Fenofibrate

ជាទូទៅ ឱសថនេះប្រើនៅក្នុងការព្យាបាលជំងឺលើសកម្រិតជាតិខ្លាញ់ក្នុងឈាម (រួមទាំងករណីតំណពូជ)។

ថ្នាំលេប：

មនុស្សពេញវ័យ：លេប1ថ្ងៃ1ដង 106.6～160mg ក្រោយបរិភោគអាហារ។ អាចបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ មិនត្រូវប្រើលើសពីកម្រិត1ថ្ងៃ160mgនោះទេ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាថ្លើម។

・អ្នកដែលមានបញ្ហាតម្រងនោមចាប់ពីកម្រិតមធ្យមឡើងទៅ។

・អ្នកដែលមានជំងឺទាក់ទងនឹងថង់ទឹកប្រមាត់។

・ស្ត្រីមានផ្ទៃពោះ ស្ត្រីដែលអាចនឹងកំពុងមានផ្ទៃពោះ និង ស្ត្រីបំបៅដោះកូន។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលកំពុងប្រើប្រាស់ឱសថបញ្ចុះខ្លាញ់ក្នុងឈាមប្រភេទHMG-CoA reductase inhibitors - អាចធ្វើអោយប៉ះពាល់ដល់មុខងារតម្រងនោមនិងបង្កអោយកើតមានជំងឺរលាយសាច់ដុំ(Rhabdomyolysis)។

ផលរំខានរួមមាន មិនស្រួលក្នុងក្រពះ ចង់ក្អួត ដំបៅក្នុងមាត់ ក្ដៅខ្លួន នោមញឹក ឈឺសាច់ដុំ ឡើងកន្ទួលក្រហម ហើម រមាស់ស្បែក កន្ទាលត្រអាក ស្បែកងាយប្រតិកម្មទៅនឹងពន្លឺព្រះអាទិត្យ ជ្រុះរោមឬសក់។ល។

ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺសាច់ដុំ គ្មានកម្លាំង ទឹកនោមមានពណ៌ក្រហមត្នោត (ជំងឺរលាយសាច់ដុំ(Rhabdomyolysis))

- រួយខ្លួន បាត់បង់ចំណង់អាហារ ក្អួតចង្អោរ ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ)

- ឈឺផ្នែកខាងលើនៃពោះ ឈឺផ្នែកចង្កេះនិងខ្នង ក្ដៅខ្លួន ចង់ក្អួត (រលាកលំពែង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះខ្លាញ់ក្នុងឈាមប្រភេទHMG-CoA reductase inhibitors (Pravastatin, Simvastatin, Fluvastatinជាដើម) - អាចធ្វើអោយប៉ះពាល់ដល់មុខងារតម្រងនោមនិងបង្កអោយកើតមានជំងឺរលាយសាច់ដុំ(Rhabdomyolysis)។

・ឱសថWarfarin - អាចធ្វើអោយសកម្មភាពនៃWarfarinកើនឡើង។

・ឱសថបញ្ចុះជាតិស្ករក្នុងឈាមប្រភេទSulfonylureas(Glibenclamide, Glimepirideជាដើម) - អាចធ្វើអោយកម្រិតជាតិស្ករក្នុងឈាមចុះទាបខ្លាំង។

・ឱសថColestimide, ឱសថColestyramine - អាចធ្វើអោយការស្រូបសារធាតុFenofibrateថយចុះ។ ដូច្នេះ គួរប្រើប្រាស់ឱសថFenofibrateនៅ1ម៉ោងមុនឬយ៉ាងហោចណាស់4ម៉ោងក្រោយបន្ទាប់ពីប្រើប្រាស់ឱសថទាំងនេះ។

・ឱសថCiclosporin - អាចធ្វើអោយផលប៉ះពាល់តម្រងនោមកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ។

