CELENTA 200 Capsule

ក្រុមហ៊ុនផលិតឱសថ:

 

Incepta Pharmaceuticals Ltd, Bangladesh

  • សារធាតុសកម្ម
  • ប្រសិទ្ធិភាពព្យាបាល និង កម្រិតប្រើប្រាស់
  • ហាមប្រើ
  • ផលរំខាន
  • អន្តរប្រតិកម្ម
  • ស្ត្រីមានផ្ទៃពោះ និង ស្ត្រីបំបៅដោះកូន
  • ការប្រុងប្រយ័ត្នជាពិសេស
    • បរិយាយប័ណ្ណឱសថ 

  • សារធាតុសកម្ម

    Celecoxib 200mg

  • ប្រសិទ្ធិភាពព្យាបាល និង កម្រិតប្រើប្រាស់

    គុណភាពព្យាបាល៖

    ឱសថនេះឋិតក្នុងក្រុម Non-steroidal anti-inflammatory ប្រើសម្រាប់ព្យាបាលជំងឺដូចខាងក្រោម៖

    - ធ្វើឱ្យធូរស្រាលការឈឺចាប់

    - ជំងឺរលាកសន្លាក់

    - ជំងឺរលាកសន្លាក់ឆ្អឹង​

    - ឱសថនេះក៏អាចប្រើផងដែរសម្រាប់កាត់បន្ថយចំនួនកោសិការដែលអាចបណ្តាលឱ្យមានជំងឺមហារីកពោះវៀនចំពោះអ្នកជំងឺតំណពូជមហារីកពោះវៀន

    កម្រិត និងរបៀបប្រើ៖

    - សម្រាប់ព្យាបាលជំងឺរលាកសន្លាក់ និងរលាកសន្លាក់ឆ្នឹង៖ កម្រិតប្រើឱសថនេះត្រូវចាប់ផ្តើមប្រើពីកម្រិតទាបហើយអាចលេបពេលពោះទទេ ឬពេលញ៉ាំអាហារក៏បាន។

    - សម្រាប់ធ្វើឱ្យធូរស្រាលរោគសញ្ញារលាកសន្លាក់ឆ្អឹង៖ កម្រិតណែនាំឱ្យប្រើគឺ លេបម្តង 200ម.ក្រ លេបតែ1ដងគត់ ក្នុង1ថ្ងៃ ឬលេប 100ម.ក្រ លេប2ដងក្នុង1ថ្ងៃ

    - សម្រាប់ធ្វើឱ្យធូរស្រាលរោគសញ្ញារលាកសន្លាក់៖ កម្រិតណែនាំឱ្យប្រើគឺពី 100ម.ក្រ ទៅ 200ម.ក្រ លេប2ដងក្នុង1ថ្ងៃ។

    - សម្រាប់ព្យាបាលកាត់បន្ថយចំនួនកោសិកាមហារីកពោះវៀនចំពោះអ្នកជំងឺតំណពូជមហារីកពោះវៀន៖ កម្រិតណែនាំឱ្យប្រើគឺ 400ម.ក្រ លេប 2ដងក្នុង1ថ្ងៃ លេបពេលញ៉ាំអាហារ។

    - ចំពោះអ្នកជំងឺខ្សោយថ្លើមកម្រិតមធ្យម៖ កម្រិតណែនាំឱ្យប្រើគឺប្រើពាក់កណ្តាលនៃកម្រិតប្រើធម្មតា។

    មុនប្រើឱសថនេះត្រូវពិគ្រោះជាមួយគ្រូពេទ្យ ឬឱសថការី។

  • ហាមប្រើ

    - អ្នកងាយមានប្រតិកម្មជាមួយនឹង Celecoxib ឬ Sulfonamide

    - អ្នកជំងឺធ្លាប់មានជំងឺហឺត កើតកន្ទាលត្រអាក ឬមានប្រតិកម្មអាល្លែកហ្ស៊ីក្រោយពេលប្រើឱសថ Aspirin ឬឱសថណាមួយក្នុងក្រុម NSAIDs

    - កូនក្មេងអាយុក្រោម 18ឆ្នាំ

    - ស្រ្តីមានផ្ទៃពោះ

    - ស្ត្រីបំបៅដោះកូន

  • ផលរំខាន

    ពេលប្រើឱសថនេះក្នុងរយៈពេលយូរអាចមានផលរំខានដូចខាងក្រោម៖

    - វិបត្តិក្រពះពោះវៀន៖ ឈឺពោះ រាកហើមពោះ ចង្អោរ ពិបាករំលាយអាហារ

    - វិបត្តិប្រព័ន្ធសរសៃប្រសាទកណ្តាល៖ ឈឺក្បាល វិលមុខ ដេកមិនលក់

    - វិបត្តិផ្សេងទៀត៖ មានកើតជំងឺក្នុងផ្លូវដង្ហើមផ្នែកខាងលើ រមាស់ស្បែក ឈឺខ្នង និងហើមដៃជើង។

  • អន្តរប្រតិកម្ម

    - ACE inhibitors

    - Furosemide, Thiazides

    - Aspirin

    - Lithium

    - Fluconazole

    - Methothrexate

    - Warfarin

  • ស្ត្រីមានផ្ទៃពោះ និង ស្ត្រីបំបៅដោះកូន

    ស្រ្តីមានផ្ទៃពោះ និងបំបៅកូនហាមប្រើឱសថនេះ។

  • ការប្រុងប្រយ័ត្នជាពិសេស

    ឱសថនេះត្រូវមានការប្រុងប្រយ័ត្នចំពោះល័ក្ខខ័ណ្ឌដូចខាងក្រោម៖

    - ចំពោះអ្នកជំងឺដែលកំពុងព្យាបាលដោយប្រើឱសថគ័រទីកូអ៊ីត

    - ចំពោះអ្នកជំងឺដែលធ្លាប់មានប្រវត្តិដំបៅក្រពះពោះវៀន ឬហូរឈាមក្នុងក្រពះពោះវៀន​

    - ចំពោះអ្នកជំងឺខ្សោយមុខងារថ្លើម

    - ចំពោះអ្នកជំងឺខ្សោយតម្រងនោម

    - ចំពោះអ្នកជំងឺខ្សោយបេះដូង

    - ចំពោះអ្នកជំងឺដែលកំពុងប្រើឱសថបញ្ចុះទឹកនោម និងឱសថបញ្ចុះសំពាធឈាម

    - ចំពោះអ្នកជំងឺដែលធ្លាប់មានជំងឺហឺត

    - ចំពោះមនុស្សចាស់

    - មិនត្រូវប្រើឱសថនេះលើសកម្រិតណែនាំ

    - មិនត្រូវប្រើឱសថនេះហួសកាលបរិច្ឆេទប្រើប្រាស់

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅព័ត៌មានឱសថ