Candesartan cilexetil

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      ・ជំងឺលើសសម្ពាធឈាម

      ・ជំងឺលើសសម្ពាធឈាមដោយសារបញ្ហាតម្រងនោម

      ・ជំងឺខ្សោយបេះដូងរ៉ាំរ៉ៃ (កម្រិតស្រាល~កម្រិតមធ្យម) ដែលមិនអាចប្រើឱសថទប់ស្កាត់អង់ស៊ីមACE (ACE inhibitors)បាន។

    • កម្រិតប្រើប្រាស់

      ថ្នាំលេប:

      ・ករណីជំងឺលើសសម្ពាធឈាម:

      មនុស្សពេញវ័យ:លេប1ថ្ងៃ1ដង 4~8mg ដោយអាចបង្កើនកម្រិតប្រើប្រាស់ដល់1ថ្ងៃគឺ12mg។ ចំពោះអ្នកជំងឺដែលមានបញ្ហាតម្រងនោម ត្រូវចាប់ផ្ដើមលេបពីកម្រិត 1ថ្ងៃ1ដង2mg និង អាចបង្កើនកម្រិតដល់8mgទៅតាមការចាំបាច់។

      ・ករណីជំងឺលើសសម្ពាធឈាមដោយសារបញ្ហាតម្រងនោម:

      មនុស្សពេញវ័យ:ចាប់ផ្ដើមលេបពីកម្រិត 1ថ្ងៃ1ដង2mg និង អាចបង្កើនកម្រិតដល់8mgទៅតាមការចាំបាច់។

      ・ជំងឺខ្សោយបេះដូងរ៉ាំរ៉ៃ (កម្រិតស្រាល~កម្រិតមធ្យម) ដែលមិនអាចប្រើឱសថទប់ស្កាត់អង់ស៊ីមACE (ACE inhibitors)បាន:

      មនុស្សពេញវ័យ:ចាប់ផ្ដើមលេបពីកម្រិត 1ថ្ងៃ1ដង4mg និង អាចបង្កើនកម្រិតដល់8mgទៅតាមការចាំបាច់។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ・អ្នកជំងឺទឹកនោមផ្អែមដែលកំពុងប្រើប្រាស់ឱសថAliskiren fumarate (លើកលែងករណីអ្នកជំងឺមិនមានជម្រើសឱសថបញ្ចុះសម្ពាធឈាមផ្សេងទៀតដែលមានប្រសិទ្ធិភាពក្នុងការគ្រប់គ្រងសម្ពាធឈាម)។

    • ផលរំខាន

      ផលរំខានរួមមាន ឡើងកន្ទួលក្រហម កន្ទាលត្រអាក រមាស់ស្បែក ស្បែកងាយប្រតិកម្មទៅនឹងពន្លឺព្រះអាទិត្យ វិលមុខ ងងឹតមុខ បេះដូងលោតញាប់ ក្ដៅមុខ ឈឺក្បាល ធ្ងន់ក្បាល គេងមិនលក់ឬងងុយគេង ស្ពឹកអណ្ដាត ក្អួតចង្អោរ បាត់បង់ចំណង់អាហារ មិនស្រួលក្នុងក្រពះ ឈឺចុងដង្ហើម រាករូស ដំបៅក្នុងមាត់ អាការៈខ្វះឈាម អស់កម្លាំង ឈាមច្រមុះ នោមញឹក ហើម ក្អក ។ល។

      ប្រសិនបមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ហើមត្របកភ្នែក បបូរមាត់ឬអណ្ដាត ពិបាកដកដង្ហើម (រោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema))

      - ត្រជាក់ខ្លួន ចង់ក្អួត ពិបាកដកដង្ហើម ទឹកមុខស្លេកស្លាំង ងងឹតមុខ (អាការៈប្រតិកម្មធ្ងន់ធ្ងរ(Shock))

      - បរិមាណទឹកនោមថយចុះ ហើម អស់កម្លាំង (មុខងារតម្រងនោមចុះខ្សោយ)

      - ស្ពឹកដៃជើងនិងបបូរមាត់ កម្លាំងសាច់ដុំចុះខ្សោយ ស្ពឹកដៃជើង (កម្រិតប៉ូតាស្យូមក្នុងឈាមកើនឡើងខ្ពស់)

      - ក្ដៅខ្លួន បាត់បង់ចំណង់អាហារ អស់កម្លាំង ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ ខាន់លឿង)

      - ឈឺបំពង់ក ក្ដៅខ្លួន រួយខ្លួន (ជំងឺថយចុះគ្រាប់ឈាមសប្រភេទAgranulocytosis)

      - ឈឺសាច់ដុំ គ្មានកម្លាំងសាច់ដុំ ទឹកនោមមានពណ៌ក្រហមត្នោត (ជំងឺរលាយសាច់ដុំ(Rhabdomyolysis))

