Benzocaine = Ethyl aminobenzoate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំលេប:

      ជាទូទៅ ឱសថនេះប្រើនៅក្នុងការបំបាត់អាការៈឈឺចាប់និងចង់ក្អួត ដែលកើតមាននៅក្នុងជំងឺរលាកក្រពះ និង ជំងឺដំបៅក្រពះ។

      ករណីថ្នាំទឹកឬជេលប្រើនៅក្រៅរាងកាយ:

      ជាទូទៅ ឱសថនេះប្រើនៅក្នុងការបង្កអាការៈស្ពឹកនៅក្នុងការព្យាបាលមាត់ធ្មេញ (Topical anesthesia)។

      ករណីថ្នាំម្សៅ ថ្នាំទឹក ឬថ្នាំលាបប្រើនៅក្រៅរាងកាយ ឬ ថ្នាំសុលតាមទ្វារធំ:

      ជាទូទៅ ឱសថនេះប្រើនៅក្នុងការបំបាត់អាការៈឈឺចាប់និងរមាស់ដែលកើតមាននៅក្នុងស្ថានភាពដូចជា: របួសដោយសារការប៉ះទង្គិចពីខាងក្រៅ របួសរលាកដោយសារកម្ដៅ អាការៈរលាកស្បែកដោយសារពន្លឺព្រះអាទិត្យ អាការៈដំបៅស្បែក អាការៈរមាស់ស្បែក ជំងឺឬសដូងបាត។

    • កម្រិតប្រើប្រាស់

      ករណីថ្នាំលេប:

      មនុស្សពេញវ័យ:លេប1ថ្ងៃ0.6~1g បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំទឹកឬជេលប្រើនៅក្រៅរាងកាយ (20%):

      លាបនៅកន្លែងដែលត្រូវធ្វើអោយស្ពឹក ដោយផ្ទាល់ឬប្រើសំឡី ក្នុងបរិមាណសមស្រប។

      ករណីថ្នាំម្សៅ ថ្នាំទឹក ឬថ្នាំលាបប្រើនៅក្រៅរាងកាយ ឬ ថ្នាំសុលតាមទ្វារធំ:

      ប្រើថ្នាំម្សៅ ថ្នាំទឹក ឬថ្នាំលាប ក្នុងកំហាប់ 5~15% ឬ ថ្នាំសុលតាមទ្វារធំ(ផ្ទុកសារធាតុឱសថ200~300mg/គ្រាប់) លាបទៅលើកន្លែងរបួសឬមានបញ្ហា។

    • ហាមប្រើ

      ករណីថ្នាំលេប:

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・ទារក ព្រោះអាចបង្កជាជំងឺMethemoglobinemia។

      ករណីថ្នាំទឹកឬជេលប្រើនៅក្រៅរាងកាយ:

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬថ្នាំស្ពឹកប្រភេទបេនហ្សូអាត(Benzoate) (លើកលែងឱសថCocaine)។

      ・អ្នកដែលមានជំងឺMethemoglobinemia។

      ករណីថ្នាំម្សៅ ថ្នាំទឹក ឬថ្នាំលាបប្រើនៅក្រៅរាងកាយ ឬ ថ្នាំសុលតាមទ្វារធំ:

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・ទារក ព្រោះអាចបង្កជាជំងឺMethemoglobinemia។ (ករណីថ្នាំសុលតាមទ្វារធំប៉ុណ្ណោះ)

    • ផលរំខាន

      បាត់បង់ចំណង់អាហារ ចង់ក្អួត ស្ងួតក វិលមុខ ។ល។

    • ការប្រុងប្រយ័ត្នជាពិសេស

      ・ប្រសិនបើបៀមឱសថនេះនៅក្នុងមាត់ អាចធ្វើអោយមានអារម្មណ៍ស្ពឹក ដូច្នេះ ត្រូវលេបភ្លាមៗក្រោយដាក់ចូលក្នុងមាត់។

    • សកម្មភាពឱសថ

      មានសកម្មភាពទៅលើផ្នែកខាងចុងនៃសរសៃប្រសាទ ដោយធ្វើអោយសរសៃប្រសាទដែលទទួលអារម្មណ៍ឈឺចាប់នៅលើភ្នាសនៃក្រពះពោះវៀនមានលក្ខណៈស្ពឹក។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp