Sulpiride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺដំបៅក្រពះ ឬ ដំបៅគល់ពោះវៀនតូច(Duodenal ulcer)

- ជំងឺវិកលចរឹត (Schizophrenia)

- ជំងឺឬអាការៈបាក់ទឹកចិត្ត(Depression)។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺដំបៅក្រពះ ឬ ដំបៅគល់ពោះវៀនតូច(Duodenal ulcer)

- ជំងឺវិកលចរឹត (Schizophrenia)។

ករណីថ្នាំលេប：

・ជំងឺដំបៅក្រពះ ឬ ដំបៅគល់ពោះវៀនតូច(Duodenal ulcer)：

មនុស្សពេញវ័យ：លេប1ថ្ងៃ150mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・ជំងឺវិកលចរឹត (Schizophrenia)：

មនុស្សពេញវ័យ：លេប1ថ្ងៃ300～600mg បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ1200mg។

・ជំងឺឬអាការៈបាក់ទឹកចិត្ត(Depression)：

មនុស្សពេញវ័យ：លេប1ថ្ងៃ150～300mg បែងចែកជា2～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ600mg។

ករណីថ្នាំចាក់：

・ជំងឺដំបៅក្រពះ ឬ ដំបៅគល់ពោះវៀនតូច(Duodenal ulcer)：

មនុស្សពេញវ័យ：ប្រើ1ដង50mg 1ថ្ងៃ2ដង ចាក់ក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・ជំងឺវិកលចរឹត (Schizophrenia)：

មនុស្សពេញវ័យ：ប្រើ1ដង100～200mg ចាក់ក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ600mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺមហារីកក្រពេញPituitary លក្ខណៈបង្កើនការបញ្ចេញអរម៉ូនប្រូឡាក់ទីន(Prolactinoma)។

・អ្នកដែលសង្ស័យថាមានជំងឺមហារីកPheochromocytoma។

ផលរំខានរួមមាន ការមករដូវខុសប្រក្រតី ចេញទឹកដោះ ឡើងដោះ គេងមិនលក់ឬងងុយគេង វិលមុខ ងងឹតមុខ ស្ងួតក ក្រហាយទ្រូង ចង់ក្អួត ក្អួត ទល់លាមក អារម្មណ៍ក្ដៅ អស់កម្លាំង ឡើងកន្ទួលក្រហម ហើម ញ័រដៃជើង រឹងអណ្ដាត ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួនភ្លាមៗ ញ័រដៃជើង រឹងសាច់ដុំ (Syndrome malin)

- សាច់ដុំកន្ត្រាក់

- ឈឺទ្រូង បេះដូងលោតញាប់ មិនស្រួលក្នុងទ្រូង (QTនៃចង្វាក់បេះដូងអូសបន្លាយ ការកន្ត្រាក់ថតក្រោមនៃបេះដូងកើនឡើង)

- អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមមានបញ្ហា ខាន់លឿង)

- ឈឺក្បាល ក្ដៅខ្លួន ឈឺបំពង់ក (រោគសញ្ញានៃការថយចុះចំនួនគ្រាប់ឈាមស)

- មិនអាចគ្រប់គ្រងចលនាមុខនិងជុំវិញមាត់បាន (ជំងឺTardive dyskinesia)

- ក្ដៅខ្លួន ឈឺបំពង់ក អស់កម្លាំង ឈាមច្រមុះ ឈាមតាមអញ្ចាញធ្មេញ ស្នាមជាំស្វាយក្រោមស្បែក (រោគសញ្ញានៃការស្ទះចរន្តឈាមក្នុងសួតដោយសារកំណកឈាម ឬ ការស្ទះចរន្តឈាមនៃសរសៃឈាមវ៉ែនផ្នែកជ្រៅ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលមានសកម្មភាពអូសបន្លាយQTនៃចង្វាក់បេះដូង (Imipramine, Pimozide ជាដើម) - អាចធ្វើអោយកើតមានផលរំខានប៉ះពាល់ដល់បេះដូងធ្ងន់ធ្ងរ។

・ឱសថប្រភេទDigitalis (Digoxin, Digitoxin ជាដើម) - អាចធ្វើអោយមិនអាចដឹងពីអាការៈនៅមុនពេលពុលឱសថDigitalis។

・ឱសថប្រភេទBenzamide(Metoclopramide, Tiapride ជាដើម), ឱសថប្រភេទPhenothiazine (Chlorpromazine ជាដើម), ឱសថប្រភេទButyrophenone (Haloperidol ជាដើម) - អាចធ្វើអោយកើតមានផលរំខានទាក់ទងនឹងមុខងារនៃក្រពេញបញ្ចេញក្នុងជាដើម។

・ឱសថដែលមានសកម្មភាពទប់ស្កាត់ប្រព័ន្ធសរសៃប្រសាទ(ឱសថប្រភេទBarbiturates ឱសថសណ្ដំឬស្ពឹក ជាដើម) - អាចធ្វើអោយសកម្មភាពទប់ស្កាត់ប្រព័ន្ធសរសៃប្រសាទនៃឱសថទាំងសងខាងកើនឡើង។

・ឱសថដែលភ្ញោចសរសៃប្រសាទនៃសារធាតុដូប៉ាមីន(Levodopa ជាដើម) - អាចធ្វើអោយសកម្មភាពនៃឱសថទាំងសងខាងថយចុះ។

・គ្រឿងស្រវឹង - អាចធ្វើអោយសកម្មភាពទប់ស្កាត់ប្រព័ន្ធសរសៃប្រសាទនៃឱសថទាំងសងខាងកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង វិលមុខ ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・គ្រឿងស្រវឹងអាចធ្វើអោយសកម្មភាពឬផលរំខានរបស់ឱសថកើនឡើង ដូច្នេះ គួរចៀសវាងការពិសាគ្រឿងស្រវឹងនៅក្នុងអំឡុងពេលប្រើប្រាស់ឱសថនេះ។

・ឱសថនេះអាចត្រូវបានប្រើប្រាស់នៅក្នុងការព្យាបាលជំងឺវិកលចរឹត(Integration dysfunction syndrome ឬ schizophrenia) និង ជំងឺបាក់ទឹកចិត្ត(Depression)ផងដែរ ប៉ុន្តែ ត្រូវប្រើក្នុងកម្រិតខុសគ្នា។ ប្រើក្នុងកម្រិតទាបដើម្បីព្យាបាលជំងឺបាក់ទឹកចិត្តនិងជំងឺដំបៅក្រពះពោះវៀន ហើយប្រើក្នុងកម្រិតខ្ពស់ដើម្បីព្យាបាលជំងឺផ្នែកស្មារតី។

・ឱសថនេះអាចត្រូវបានប្រើនៅក្នុងការបំបាត់អាការៈបាក់ទឹកចិត្ត ដើម្បីកាត់បន្ថយអាការៈឈឺក្បាលជាដើម។

ឱសថនេះមានសកម្មភាពដូចខាងក្រោម៖

- ទៅលើផ្នែកHypothalamusនិងSympathetic nervous systemនៃខួរក្បាល ដើម្បីបង្កើនបរិមាណនៃចរន្តឈាមរត់ទៅដល់ភ្នាសក្រពះ ដើម្បីជម្រុញការជាសះស្បើយនៃភ្នាសក្រពះនិងពោះវៀនដែលមានបញ្ហា។

- ទប់ស្កាត់សកម្មភាពនៃគ្រឿងទទួលដូប៉ាមីន(Dopamine receptor)នៅក្នុងខួរក្បាល ដើម្បីព្យាបាលរោគសញ្ញាទាក់ទងនឹងស្មារតី។