Meloxicam

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បំបាត់អាការៈរលាកនិងឈឺចាប់ នៅក្នុងជំងឺដូចជា：ជំងឺរូម៉ាទីសនៅសន្លាក់(Rheumatoid arthritis) ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) ជំងឺឈឺចង្កេះ ជំងឺរលាកជុំវិញសន្លាក់ស្មា បណ្ដុំរោគសញ្ញាកស្មានិងដៃ(Cervico-omo-brachial syndrome)។

ថ្នាំលេប：

មនុស្សពេញវ័យ：លេប1ថ្ងៃ1ដង10mg ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ 15mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទSalicylic acid(Aspirinជាដើម) ឬ ឱសថបំបាត់ការឈឺចាប់និងបញ្ចុះកម្ដៅប្រភេទNSAIDsផ្សេងទៀត។

・អ្នកដែលមានជំងឺដំបៅក្រពះឬពោះវៀន។

・អ្នកដែលមានជំងឺទាក់ទងនឹងឈាមធ្ងន់ធ្ងរ។

・អ្នកដែលមានជំងឺថ្លើមធ្ងន់ធ្ងរ។

・អ្នកដែលមានជំងឺតម្រងនោមធ្ងន់ធ្ងរ។

・អ្នកដែលមានមុខងារបេះដូងចុះខ្សោយធ្ងន់ធ្ងរ។

・អ្នកដែលមានជំងឺលើសសម្ពាធឈាមធ្ងន់ធ្ងរ។

・អ្នកដែលធ្លាប់កើតមានអាការៈហឺតដោយសារឱសថបំបាត់ការឈឺចាប់និងបញ្ចុះកម្ដៅប្រភេទNSAIDs (Aspirin-induced asthma)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន អារម្មណ៍មិនស្រួលក្នុងក្រពះ ឈឺផ្នែកខាងលើនៃពោះ ឡើងកន្ទួលក្រហម ចង់ក្អួត រលាកក្រពះ ដំបៅក្នុងមាត់ ឈឺពោះ រមាស់ស្បែក។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺនៅចុងដង្ហើម ក្អួតចង្អោរ ក្អួតឈាម លាមកមានឈាម លាមកពណ៌ខ្មៅ រាករូស (ដំបៅឬហូរឈាមក្នុងក្រពះឬពោះវៀន រលាកពោះវៀនធំ)

- កន្ទាលត្រអាក ហើមភ្នែកនិងជុំវិញបបូរមាត់ ពិបាកដកដង្ហើម (រោគប្រតិកម្មធ្ងន់ធ្ងរ)

- ពិបាកដកដង្ហើម ដកដង្ហើមលឺសម្លេងខ្លាំងៗ (អាការៈហឺត)

- បរិមាណទឹកនោមថយចុះ ហើម ក្ដៅខ្លួន (មុខងារតម្រងនោមចុះខ្សោយ)

- អស់កម្លាំង ក្ដៅខ្លួន ឈាមច្រមុះ ឈាមនៅតាមអញ្ចាញធ្មេញ ឈឺបំពង់ក (រោគសញ្ញានៃការថយចុះចំនួនប្លាកែត ជំងឺAgranulocytosis)

- កន្ទួលក្រហមឬពងទឹកនៅលើស្បែក ភ្នែកក្រហម ក្ដៅក្រហម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndromeឬStevens-Johnson syndrome) ជំងឺស្លាប់កោសិកាស្បែក(TEN)ជាដើម)

- អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (រលាកថ្លើម មុខងារថ្លើមចុះខ្សោយ ខាន់លឿង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រភេទACE inhibitors(Enalaprilជាដើម) ឱសថប្រភេទARB - អាចធ្វើអោយប៉ះពាល់ដល់មុខងារតម្រងនោម។

・ឱសថប្រភេទSSRI(Fluvoxamine, Paroxetineជាដើម) - អាចធ្វើអោយហានិភ័យនៃការហូរឈាមកើនឡើង។

・ឱសថស្តេរ៉ូអ៊ីត(Prednisoloneជាដើម) ឱសថNSAIDsផ្សេងទៀត ឱសថAspirin- អាចធ្វើអោយកើតមានដំបៅឬការហូរឈាមនៅក្នុងក្រពះឬពោះវៀន។

・ឱសថប្រឆាំងកំណកឈាម(Warfarin, Dabigatran, Heparin, Ticlopidineជាដើម) - អាចធ្វើអោយហានិភ័យនៃការហូរឈាមកើនឡើង។

・ឱសថColestyramine - អាចធ្វើអោយសកម្មភាពនៃMeloxicamថយចុះ។

・ឱសថបញ្ចុះជាតិស្ករក្នុងឈាម - អាចធ្វើអោយសកម្មភាពនៃMeloxicamកើនឡើង។

・ឱសថQuinidine - អាចធ្វើអោយសកម្មភាពនៃMeloxicamថយចុះ។

・ឱសថLithium carbonate - អាចធ្វើអោយកំហាប់ក្នុងឈាមនៃLithiumកើនឡើង។

・ឱសថMethotrexate - អាចធ្វើអោយផលរំខាននៃMethotrexaទាក់ទងនឹឈាមកើនឡើង។

・ឱសថបញ្ចុះទឹកនោម - អាចធ្វើអោយប៉ះពាល់ដល់មុខងារតម្រងនោម។

・ឱសថបញ្ចុះសម្ពាធឈាម - អាចធ្វើអោយប្រសិទ្ធិភាពបញ្ចុះសម្ពាធឈាមថយចុះ។

・ឱសថCiclosporin - អាចធ្វើអោយផលរំខាននៃCiclosporinប៉ះពាល់ដល់តម្រងនោមកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះអាចផ្ដល់ផលរំខានដូចជា ងងុយគេង ឬ ភ្នែកស្រវាំង ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

ឱសថនេះមានប្រសិទ្ធិភាពទប់ស្កាត់សកម្មភាពនៃអង់ស៊ីមCyclooxygenase(COX)ដើម្បីបង្អាក់ដំណើរការសំយោគសារធាតុProstaglandinដែលជាសារធាតុបង្កអោយមានអាការៈរលាកនិងឈឺចាប់។