・ស្ត្រីបំបៅដោះកូន មិនត្រូវប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ការប្រើប្រាស់ឱសថនេះគឺសម្រាប់អ្នកដែលបានអនុវត្តការគ្រប់គ្រងរបបអាហារនិងលំហាត់ប្រាណសមស្របហើយប៉ុន្តែនៅមិនអាចទទួលបានប្រសិទ្ធិភាពគ្រប់គ្រាន់ក្នុងការគ្រប់គ្រងជាតិខ្លាញ់ក្នុងឈាមតែប៉ុណ្ណោះ។ ម្យ៉ាងទៀត អ្នកជំងឺគួរបន្តអនុវត្តការគ្រប់គ្រងរបបអាហារនិងលំហាត់ប្រាណអោយបានសមស្រប ស្របពេលជាមួយនឹងការប្រើប្រាស់ឱសថនេះ ព្រមទាំងគួរកាត់បន្ថយការជក់បារីនិងព្យាបាលជំងឺលើសសម្ពាធឈាមផងដែរ ដើម្បីបង្ការការកើតមានជំងឺត្បៀតឬស្ទះសរសៃឈាមបេះដូង។

・ដោយសារឱសថនេះធ្វើអោយងាយកើតមានក្រួសទឹកប្រមាត់ មិនគួរប្រើឱសថនេះចំពោះអ្នកជំងឺដែលធ្លាប់កើតមានជំងឺក្រួសទឹកប្រមាត់នោះទេ។ ម្យ៉ាងទៀត ឱសថនេះអាចនឹងបង្កើនសកម្មភាពនៃឱសថបញ្ចុះជាតិស្ករក្នុងឈាមឬឱសថប្រឆាំងកំណកឈាម(Warfarin ជាដើម) ដូច្នេះ ចាំបាច់ត្រូវប្រុងប្រយ័ត្នករណីប្រើឱសថទាំងនេះរួមគ្នា។

・គួរប្រើឱសថហ្វីប្រាតនៅក្រោយបរិភោគអាហារ ទើបការស្រូបសារធាតុឱសថប្រព្រឹត្តទៅបានល្អ។

ឱសថនេះមានសកម្មភាពភ្ញោចគ្រឿងទទួលPPARαដែលមានតួនាទីនៅក្នុងការសំយោគប្រូតេអ៊ីនជាច្រើនប្រភេទ ដោយបង្ហាញប្រសិទ្ធិភាពនៅក្នុងការកែលម្អកម្រិតជាតិខ្លាញ់នៅក្នុងរាងកាយដូចខាងក្រោម ៖

(1) កាត់បន្ថយកម្រិតកូឡេស្តេរ៉ូលនៅក្នុងឈាម តាមរយៈការទប់ស្កាត់ដំណើរការផលិតសារធាតុកូឡេស្តេរ៉ូលនៅក្នុងថ្លើមនិងជម្រុញការបញ្ចេញកូឡេស្តេរ៉ូលទៅក្នុងទឹកប្រមាត់។

(2) កាត់បន្ថយកម្រិតទ្រីគ្លីសេរីត(Triglyceride)នៅក្នុងឈាម តាមរយៈការជម្រុញសកម្មភាពនៃអង់ស៊ីមដែលមានមុខងារបំបែកសារធាតុទ្រីគ្លីសេរីត ព្រមទាំងទប់ស្កាត់ដំណើរការផលិតសារធាតុនេះនៅក្នុងថ្លើម។

(3) បង្កើនបរិមាណកូឡេស្តេរ៉ូលដែលភ្ជាប់ជាមួយនឹងម៉ូលេគុលHDL (HDL cholesterol ឬ កូឡេស្តេរ៉ូលល្អ)នៅក្នុងឈាម តាមរយៈការជម្រុញដំណើរការផលិតប្រូតេអ៊ីនមួយចំនួនដែលជាធាតុផ្សំសំខាន់នៃម៉ូលេគុលHDL។