COTUX Tablet

ក្រុមហ៊ុនផលិតឱសថ:

 

Medical Supply Pharmaceutical Enterprise, Cambodia

  • សារធាតុសកម្ម
  • ប្រសិទ្ធិភាពព្យាបាល និង កម្រិតប្រើប្រាស់
  • ហាមប្រើ
  • ផលរំខាន
  • អន្តរប្រតិកម្ម
  • ស្ត្រីមានផ្ទៃពោះ និង ស្ត្រីបំបៅដោះកូន
  • ការប្រុងប្រយ័ត្នជាពិសេស
  • បរិយាយប័ណ្ណឱសថ 
  • សារធាតុសកម្ម

    Codeine 20mg, Phenyltoloxamine 10mg

  • ប្រសិទ្ធិភាពព្យាបាល និង កម្រិតប្រើប្រាស់

    គុណភាពព្យាបាល៖

    សម្រាប់ព្យាបាលរោគសញ្ញាជំងឺក្អកស្ងួតនាំឱ្យរំខានញឹកញយ ជាពិសេសនៅពេលយប់។

     

    កម្រិត និងរបៀបប្រើ៖

    សម្រាប់មនុស្សពេញវ័យ

    លេបម្តង1គ្រាប់ក្នុងករណីចាំបាច់លេបសារជាថ្មីរយៈពេល 6ម៉ោងយ៉ាងតិច មិនត្រូវប្រើឱ្យលើស 3គ្រាប់ក្នុង1ថ្ងៃទេ។

    ការព្យាបាលតាមលក្ខណៈអាការៈរោគគឺត្រូវប្រើរយៈពេលខ្លី (ពីរ-បីថ្ងៃ) និងកំណត់ពេលម៉ោងក្អក។ ចន្លោះពេលប្រើគឺ 6ម៉ោងយ៉ាងតិច។

  • ហាមប្រើ

    ហាមប្រើ៖

    ដាច់ខាតចំពោះអ្នកដែលធ្លាប់មានប្រតិកម្មជាមួយវត្ថុធាតុផ្សំណាមួយ

    * ទាក់ទងទៅនឹងវត្តមានសារជាតិកូដេអ៊ីន៖

    - ហាមប្រើចំពោះអ្នកដែលមានប្រព័ន្ធដកដង្ហើមខ្សោយ

    - ក្អកបណ្តាលមកពីជំងឺហឺត

    - លាយជាមួយ Buprenorphine, nalbuphine, pentazocine

    - ស្រ្តីមានផ្ទៃពោះ និងកំពុងបំបៅកូន

    * ទាក់ទងនឹងវត្តមានសារជាតិ Phenyltoloxamine៖

    ​ - អាចបណ្តាលឱ្យមានជំងឺទឹកដក់ក្នុងភ្នែក

    - អាចបណ្តាលឱ្យទល់នោមទាក់ទងទៅនឹងវិបត្តិបង្ហូរនោម និងក្រពេញប្រូស្តាត។

  • ផលរំខាន

    ទាក់ទងនឹងវត្តមានសារជាតិកូដេអ៊ីន៖

    - ប្រើក្នុងកម្រិតព្យាបាលឥទ្ធិពលបន្ទាប់បន្សំរបស់កូដេអ៊ីនគឺដូចគ្នានឹងពពួកសារជាតិញៀនដទៃទៀតដែរ ប៉ុន្តែគ្រាន់តែមានដោយកម្រ និងខ្សោយជាងប៉ុណ្ណោះ។

    អាចបណ្តាលឱ្យ៖ ទល់លាមក ងងុយដេក វិលមុខ ចង្អោរ និងក្អួត។

    ដោយកម្រ៖ ទងសួតកន្ត្រាក់ ប្រតិកម្មអាល្លែកហ្ស៊ីកស្បែក វិសម្ពាធនៃប្រព័ន្ធដកដង្ហើម។

    - ប្រើក្នុងកម្រិតព្យាបាលខ្ពស់ និងបញ្ឈប់ការប្រើប្រាស់ភ្លាមៗ អាចបណ្តាលឱ្យញៀន និងមានអាការៈដូចក្មេងផ្តាច់ដោះ គឺច្រើនសង្កេតឃើញចំពោះអ្នកប្រើប្រាស់នូវឱសថនេះ និងចំពោះទារកដែលម្តាយញៀននូវគ្រឿងស្រវឹង។