      - អស់កម្លាំង ឃ្លាន បែកញើស ញ័រដៃ សាច់ដុំកន្ត្រាក់ (ជាតិស្ករក្នុងឈាមធ្លាក់ចុះទាប)

      - ក្ដៅខ្លួន ក្អកស្ងួត ពិបាកដកដង្ហើម (រលាកសួតប្រភេទInterstitial pneumonia)។

    • អន្តរប្រតិកម្ម

      ・ឱសថAliskiren fumarate - អាចធ្វើអោយកើតមានផលរំខានប៉ះពាល់ដល់ តម្រងនោម កម្រិតប៉ូតាស្យូមក្នុងឈាម សម្ពាធឈាម។ ដូច្នេះ ហាមប្រើរួមគ្នា។ (ប៉ុន្តែលើកលែងករណីអ្នកជំងឺមិនមានជម្រើសឱសថបញ្ចុះសម្ពាធឈាមផ្សេងទៀតដែលមានប្រសិទ្ធិភាពក្នុងការគ្រប់គ្រងសម្ពាធឈាម)។

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថបញ្ចុះទឹកនោមប្រភេទរក្សាកម្រិតប៉ូតាស្យូម(Spironolactone, Triamtereneជាដើម), ឱសថបំពេញជាតិប៉ូតាស្យូមក្នុងរាងកាយ(Potassium chlorideជាដើម), ឱសថEplerenone - អាចធ្វើអោយកម្រិតប៉ូតាស្យូមក្នុងឈាមកើនឡើង។

      ・ឱសថបញ្ចុះទឹកនោម(Trichlormethiazide, Hydrochlorothiazide, Furosemide ជាដើម) - អាចធ្វើអោយសម្ពាធឈាមចុះទាបខ្លាំង។

      ・ឱសថប្រភេទACE Inhibitors - អាចធ្វើអោយកើតមានផលរំខានប៉ះពាល់ដល់ តម្រងនោម កម្រិតប៉ូតាស្យូមក្នុងឈាម សម្ពាធឈាម។

      ・ឱសថLithium carbonate - អាចធ្វើអោយកំហាប់ក្នុងឈាមនៃLithium កើនឡើង បង្កជាផលរំខានផ្សេងៗ។

      ・ឱសថបំបាត់ការឈឺចាប់និងបញ្ចុះកម្ដៅប្រភេទNSAIDs(Indometacinជាដើម) - អាចធ្វើអោយប្រសិទ្ធិភាពបញ្ចុះសម្ពាធឈាមថយចុះនិងអាចធ្វើអោយប៉ះពាល់ដល់តម្រងនោម។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។ ម្យ៉ាងទៀត ប្រសិនបើរកឃើញថាមានផ្ទៃពោះក្នុងអំឡុងពេលប្រើប្រាស់ឱសថនេះ ត្រូវផ្អាកការប្រើប្រាស់ឱសថនេះភ្លាម។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・ឱសថនេះអាចផ្ដល់ផលរំខានដូចជា វិលមុខ ជាដើម ដូច្នេះ ត្រូវប្រុងប្រយ័ត្ននៅពេលបើកបរឬបញ្ជាម៉ាស៊ីនដែលមានគ្រោះថ្នាក់។

      ・ប្រើនៅក្នុងការព្យាបាលជំងឺខ្សោយបេះដូងរ៉ាំរ៉ៃកម្រិតស្រាលនិងកម្រិតមធ្យម ក្នុងករណីមិនអាចប្រើឱសថទប់ស្កាត់អង់ស៊ីមបំលែងអាន់ជីអូថិនស៊ីន(ACE inhibitors)។

      ・អាចកើតមានអាការៈសម្ពាធឈាមចុះទាបភ្លាមៗ ដូច្នេះ វាមានសារៈសំខាន់នៅក្នុងការតាមដានសម្ពាធឈាម។

      ・ត្រូវការរយៈពេលប្រហែល1ខែដើម្បីដឹងអំពីប្រសិទ្ធិភាព។

    • សកម្មភាពឱសថ

      ឱសថនេះមានប្រសិទ្ធិភាពភ្ជាប់ទៅនឹងគ្រឿងទទួលរបស់សារធាតុAngiotensin II (AT1 Receptor) ដើម្បីទប់ស្កាត់សារធាតុនេះមិនអោយភ្ជាប់និងភ្ញោចគ្រឿងទទួលដើម្បីដំណើរការមុខងារបង្កើនសម្ពាធឈាមនៅក្នុងរាងកាយបាន(ការកន្ត្រាក់ធ្វើអោយសរសៃឈាមរួមតូច ជាដើម)។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp