ADALAT LA 30 Tablet

គុណភាពព្យាបាល៖

- Nifedipine ជាប្រភេទឱសថដែលមានប្រសិទ្ធភាពកាត់បន្ថយការជ្រាបអ៊ីយ៉ុងកាល់ស្យូមចូលក្នុងកោសិការបស់សាច់ដុំបេះដូង និងសាច់ដុំរលោងនៃសរសៃអាទែរក្លរ៉ូណែរ និងសរសៃផ្នែកខាងក្រៅបេះដូង។

- ឱសថនេះធ្វើឱ្យសរសៃឈាមអាទែរក្លរ៉ូណែរ រីកដែលជាហេតុសំរួលដល់ចរន្តឈាមរត់ជាពិសេសនៅកន្លែងដែលស្ទះសរសៃឈាមសំរួលដល់ការផ្គត់ផ្គង់អុកស៊ីសែនទៅគ្រប់សរីរាង្គ (ឧ. បេះដូង ខួរក្បាល កោសិការ ។ល។)

- ឱសថនេះប្រើសំរាប់ព្យាបាល៖

• ជម្ងឺសរសៃឈាមនៃបេះដូង៖ ចុកទ្រូងរ៉ាំរ៉ៃ ឬចុកទ្រូងពេលប្រឹងធ្វើអ្វីមួយ

• ជម្ងឺសម្ពាធឈាមឡើង

កំរិត និងរបៀបប្រើ៖

- ចំពោះជម្ងឺសរសៃឈាមបេះដូង៖

• ប្រើតែ 1 គ្រាប់ (30 ម.ក្រ) ក្នុង 1ថ្ងៃ (1x30mg/day)

• ឬប្រើតែ 1 គ្រាប់ (60 ម.ក្រ) ក្នុង 1ថ្ងៃ (1x60mg/day)

- ចំពោះជម្ងឺសម្ពាធឈាមឡើង៖

• ប្រើតែ 1 គ្រាប់ (30 ម.ក្រ) ក្នុង 1ថ្ងៃ (1x30mg/day)

• ឬប្រើតែ 1 គ្រាប់ (60 ម.ក្រ) ក្នុង 1ថ្ងៃ (1x60mg/day)

សំគាល់៖

- ជាទូទៅការព្យាបាលដំបូងគឺប្រើ 30ម.ក្រ ក្នុង 1ថ្ងៃ

- អាស្រ័យទៅតាមសភាពជម្ងឺ និងសភាពអ្នកជម្ងឺ កំរិតប្រើអាចកើនដល់ 120ម.ក្រ (ក្នុង 1ថ្ងៃ ប្រើតែម្តង)

រយៈពេលព្យាបាល៖ គឺអាស្រ័យគ្រូពេទ្យកំណត់

របៀបប្រើ៖

- ត្រូវលេបឱសថទាំងមូលជាមួយទឹក (ហាមទំពារ ឬបៀម)

- ត្រូវលេបខុសពីពេលអាហារ

- ចំពោះកុមារ

- អ្នកជម្ងឺងាយទទួលប្រតិកម្ម

- អ្នកជម្ងឺ shock ដែលបណ្តាលមកពីបេះដូង និងសរសៃឈាម

- ឱសថនេះហាមប្រើជាមួយឱសថ Rifampicin

- ចំពោះស្រ្តីមានផ្ទៃពោះ និងស្រ្តីបំបៅកូន

ផលរំខានខ្លះៗ

• ចំពោះរាង្គកាយ៖ អស់កម្លាំង ហើម ឈឺក្បាល

• ចំពោះប្រព័ន្ធសរសៃបេះដូង៖ peripheral edema រីកសរសៃឈាម ញ័រទ្រូង

• ចំពោះប្រព័ន្ធប្រសាទ៖ ធីងធោង

- ផលរំខានមិនញឹកញាប់៖

• ចំពោះរាង្គកាយ៖ ភាពល្ហិតល្ហៃ ឈឺពោះ ចុកទ្រូង ឈឺជើង

• ចំពោះប្រព័ន្ធសរសៃបេះដូង៖ សម្ពាធឈាមចុះ សម្ពាធឈាមចុះពេលមានចលនា (Postural Hypotension) បេះដូងដើរញាប់ ខ្យល់គ

• ចំពោះប្រព័ន្ធផ្លូវអាហារ៖ រាក សម្ងួតមាត់ ពិបាករំលាយអាហារ (dyspepsia) ហើមពោះ ចង្អោរ

• ចំពោះប្រព័ន្ធសាច់ដុំ និងឆ្អឹង៖ ឈឺសាច់ដុំ រមួលក្រពើ

• ប្រព័ន្ធប្រសាទ៖ ដេកមិនលក់ វិបត្តិសតិ វិបត្តិភាពដឹង វិលមុខ ងងុយដេក

• ចំពោះផ្លូវដង្ហើម៖ ថប់ដង្ហើម

• ចំពោះស្បែក៖ រមាស់ ឡើងកន្ទួលក្រហមលើស្បែក

• ចំពោះផ្លូវទឹកនោម៖ នោមញឹកនៅពេលយប់ នោមច្រើន (Polyuria)

- ករណីប្រើលើសកំរិត៖ មានលេចចេញនូវរោគសញ្ញា៖ វិបត្តិស្មារតី និងអាចសន្លប់ សម្ពាធឈាមចុះខ្លាំង បេះដូងដើរញាប់ ឬដើរយឺត វិបត្តិចង្វាក់បេះដូង លើសជាតិស្តរក្នុងឈាម វិបត្តិមេតាបូលីសអាស៊ីត កង្វះអុកស៊ីសែនក្នុងឈាម គាំងបេះដូងហើមស្ងួត។

- ករណីកើនឡើងនូវរោគសញ្ញាដូចខាងលើជាដំបូងត្រូវបញ្ចេញនូវជាតិឱសថនេះពីសរីរាង្គ និងបន្ទាប់មកត្រូវព្យាបាលបេះដូងឱ្យមានចលនាធម្មតាវិញ។

- ករណីប្រើឱសថគ្រាប់ ត្រូវលាងក្រពះ និងលាងពោះវៀនតូច។

- ប្រតិកម្មពេលប្រើឱសថនេះ និងឱសថផ្សេងទៀត៖

• Nifedipine ពេលប្រើរួមជាមួយឱសថផ្សេងទៀត (anti-hypertensive) ធ្វើឱ្យប្រសិទ្ធភាពរបស់វាកើនឡើង

• ឱសថនេះពេលប្រើជាមួយឱសថ β-receptor blocker អ្នកជម្ងឺត្រូវតាមដានដោយប្រុងប្រយ័ត្ន ព្រោះវាអាចឱ្យសម្ពាធឈាមចុះខ្លាំង

• ឱសថនេះធ្វើឱ្យកើនកំរិតឱសថ Digoxin នៅក្នុងប្លាស្មា ពេលប្រើជាមួយគ្នា

• ឱសថនេះធ្វើឱ្យកើនកំរិតឱសថ Quinidine នៅក្នុងប្លាស្មាពេលប្រើជាមួយគ្នា

• Cimetidine ធ្វើឱ្យកើនកំរិតឱសថ Nifedipine នៅក្នុងប្លាស្មា និងកើនប្រសិទ្ធភាពរបស់វាក្នុងការទប់ស្កាត់សម្ពាធឈាមឡើង

• ឱសថនេះហាមប្រើជាមួយឱសថ Rifampicin

• ឱសថនេះពេលប្រើជាមួយឱសថ Diltiazem ត្រូវប្រុងប្រយ័ត្ន

• ឱសថនេះពេលប្រើជាមួយភេសជ្ជះទឹកទំពាំងបាយជូ ធ្វើឱ្យកើនឡើងនូវប្រសិទ្ធភាពបញ្ចុះសម្ពាធឈាមរបស់វា