    ទាក់ទងនឹងវត្តមានសារជាតិ Phenyltoloxamine:

    - ឥទ្ធិពលទៅលើសរសៃប្រសាទ៖ នាំឱ្យងងុយដេក តាមការកត់សំគាល់នៅពេលចាប់ផ្តើមព្យាបាល ឥទ្ធពល Anticholinergique: ជាតិរំអិលឡើងស្ងួត ទល់លាមកវិបត្តិនៃការមើលរបស់ភ្នែក រីកកូនក្រមុំភ្នែក ញ័របេះដូង ទល់នោម សម្ពាធឈាមចុះពេលងើបឈរ៖ ធីងធោង វិលមុខ ភ្លេចភ្លាំង ឬការប្រមូលផ្តុំចិត្តថយចុះ (ជាពិសេសចំពោះមនុស្សចាស់) incoordination motrice ញ័រខ្លួន ភ័ន្តច្រឡំ រវើរវាយ រំជួលចិត្ត ឆាប់ខឹង ដេកពុំលក់ (ជាពិសេសចំពោះទារកទើបនឹកើត)។

    ​- ប្រតិកម្មអាលែ្លកហ្ស៊ិក៖ ស្បែកឡើងក្រហម ត្រអក រមាស់ ស្បែកជាំខ្មៅ កន្រ្ទាលត្រអាក ជាយថាហេតុឡើងធំៗ ហើម មានដោយកម្រ oedeme de Quincke ប្រតិកម្មខ្លាំង។

    - ឥទ្ធិពលលើឈាម៖ ខ្វះគ្រាប់ឈាមស Neutropenie កោសិការតូចថយចុះ (thrombocytopenie) ស្លេកស្លាំងដោយសារការបាត់បង់គ្រាប់ឈាមក្រហម។

  • អន្តរប្រតិកម្ម

    ចៀសវាងប្រើលាយជាមួយថ្នាំដែលធ្វើឱ្យស្លេស្មរាវ និងថ្នាំកាត់ស្លេស្មដទៃទៀត។

  • ស្ត្រីមានផ្ទៃពោះ និង ស្ត្រីបំបៅដោះកូន

    ហាមប្រើចំពោះស្ត្រីមានផ្ទៃពោះ និងកំពុងបំបៅកូន

  • ការប្រុងប្រយ័ត្នជាពិសេស

    ​​ - ចៀសវាងប្រើលាយជាមួយថ្នាំដែលធ្វើឱ្យស្លេស្មរាវ និងថ្នាំកាត់ស្លេស្មដទៃទៀត។

    ទាក់ទងនឹងវត្តមានសារជាតិកូដេអ៊ីន៖

    ​​ - ការព្យាបាលរយៈពេលយូរ ក្នុងកម្រិតខ្ពស់អាចបណ្តាលឱ្យញៀន

    ​​ - ត្រូវប្រុងប្រយ័ត្នក្នុងករណីសម្ពាធឈាមក្នុងលលាដ៍ក្បាលឡើងព្រោះអាចកាត់តែបង្កើនឡើង។

    ទាក់ទងទៅនឹងវត្តមានសារជាតិ Phenyltoloxamine:

    * មនុស្សចាស់អាចបណ្តាលឱ្យ៖

    - ភាគច្រើនគឺសម្ពាធឈាមចុះនៅពេលក្រោកឈរ វិលមុខ និងងងុយដេក (sedation)

    - ទល់លាមករ៉ាំរ៉ៃ

    - ជាយថាហេតុក្រពេញប្រូស្តាតរីកធំ

    * អ្នកជំងឺខ្សោយថ្លើម និង/ឬតម្រងនោមធ្ងន់ធ្ងរ អាចមានគ្រោះថ្នាក់ដោយសារការប្រមូលផ្តុំនៃសារជាតិ Phenyltoloxamine។ ចៀសវាងផឹកភេសជ្ជៈមានជាតិអាល់កុល ឬប្រើថ្នាំដែលមានជាតិអាល់កុលក្នុងពេលកំពុងព្យាបាល

    * ចៀសវាងប្រើចំពោះអ្នកបើកបរ ឬបញ្ជាគ្រឿងម៉ាស៊ីនព្រោះអាចបណ្តាលឱ្យងងុយដេកពិសេសនៅពេលចាប់ផ្តើមព្យាបាល។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp