Ketoprofen

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បំបាត់អាការៈរលាកនិងឈឺចាប់នៅក្រោយពេលវះកាត់ឬមានរបួស អាការៈឈឺចាប់ដោយសារជំងឺមហារីក ឈឺចាប់នៅតាមសន្លាក់ដោយសារអាស៊ីតអ៊ុយរិចកើនឡើង(Gout) ឈឺចាប់នៅតាមសរសៃប្រសាទ។

- បំបាត់អាការៈក្ដៅខ្លួនជាបន្ទាន់។

ករណីថ្នាំសុលតាមទ្វារធំ：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

・បំបាត់អាការៈរលាក ឈឺចាប់ និង បញ្ចុះកំដៅនៅក្នុងជំងឺដូចជា ជំងឺរូម៉ាទីសនៅសន្លាក់(Rheumatoid arthritis) ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) ជំងឺឈឺចង្កេះ បណ្ដុំរោគសញ្ញាកស្មានិងដៃ(Cervico-omo-brachial syndrome) អាការៈឈឺចាប់តាមសរសៃប្រសាទ។

・បំបាត់អាការៈរលាកនិងឈឺចាប់នៅក្រោយពេលវះកាត់ឬមានរបួស។

ករណីថ្នាំលាប：

ជាទូទៅ ឱសថនេះប្រើនៅក្នុងការបំបាត់អាការៈរលាកនិងឈឺចាប់ នៅក្នុងជំងឺដូចជា：ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) ជំងឺរលាកជុំវិញសន្លាក់ស្មា ជំងឺរលាកសរសៃសាច់ដុំឬសរសៃកែងឬជុំវិញនោះ ជំងឺរលាកឆ្អឹងដើមដៃ(Humeral epicondylitis ដូចជាជំងឺTennis Elbowជាដើម) អាការៈឈឺសាច់ដុំ អាការៈឈឺចាប់និងហើមដោយសាររបួស។

ករណីថ្នាំបិទលើស្បែក：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・បំបាត់អាការៈរលាកនិងឈឺចាប់ នៅក្នុងជំងឺដូចជា：ជំងឺឈឺសន្លាក់ដោយសារទ្រង់ទ្រាយសន្លាក់ប្រែប្រួល(Osteoarthritis) ជំងឺរលាកជុំវិញសន្លាក់ស្មា ជំងឺរលាកសរសៃសាច់ដុំឬសរសៃកែងឬជុំវិញនោះ ជំងឺរលាកឆ្អឹងដើមដៃ(Humeral epicondylitis ដូចជាជំងឺTennis Elbowជាដើម) អាការៈឈឺសាច់ដុំ អាការៈឈឺចាប់និងហើមដោយសាររបួស។

・បំបាត់អាការៈឈឺចាប់នៅតាមសន្លាក់នៅក្នុងជំងឺរូម៉ាទីសនៅសន្លាក់(Rheumatoid arthritis)។

ករណីថ្នាំចាក់：

・បំបាត់អាការៈរលាកនិងឈឺចាប់：

មនុស្សពេញវ័យ：ប្រើ1ដង50mg ចាក់ក្នុងសាច់ដុំនៅត្រគាក។ បន្ទាប់ពីនោះ អាចចាក់1ថ្ងៃ1～2ដង ទៅតាមការចាំបាច់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- បំបាត់អាការៈក្ដៅខ្លួន：

មនុស្សពេញវ័យ：ប្រើ1ដង50mg 1ថ្ងៃ1～2ដង ចាក់ក្នុងសាច់ដុំនៅត្រគាក។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ថ្នាំសុលតាមទ្វារធំ：

មនុស្សពេញវ័យ：ប្រើ1ដង 50mg～75mg, 1ថ្ងៃ1～2ដង សុលតាមទ្វារធំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំលាប(3%)：

ប្រើ1ថ្ងៃច្រើនដង លាបនៅកន្លែកមានបញ្ហា។

ករណីថ្នាំបិទលើស្បែក：

ប្រើ1ថ្ងៃ1ដង បិទនៅកន្លែងមានបញ្ហា។

ករណីថ្នាំចាក់ និង ថ្នាំសុលតាមទ្វារធំ：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺដំបៅក្រពះឬពោះវៀន។

・អ្នកដែលមានជំងឺទាក់ទងនឹងឈាមធ្ងន់ធ្ងរ។

・អ្នកដែលមានជំងឺថ្លើមធ្ងន់ធ្ងរ។

・អ្នកដែលមានជំងឺតម្រងនោមធ្ងន់ធ្ងរ។

・អ្នកដែលមានមុខងារបេះដូងចុះខ្សោយធ្ងន់ធ្ងរ។

・អ្នកដែលធ្លាប់កើតមានអាការៈហឺតដោយសារឱសថបំបាត់ការឈឺចាប់និងបញ្ចុះកម្ដៅប្រភេទNSAIDs (Aspirin-induced asthma)។

・ស្ត្រីមានផ្ទៃពោះដែលស្ថិតក្នុងរយៈពេលចុងក្រោយនៃការមានផ្ទៃពោះ។

・អ្នកដែលកំពុងប្រើប្រាស់ឱសថCiprofloxacin។

・អ្នកដែលមានជំងឺរលាកឬហូរឈាមនៅចុងពោះវៀនធំ(Rectum) ឬ មានជំងឺឬសដូងបាត។ (ករណីថ្នាំសុលប៉ុណ្ណោះ)

ករណីថ្នាំលាប និង ថ្នាំបិទលើស្បែក：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលធ្លាប់កើតមានអាការៈហឺតដោយសារឱសថបំបាត់ការឈឺចាប់និងបញ្ចុះកម្ដៅប្រភេទNSAIDs (Aspirin-induced asthma)។

・ស្ត្រីមានផ្ទៃពោះដែលស្ថិតក្នុងរយៈពេលចុងក្រោយនៃការមានផ្ទៃពោះ។

・អ្នកដែលធ្លាប់មានអាការៈស្បែកងាយប្រតិកម្មទៅនឹងពន្លឺព្រះអាទិត្យ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុខាងក្រោម៖ Tiaprofenic acid, Suprofen, Fenofibrate, Oxybenzone, Octocrylene។

ករណីថ្នាំចាក់ និង ថ្នាំសុលតាមទ្វារធំ：

ផលរំខានរួមមាន ឈឺនៅកន្លែងចាក់ ឡើងកន្ទួលក្រហម រមាស់ អាការៈខ្វះឈាម ឈាមក្រកក។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បែកញើសទាំងត្រជាក់ ពិបាកដកដង្ហើម កន្ទាលត្រអាក ស្ពឹកដៃជើង ហើមភ្នែកនិងបបូរមាត់(រោគប្រតិកម្មធ្ងន់ធ្ងរ)

- បរិមាណទឹកនោមថយចុះ នោមឈាម បាត់បង់ចំណង់អាហារ ពិបាកដកដង្ហើម ហើម(មុខងារតម្រងនោមចុះខ្សោយ ជំងឺតម្រងនោមNephrotic syndrome)

- ឈឺពោះ ក្អួតឈាម លាមកមានឈាម ឈឺចុងដង្ហើម ក្រហាយទ្រូង (ដំបៅឬហូរឈាមក្នុងក្រពះឬពោះវៀន)

- ក្ដៅខ្លួនខ្លាំង ស្នាមក្រហមនិងពងទឹកលើស្បែក ឈឺតាមសន្លាក់ (ជំងឺស្លាប់កោសិកាស្បែក(TEN))។

ករណីថ្នាំលាប និង ថ្នាំបិទលើស្បែក：

ផលរំខានរួមមាន ឡើងកន្ទួលក្រហម ហើម រមាស់ ក្រហាយ រលាត់ ពងទឹក ឬប្រែពណ៌នៅកន្លែងដែលបានប្រើឱសថនេះ ។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កន្ទាលត្រអាក ពិបាកដកដង្ហើម ហើមមុខ (រោគប្រតិកម្មធ្ងន់ធ្ងរ)

- ពិបាកដកដង្ហើម ដកដង្ហើមលឺសម្លេងខ្លាំងៗ (អាការៈហឺត)

- រមាស់ ឡើងកន្ទួលក្រហម ហើម ពងទឹកនៅលើស្បែកដែលបានប្រើឱសថនេះ (អាការៈរលាកស្បែក)

- ក្រោយត្រូវពន្លឺព្រះអាទិត្យ មានអាការៈរមាស់ ឡើងកន្ទួលក្រហម ហើម ពងទឹកនៅលើស្បែកដែលបានប្រើឱសថនេះ (អាការៈស្បែកងាយប្រតិកម្មទៅនឹងពន្លឺព្រះអាទិត្យ)។

ករណីថ្នាំចាក់ និង ថ្នាំសុលតាមទ្វារធំ：

・ឱសថCiprofloxacin - អាចធ្វើអោយកើតមានអាការៈសាច់ដុំកន្ត្រាក់ឬប្រកាច់។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងបាក់តេរីប្រភេទNew quinolone (Enoxacinជាដើម) - អាចធ្វើអោយកើតមានអាការៈសាច់ដុំកន្ត្រាក់ឬប្រកាច់។

・ឱសថMethotrexate - អាចធ្វើអោយសកម្មភាពនៃMethotrexaកើនឡើង។

・ឱសថLithium carbonate - អាចធ្វើអោយកំហាប់ក្នុងឈាមនៃLithiumកើនឡើង។

・ឱសថប្រឆាំងកំណកឈាម(Warfarin, Clopidogrel) - អាចធ្វើអោយហានិភ័យនៃការហូរឈាមកើនឡើង។

・ឱសថប្រភេទSSRI(Fluvoxamine, Paroxetineជាដើម) - អាចធ្វើអោយមានការហូរឈាមនៅក្រពះឬពោះវៀន។

・ឱសថបញ្ចុះទឹកនោមប្រភេទThiazide diuretics(Trichlormethiazide, Hydrochlorothiazideជាដើម), ឱសថSpironolactone, ឱសថEplerenone - អាចធ្វើអោយសកម្មភាពនៃឱសថទាំងនេះថយចុះ។

・ឱសថប្រភេទACE inhibitors, ឱសថប្រភេទARB - អាចធ្វើអោយប៉ះពាល់ដល់មុខងារតម្រងនោម។

ករណីថ្នាំបិទលើស្បែក：

・ឱសថMethotrexate - អាចធ្វើអោយសកម្មភាពនៃMethotrexaកើនឡើង។

ករណីថ្នាំចាក់ និង ថ្នាំសុលតាមទ្វារធំ：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។ ជាពិសេស ស្ត្រីមានផ្ទៃពោះដែលស្ថិតក្នុងរយៈពេលចុងក្រោយនៃការមានផ្ទៃពោះ មិនត្រូវប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំលាប និង ថ្នាំបិទលើស្បែក：

・ស្ត្រីមានផ្ទៃពោះ ស្ត្រីដែលអាចនឹងកំពុងមានផ្ទៃពោះ និង ស្ត្រីបំបៅដោះកូន គួរប្រើឱសថនេះក្នុងករណីចាំបាច់តែប៉ុណ្ណោះ។ ជាពិសេស ស្ត្រីមានផ្ទៃពោះដែលស្ថិតក្នុងរយៈពេលចុងក្រោយនៃការមានផ្ទៃពោះ មិនត្រូវប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

ករណីថ្នាំសុលតាមទ្វារធំ：

・គួរប្រើឱសថនេះនៅក្រោយពេលបន្ទោរបង់រួច។

ករណីថ្នាំលាប និង ថ្នាំបិទលើស្បែក：

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះផលរំខានដែលធ្វើអោយស្បែកងាយប្រតិកម្មទៅនឹងពន្លឺព្រះអាទិត្យ។ ដូច្នេះ ក្នុងអំឡុងពេលប្រើប្រាស់និងពេលឈប់ប្រើឱសថនេះមួយរយៈ អ្នកជំងឺគួរចៀសវាងស្ថិតនៅក្រោមពន្លឺព្រះអាទិត្យខ្លាំង និង គួរស្លៀកសម្លៀកបំពាក់ក្រៅពីពណ័សដើម្បីបិទបាំងកន្លែងដែលបានប្រើឱសថនេះ។

ឱសថនេះមានប្រសិទ្ធិភាពទប់ស្កាត់សកម្មភាពនៃអង់ស៊ីមCyclooxygenase(COX)ដើម្បីបង្អាក់ដំណើរការសំយោគសារធាតុProstaglandinដែលជាសារធាតុបង្កអោយមានអាការៈរលាក ឈឺចាប់ ឬ ក្ដៅខ្លួន។