• ឱសថនេះប្រើជាមួយឱសថ Cisapride ធ្វើឱ្យកើនកំរិត Nifedipine នៅក្នុងប្លាស្មា ដូច្នេះត្រូវពិនិត្យ និងបន្ថយកំរិតប្រើរបស់វា។

• ឱសថនេះប្រើជាមួយឱសថ Erythromycin ធ្វើឱ្យកើនកំរិត Nifedipine នៅក្នុងប្លាស្មា

• ឱសថ Ketoconazole, Itraconazole Fluconazole ធ្វើឱ្យកើននូវប្រសិទ្ធភាពបញ្ចុះសម្ពាធឈាមរបស់ឱសថ Nifedipine ពេលប្រើជាមួយគ្នា ដូច្នេះត្រូវតាមដានកំរិតឱសថនេះ ឬបន្ថយកំរិតប្រើរបស់វា

• Tacrolimas ធ្វើឱ្យកើនឡើងនូវប្រសិទ្ធភាពបញ្ចុះសម្ពាធឈាមរបស់ឱសថ Nifedipine ដូច្នេះត្រូវពិនិត្យតាមដានកំរិតឱសថនេះនៅក្នុងឈាម ឬបន្ថយកំរិតប្រើរបស់វា។

- ចំពោះអ្នកជម្ងឺមានសម្ពាធឈាមចុះខ្លាំង

- ចំពោះអ្នកជម្ងឺមានវិបត្តិបេះដូង និងស្ទះសរសៃឈាមធ្ងន់ធ្ងរ (aortic stenosis)

- ក៏ដូចជាឱសថផ្សេងទៀតដែលមានប្រសិទ្ធភាពលើសសរសៃដែរ ពេលប្រើ Nifedipine ដំបូងអាចបណ្តាលឱ្យចុកទ្រូង

- ចំពោះអ្នកជម្ងឺធ្លាប់មានវិបត្តិក្រពះ ពោះវៀនធ្ងន់ធ្ងរ

- ចំពោះអ្នកជម្ងឺខ្សោយមុខងារថ្ងើម

- ចំពោះអ្នកបើកបរគ្រឿងម៉ាស៊ីន៖

• ប្រតិកម្មប្រែប្រួលទៅតាមសភាពបុគ្គលនិមួយៗ ពេលប្រើឱសថនេះអាចធ្វើឱ្យបាត់បង់លទ្ធភាព បើកបរ ឬបញ្ជាគ្រឿងម៉ាស៊ីន

• សភាពខាងលើច្រើនកើតឡើងនៅពេលប្រើឱសថនេះដំបូង ឬផ្លាស់ប្តូរឱសថផ្សេងទៀត ឬពេលអ្នកប្រើឱសថនេះហូបគ្រឿងស្រវឹង (alcohol)

• Carbamazepine និង Phenobarbitone ធ្វើឱ្យថយចុះប្រសិទ្ធភាពបញ្ចុះសម្ពាធឈាមរបស់ Nifedipine និងកំរិតឱសថនេះនៅក្នុងប្លាស្មា។

• Valproic acid ធ្វើឱ្យកើនឡើងនូវកំរិតឱសថ Nifedipine នៅក្នុងប្លាស្មា និងធ្វើឱ្យកើននូវប្រសិទ្ធភាពបញ្ចុះសម្ពាធឈាមរបស់វា។

• ឱសថនេះគ្មានប្រតិកម្មជាមួយឱសថ៖ Ajmalin, Benazepril, Debrisoquine, Doxazosin, Omeprazole, Orlistat, Pantoprazole, Ranitidine។

• ឱសថនេះប្រើជាមួយឱសថ Aspirine ពុំមានផលរំខានគ្នាទេ។