Roxithromycin

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ទាក់ទងនឹងផ្លូវដង្ហើម ស្បែក ត្រចៀក ច្រមុះ ធ្មេញ ចង្កា រួមមានដូចជា ជំងឺឆ្លងនៅស្រទាប់លើនៃស្បែក ជំងឺឆ្លងនៅស្រទាប់ជ្រៅនៃស្បែក ជំងឺរលាកកូនកណ្ដុរនិងសរសៃទឹករងៃ ជំងឺខ្ទុះលើស្បែករ៉ាំរ៉ៃ ជំងឺមុនខ្ទុះលើស្បែក ជំងឺរលាកបំពង់កនិងបំពង់សម្លេង ជំងឺរលាកក្រពេញអាមីដាល់ ជំងឺរលាកទងសួតស្រួចស្រាវ ជំងឺរលាកសួត ជំងឺរលាកផ្នែកកណ្ដាលនៃត្រចៀក(Otitis media) ជំងឺរលាកជាលិកាជុំវិញធ្មេញ ជំងឹរលាកចង្កា។

ថ្នាំលេប：

មនុស្សពេញវ័យ：លេប1ថ្ងៃ300mg បែងចែកជា2ដងក្នុង1ថ្ងៃ។

・អ្នកដែលមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកជំងឺដែលកំពុងប្រើប្រាស់ ឱសថដែលមានផ្ទុកសារធាតុErgotamine (Ergotamine tartrate, Dihydroergotamine mesylateជាដើម) ។

ផលរំខានរួមមាន រាករូស អារម្មណ៍មិនស្រួលក្នុងក្រពះ ក្តៅខ្លួន កន្ទួលក្រហម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម បែកញើសទាំងត្រជាក់ ឡើងកន្ទួលក្រហម (រោគប្រតិកម្មធ្ងន់ធ្ងរ)

- ឈឺពោះ រាករូស លាមកមានឈាម (រលាកពោះវៀនធំ)

- ក្តៅខ្លួន ក្អក ពិបាកដកដង្ហើម (ជំងឺរលាកសួតInterstitial pneumonia)

- ឈាមច្រមុះ ចេញឈាមតាមអញ្ចាញធ្មេញ មានស្នាមជាំពណ៌ស្វាយតាមស្បែក (ជំងឺប្លាកែតថយចុះ )

- អស់កម្លាំង បាត់បង់ចំណង់អាហារ ស្បែកនិងភ្នែកលឿង (មុខងារថ្លើមថយចុះ ខាន់លឿង)

- ក្តៅខ្លួន ស្នាមក្រហមលើស្បែក រមាស់ ភ្នែកក្រហម ដំបៅក្នុងមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome))

- វិលមុខ បេះដូងលោតញាប់ (អាការៈនៃចង្វាក់បេះដូងដើរលឿនដោយសារបញ្ហាថតក្រោមនៃបេះដូង(Ventricular tachycardia) រួមទាំងTorsades de pointes, រយៈពេលនៃQTកើនឡើង)

・ឱសថដែលមានផ្ទុកសារធាតុErgotamine (Ergotamine tartrate, Dihydroergotamine mesylateជាដើម) - អាចធ្វើអោយសកម្មភាពរបស់ឱសថទាំងនេះកើនឡើង បង្កអោយមានការខ្វះឈាមទៅកាន់អវៈយវៈទាំងបួន ដូច្នេះហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・Theophylline - អាចធ្វើអោយសកម្មភាពរបស់Theophyllineកើនឡើង បង្កជាផលរំខានដូចជា ក្អួតចង្អោរ ។ល។

・Warfarin - អាចធ្វើអោយសកម្មភាពរបស់Warfarinកើនឡើង បង្កជាផលរំខានដូចជាការងាយហូរឈាម។ល។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ជាឱសថប្រឆាំងបាក់តេរីប្រភេទម៉ាក្រូឡាយ(Macrolide antibiotic) ដោយមានប្រសិទ្ធិភាពបង្អាក់សកម្មភាពបង្កើតប្រូតេអ៊ីនរបស់បាក់តេរី ធ្វើអោយបាក់តេរីមិនអាចរស់ឬកើនចំនួនបាន។