Ursodeoxycholic acid

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជម្រុញការបញ្ចេញទឹកប្រមាត់ ចំពោះអ្នកដែលមានជំងឺទាក់ទងនឹងផ្លូវទឹកប្រមាត់(បំពង់ទឹកប្រមាត់ ថង់ទឹកប្រមាត់) និង អ្នកជំងឺថ្លើមដែលមានរោគសញ្ញាដក់ទឹកប្រមាត់។

- កែលម្អមុខងារថ្លើម ចំពោះអ្នកដែលមានជំងឺថ្លើមរ៉ាំរ៉ៃ។

- កែលម្អអាការៈរំលាយអាហារមិនបានល្អ ដែលជារោគសញ្ញាក្រោយការវះកាត់យកពោះវៀនតួចចេញ និង ចំពោះអ្នកដែលមានជំងឺទាក់ទងនឹងពោះវៀនតូចលក្ខណៈរលាក។

- រំលាយក្រួសទឹកប្រមាត់ដែលកើតពីកូឡេស្តេរ៉ូល និង ដែលមិនទាន់រឹងនៅសម្បកខាងក្រៅ។

- កែលម្អមុខងារថ្លើម ចំពោះអ្នកដែលមានជំងឺក្រិនថ្លើមប្រភេទទឹកប្រមាត់ (Primary biliary cirrhosis)

- កែលម្អមុខងារថ្លើម ចំពោះអ្នកដែលមានជំងឺរលាកថ្លើមរ៉ាំរ៉ៃប្រភេទC។

ថ្នាំលេប：

・ករណីជម្រុញការបញ្ចេញទឹកប្រមាត់ កែលម្អមុខងារថ្លើមចំពោះអ្នកដែលមានជំងឺថ្លើមរ៉ាំរ៉ៃ និង កែលម្អអាការៈរំលាយអាហារមិនបានល្អក្រោយការវះកាត់យកពោះវៀនតួចចេញឬទាក់ទងនឹងពោះវៀនតូចលក្ខណៈរលាក：

មនុស្សពេញវ័យ：លេប1ដង50mg 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីរំលាយក្រួសទឹកប្រមាត់ដែលកើតពីកូឡេស្តេរ៉ូល និង ដែលមិនទាន់រឹងនៅសម្បកខាងក្រៅ：

មនុស្សពេញវ័យ：លេប1ថ្ងៃ600mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីកែលម្អមុខងារថ្លើម ចំពោះអ្នកដែលមានជំងឺក្រិនថ្លើមប្រភេទទឹកប្រមាត់ (Primary biliary cirrhosis)：

មនុស្សពេញវ័យ：លេប1ថ្ងៃ600mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ900mg។

・ករណីកែលម្អមុខងារថ្លើម ចំពោះអ្នកដែលមានជំងឺរលាកថ្លើមរ៉ាំរ៉ៃប្រភេទC：

មនុស្សពេញវ័យ：លេប1ថ្ងៃ600mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ900mg។

・អ្នកដែលមានអាការៈស្ទះផ្លូវទឹកប្រមាត់ទាំងស្រុង។

・អ្នកដែលមានជំងឺរលាកថ្លើមស្រួចស្រាវនិងធ្ងន់ធ្ងរ(Fulminant hepatitis)។

ផលរំខានរួមមាន រាករូស លាមកទន់ ទល់លាមក ចង់ក្អួត រមាស់ស្បែក កន្ទាលត្រអាក ឡើងកន្ទួលក្រហម ស្នាមក្រហមលើស្បែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួន ក្អកស្ងួត ពិបាកដកដង្ហើម (រលាកសួតប្រភេទInterstitial pneumonia)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះជាតិស្ករក្នុងឈាមប្រភេទSulfonylurea (Tolbutamide ជាដើម) - អាចធ្វើអោយសកម្មភាពបញ្ចុះជាតិស្ករក្នុងឈាមកាន់តែខ្លាំងឡើង។

・ឱសថColestyramine ជាដើម - អាចធ្វើអោយសកម្មភាពនៃឱសថUrsodeoxycholic acidថយចុះ។ ដូច្នេះ គួរទុកគម្លាតនៃការប្រើប្រាស់អោយបានឆ្ងាយពីគ្នា។

・ឱសថបន្សាបជាតិអាស៊ីត(Aluminium hydroxide ជាដើម) - អាចធ្វើអោយសកម្មភាពនៃឱសថUrsodeoxycholic acidថយចុះ។

・ឱសថបញ្ចុះជាតិខ្លាញ់(Clofibrate ជាដើម) - អាចធ្វើអោយសកម្មភាពនៃឱសថUrsodeoxycholic acidថយចុះ ករណីប្រើឱសថនេះនៅក្នុងការរំលាយក្រួសទឹកប្រមាត់កើតពីកូឡេស្តេរ៉ូល។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ប្រើនៅក្នុងការរំលាយក្រួសទឹកប្រមាត់ប្រភេទកូឡេស្តេរ៉ូល និង ការព្យាបាលរោគសញ្ញានៃជំងឺដក់ទឹកប្រមាត់និងជំងឺថ្លើមរ៉ាំរ៉ៃ។

・ក្រោយពីព្យាបាលរយៈពេលកន្លះឆ្នាំនិង1ឆ្នាំ ត្រូវធ្វើរោគវិនិច្ឆ័យថាតើគួរបន្តការព្យាបាលទៀតដែរឬទេ ដោយផ្អែកលើការពិនិត្យដោយថតរូបភាព។ ជាទូទៅ ចាំបាច់ត្រូវបន្តការព្យាបាលរយៈពេលវែងពី1～2ឆ្នាំ។

・បន្ទាប់ពីក្រួសរលាយហើយ អាចមានករណីដែលកើតឡើងវិញម្ដងទៀត ដូច្នេះ គួរបន្តការប្រើប្រាស់ឱសថមួយរយៈពេលសិន និង ត្រូវពិនិត្យមុខងារថ្លើមជាទៀងទាត់។

ឱសថនេះមានសកម្មភាពដូចខាងក្រោម៖

- ជម្រុញការបញ្ចេញទឹកប្រមាត់ដែលដក់នៅក្នុងសរីរាង្គ។

- ការពារកោសិកាថ្លើមពីសារធាតុនៃទឹកប្រមាត់ប្រភេទមិនរលាយក្នុងទឹក(Hydrophobic bile acid)។

- ទប់ស្កាត់ការផលិតសារធាតុបង្កអាការៈរលាក រួមមាន សាយតូខាញ(Cytokine) ខេម៉ូខាញ(Chemokine) និងទប់ស្កាត់ការជ្រៀតចូលនៃកោសិការលាកចូលទៅក្នុងថ្លើម។

- រំលាយក្រួសទឹកប្រមាត់។

- ជួយក្នុងការរំលាយអាហារ។