Mometasone furoate

ករណីថ្នាំលាបលើស្បែក：

ជាទូទៅ ឱសថនេះប្រើនៅក្នុងការព្យាបាល ៖

- ជំងឺស្បែកដែលមានឡើងកន្ទួលរមាស់ឬរលាក

- ជំងឺស្បែកPsoriasis

- ជំងឺពងខ្ទុះលើបាតដៃនិងបាតជើង(Palmoplantar pustulosis)

- អាការៈក្រហមនិរបកស្បែកពេញរាងកាយ (Erythroderma or Exfoliative dermatitis) ដោយសារជំងឺស្បែកផ្សេងៗ

- អាការៈឡើងកន្ទួលក្រហមលើស្បែកដោយសារប្រតិកម្មទៅនឹងសារធាតុថ្នាំឬសារធាតុគីមីផ្សេងៗ

- សត្វល្អិតខាំ

- ជំងឺរមាស់ស្បែក

- ជំងឹអេរីតេម៉ាតូសលើស្បែក(Discoid lupus erythematosus)លក្ខណៈរ៉ាំរ៉ៃ

- ជំងឺស្បែកLichen planus

- ផ្លែលើស្បែក ឬ ស្នាមលើស្បែកដែលដុះក្រាស់

- ជំងឺជ្រុះសក់ជារង្វង់(Alopecia areata)។ល។

ករណីថ្នាំបាញ់ស្រូបតាមមាត់：

ជាទូទៅ ឱសថនេះប្រើនៅក្នុងការព្យាបាលជំងឺហឺត(Bronchial asthma)។

ករណីថ្នាំបាញ់ក្នុងច្រមុះ：

ជាទូទៅ ឱសថនេះប្រើនៅក្នុងការព្យាបាលជំងឺរលាកច្រមុះដោយសាររោគប្រតិកម្ម(Allergic rhinitis)។

ករណីថ្នាំលាបលើស្បែក (0.1%)：

ប្រើ1ថ្ងៃ1～ច្រើនដង ក្នុងបរិមាណសមស្រប លាបលើកន្លែងដែលមានបញ្ហា។

ករណីថ្នាំបាញ់ស្រូបតាមមាត់：

មនុស្សពេញវ័យ：ប្រើ1ដង100μg 1ថ្ងៃ2ដង ស្រូបតាមមាត់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ 800μg។

ករណីថ្នាំបាញ់ក្នុងច្រមុះ：

- មនុស្សពេញវ័យ：ប្រើ1ថ្ងៃ1ដង 200μg បាញ់ក្នុងរន្ធច្រមុះនីមួយៗ។

- កុមារអាយុក្រោម12ឆ្នាំ：ប្រើ1ថ្ងៃ1ដង 100μg បាញ់ក្នុងរន្ធច្រមុះនីមួយៗ។

- កុមារអាយុ12ឆ្នាំឡើងទៅ：ប្រើ1ថ្ងៃ1ដង 200μg បាញ់ក្នុងរន្ធច្រមុះនីមួយៗ។

ករណីថ្នាំលាបលើស្បែក：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ជំងឺឆ្លងបាក់តេរី មេរោគផ្សិត វីរុស ពពួកSpirochaete ប៉ារ៉ាស៊ីត ឬ សត្វល្អិត នៅលើស្បែក។

・ជំងឺរលាករូងត្រចៀកខាងក្រៅដែលមានកន្ទួលក្រហម និង មានធ្លុះក្រដាសត្រចៀក។

・ដំបៅលើស្បែក(លើកលែងជំងឺBehcet's disease)។

・រលាកស្បែកស្រទាប់ជ្រៅចាប់ពីកម្រិតទី2ឡើងទៅដោយសារកម្ដៅឬធាតុត្រជាក់។

ករណីថ្នាំបាញ់ស្រូបតាមមាត់：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺឆ្លងមេរោគដែលគ្មានឱសថព្យាបាលដែលមានប្រសិទ្ធិភាព ឬ អ្នកដែលមានជំងឺឆ្លងមេរោគផ្សិតនៅស្រទាប់ជ្រៅ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានជំងឺបង្កដោយមេរោគរបេង។

ករណីថ្នាំបាញ់ច្រមុះ(Mometasone furoate hydrate)：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺឆ្លងមេរោគដែលគ្មានឱសថព្យាបាលដែលមានប្រសិទ្ធិភាព ឬ អ្នកដែលមានជំងឺឆ្លងមេរោគផ្សិតពេញរាងកាយ។

ករណីថ្នាំលាបលើស្បែក：

ផលរំខានរួមមាន ក្រហាយ រលាករន្ធរោម ស្នាមក្រហមលើស្បែក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺក្បាល ស្រវាំងភ្នែក ឈឺភ្នែក ចាំងភ្នែក (ជំងឺក្លូកូម(Glaucoma) ជំងឺភ្នែកឡើងបាយប្រភេទPosterior capsular cataract)។

