយកំហាប់ក្នុងឈាមនៃឱសថLoperamide hydrochlorideកើនឡើង។

・ឱសថItraconazole - អាចធ្វើអោយកំហាប់ក្នុងឈាមនៃឱសថLoperamide hydrochlorideកើនឡើង។

・ឱសថDesmopressin(ថ្នាំលេប) - អាចធ្វើអោយកំហាប់ក្នុងឈាមនៃឱសថDesmopressinកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ប្រើនៅក្នុងការបំបាត់អាការៈរាករូស ដោយបង្ហាញប្រសិទ្ធិភាពក្នុងរយៈពេល4～7ថ្ងៃ ចំពោះអ្នកជំងឺស្ទើរតែទាំងអស់។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង វិលមុខជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・អាការៈរាករូសធ្វើអោយរាងកាយបាត់បង់ជាតិទឹក ដូច្នេះ ត្រូវបំពេញជាតិទឹកអោយបានគ្រប់គ្រាន់។

・ឱសថនេះមានប្រសិទ្ធិភាពខ្ពស់ ប៉ុន្តែ អាចកើតមានរោគសញ្ញាស៊ាំនឹងឱសថ ដូច្នេះ គួរប្រើក្នុងរយៈពេលខ្លីតែប៉ុណ្ណោះ។

ឱសថនេះមានសកម្មភាពទប់ស្កាត់មុខងារសរសៃប្រសាទដែលទទួលការភ្ញោចពីសារធាតុអាសេទីលកូលីន(Acetylcholine)នៅក្នុងពោះវៀន និង ទប់ស្កាត់ការបញ្ចេញសារធាតុអាសេទីលកូលីន(Acetylcholine)និងសារធាតុប្រូស្តាក្លង់ឌីន(Prostaglandin)។