Metoclopramide

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បំបាត់អាការៈដែលបណ្ដាលមកពីមុខងារនៃប្រព័ន្ធរំលាយអាហារមានបញ្ហា(អាការៈចង់ក្អួត ក្អួត បាត់បង់ចំណង់អាហារ ហើមពោះ) ដែលកើតមាននៅក្នុងជំងឺដូចជា រលាកក្រពះ, ដំបៅក្រពះឬគល់ពោះវៀនតូច, ជំងឺទាក់ទងនឹងថង់ឬបំពង់ទឹកប្រមាត់, រលាកតម្រងនោម, ជំងឺសារធាតុអ៊ុយរេពីទឹកនោមចូលក្នុងឈាម(Uremia), អាការៈក្អួតចង្អោរនៃទារក, ផលរំខាននៃការប្រើប្រាស់ឱសថមួយចំនួន(ឱសថមហារីក ឱសថប្រឆាំងមេរោគ ឱសថប្រឆាំងជំងឺរបេង ឱសថស្ពឹកឬសណ្ដំ), នៅពេលអនុវត្តការស៊កបំពង់ទៅក្នុងក្រពះឬបំពង់ខ្យល់, នៅពេលបាញ់កាំរស្មី, នៅក្រោយការវះកាត់បើកពោះ។

- ជម្រុញចលនាឆ្លងកាត់នៃសារធាតុបារ៉្យូមនៅពេលអនុវត្តការថតកាំរស្មីអិច។

ករណីថ្នាំលេប：

- មនុស្សពេញវ័យ：លេប1ថ្ងៃ10～30mg (Metoclopramide hydrochloride) (ថ្នាំម្សៅ2%ត្រូវនឹង0.5～1.5g ឬ ថ្នាំទឹក0.1%ត្រូវនឹង10～30mL)បែងចែកជា2～3ដងក្នុង1ថ្ងៃ ប្រើមុនបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ：លេប1ថ្ងៃ 0.5～0.7mg/kg (Metoclopramide hydrochloride) (ថ្នាំទឹក0.1%ត្រូវនឹង0.5～0.7mL/kg) បែងចែកជា2～3ដងក្នុង1ថ្ងៃ ប្រើមុនបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

មនុស្សពេញវ័យ：ប្រើ1ដង10mg (Metoclopramide hydrochloride) 1ថ្ងៃ1～2ដង ចាក់ក្នុងសាច់ដុំឬតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលសង្ស័យថាមានជំងឺមហារីកPheochromocytoma។

・អ្នកដែលកំពុងមានអាការៈហូរឈាម ធ្លាយ ឬ ស្ទះ នៅតាមបំពង់រំលាយអាហារ។

ផលរំខានរួមមាន ញ័រដៃ សាច់ដុំរឹង ការកន្ត្រាក់នៃផ្នែកកនិងមុខ គ្រាប់ភ្នែកវិល រាំងរដូវ ចេញទឹកដោះ ឡើងដោះ ឡើងកន្ទួលក្រហម ហើម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ទឹកមុខស្លេកស្លាំង បែកញើសទាំងត្រជាក់ ងងឹងមុខ (រោគប្រតិកម្មធ្ងន់ធ្ងរ)

- ក្ដៅខ្លួនភ្លាមៗ ញ័រដៃជើង សាច់ដុំរឹង (Neuroleptic malignant syndrome ឬ Syndrome malin)

- ស្មារតីដឹងខ្លួនធ្លាក់ចុះ ពិបាកផ្ដុំអារម្មណ៍ ពិបាកសម្រេចចិត្ត (បញ្ហាស្មារតី)

- សាច់ដុំកន្ត្រាក់

- មិនអាចគ្រប់គ្រងចលនានៅបរិវេណជុំវិញមាត់ អណ្ដាត ឬដៃជើង (Tardive dyskinesia)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រភេទPhenothiazine(Prochlorperazine, Chlorpromazine, Thiethylperazine ជាដើម), ឱសថប្រភេទButyrophenone(Haloperidol ជាដើម), ឱសថReserpine, ឱសថSulpiride, ឱសថTiapride ជាដើម - អាចធ្វើអោយប៉ះពាល់ដល់មុខងារនៃក្រពេញបញ្ចេញក្នុង បង្កជាផលរំខានផ្សេងៗ។

・ឱសថប្រភេទDigitalis(Digoxin, Digitoxin ជាដើម) - អាចធ្វើអោយពិបាកសង្កេតដឹងនូវរោគសញ្ញាផ្សេងៗពីឱសថប្រភេទDigitalis។

・ឱសថCarbamazepine - អាចធ្វើអោយកើតមានរោគសញ្ញាពុលឱសថCarbamazepine(ងងុយគេង ក្អួតចង្អោរ វិលមុខ ជាដើម)។

・ឱសថប្រឆាំងសកម្មភាពសារធាតុAcetylcholine (Atropine sulfate hydrate, Scopolamine butylbromide ជាដើម) - អាចធ្វើអោយសកម្មភាពនៃឱសថទាំងសងខាងថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេងឬវិលមុខជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・មុននឹងប្រើប្រាស់ឱសថនេះ ត្រូវពិនិត្យដើម្បីបញ្ជាក់ថាមិនមានការស្ទះនៅផ្នែកណាមួយនៃប្រដាប់រំលាយអាហារនោះទេ។

ឱសថនេះមានសកម្មភាពទៅលើប្រព័ន្ធកណ្ដាលគ្រប់គ្រងប្រដាប់រំលាយអាហារនៅក្នុងផ្នែកBrainstemនៃខួរក្បាល ដោយសម្រួលមុខងារនិងចលនានៃប្រដាប់រំលាយអាហារ ដើម្បីប្រឆាំងនឹងប្រតិកម្មធ្វើអោយមានអាការៈក្អួតចង្អោរ។