ករណីថ្នាំបាញ់ស្រូបតាមមាត់：

ផលរំខានរួមមាន រោគសញ្ញានៅក្នុងមាត់និងបំពង់ក (ឈ្លក់ ឈឺ ផ្សា មិនស្រួលក្នុងមាត់ឬបំពង់ក) សម្លេងស្អក ឆ្លងមេរោគផ្សិតនៅក្នុងមាត់(Candidiasis) ស្ងួតក្នុងមាត់ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម រោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema)(ហើមជុំវិញភ្នែកឬមាត់) កន្ទាលត្រអាក (រោគសញ្ញាស្រដៀងទៅនឹងរោគប្រតិកម្មធ្ងន់ធ្ងរ)។

ករណីថ្នាំបាញ់ក្នុងច្រមុះ：

ផលរំខានរួមមាន ឈាមច្រមុះ អាការៈច្រមុះ(ក្រហាយ ឈឺ ស្ងួត រមាស់) អាការៈបំពង់ក(ក្រហាយ ឈឺ ទើស ស្ងួត) ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម កន្ទាលត្រអាក ស្នាមក្រហមនិងរមាស់លើស្បែក (រោគប្រតិកម្មធ្ងន់ធ្ងរ)។

ករណីថ្នាំបាញ់ស្រូបតាមមាត់：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលទប់ស្កាត់សកម្មភាពអង់ស៊ីមCYP3A4 (Itraconazole, Ritonavir ជាដើម) - អាចធ្វើអោយកើតមានផលរំខានដូចក្នុងករណីប្រើប្រាស់ឱសថស្តេរ៉ូអ៊ីតពេញក្នុងខ្លួនផងដែរ។

ករណីថ្នាំលាបលើស្បែក：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំបាញ់ស្រូបតាមមាត់：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំបាញ់ក្នុងច្រមុះ：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

ករណីថ្នាំលាបលើស្បែក：

・គួរចៀសវាងលាបថ្នាំនេះនៅក្រោមម្សៅផាត់មុខ ឬ ក្រោយពេលកោរពុកមាត់ ជាដើម។

ករណីថ្នាំបាញ់ស្រូបតាមមាត់：

・ឱសថនេះប្រើនៅក្នុងការព្យាបាលជំងឺហឺតបន្តិចម្ដងៗក្នុងរយៈពេលវែង ដោយវានឹងបំបាត់អាការៈរលាកនៅផ្លូវដង្ហើម ប៉ុន្តែ វានឹងមិនបំបាត់អាការៈហឺតដែលកើតឡើងភ្លាមៗនោះទេ ដូច្នេះ ការប្រើឱសថនេះនៅពេលរោគសញ្ញាហឺតរើឡើងនឹងមិនបង្ហាញប្រសិទ្ធិភាពកាត់បន្ថយអាការៈទាំងនោះទេ។

ករណីថ្នាំលាបលើស្បែក：

ឱសថនេះជាប្រភេទស្តេរ៉ូអ៊ីត(Glucocorticosteroid) ដោយវាមានប្រសិទ្ធិភាពទប់ស្កាត់អាការៈរលាកនិងអាការៈប្រតិកម្មផ្សេងៗ ដូចជា ក្រហម ហើម រមាស់ ជាដើម។

ករណីថ្នាំស្រូបតាមមាត់：

ឱសថនេះជាប្រភេទស្តេរ៉ូអ៊ីត(Glucocorticosteroid) ដោយវានឹងទៅភ្ជាប់ជាមួយនឹងគ្រឿងទទួលគ្លុយកូកូទីកូអ៊ីត(Glucocorticoid receptor)នៅតាមទងសួតនិងសួត។ ជាលទ្ធផល វាមានប្រសិទ្ធិភាពទប់ស្កាត់សកម្មភាពនៃសារធាតុផ្សេងៗដែលចូលរួមនៅក្នុងការបង្កអាការៈរលាករ៉ាំរ៉ៃនៃផ្លូវដង្ហើម និង រោគសញ្ញាប្រតិកម្មផ្សេងៗ។

ករណីថ្នាំបាញ់ក្នុងច្រមុះ (Mometasone furoate hydrate)：

ឱសថនេះជាប្រភេទស្តេរ៉ូអ៊ីត(Glucocorticosteroid) ដោយវាមានប្រសិទ្ធិភាពទប់ស្កាត់អាការៈរលាកនិងអាការៈប្រតិកម្មផ្សេងៗ ដូចជា ក្រហម ហើម រមាស់ ជាដើម។