Zidovudine

ជាទូទៅ ឱសថនេះប្រើនៅក្នុងការព្យាបាលជំងឺឆ្លងវីរុសហ៊ីវ (HIV) ដោយប្រើរួមជាមួយឱសថប្រឆាំងវីរុសហ៊ីវផ្សេងទៀត។

ថ្នាំលេប：

មនុស្សពេញវ័យ：លេប1ថ្ងៃ 500～600mg បែងចែកជា2～6ដងក្នុង1ថ្ងៃ ដោយប្រើរួមជាមួយឱសថប្រឆាំងHIVផ្សេងទៀត។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・អ្នកដែលមានកម្រិតគ្រាប់ឈាមសឬអេម៉ូក្លូប៊ីនមិនគ្រប់គ្រាន់ (សូមពិនិត្យព័ត៌មានបន្ថែមសម្រាប់កម្រិតកំណត់ជាក់លាក់)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថIbuprofen (អាចធ្វើអោយមានអាការៈងាយហូរឈាមកាន់តែធ្ងន់ធ្ងរ)

ផលរំខានរួមមាន អាការៈខ្វះឈាម ចង់ក្អួត បាត់បង់ចំណង់អាហារ ឈឺពោះ ឈឺក្បាល ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អស់កម្លាំង ក្ដៅខ្លួន ឈាមច្រមុះ ចេញឈាមតាមអញ្ចាញធ្មេញ ហូរឈាមក្រោមស្បែកនៃដៃជើង (រោគសញ្ញាប៉ះពាល់ប្រព័ន្ធផលិតឈាម)

- ហើមខ្លួន ពិបាកដកដង្ហើម ឆាប់ហត់ (ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​)

- ដកដង្ហើមញាប់ ញ័រនិងស្ពឹកដៃជើង ពិបាកដកដង្ហើម បាត់បង់ស្មារតី (រោគសញ្ញាអាស៊ីតឡាក់តិចក្នុងឈាមកើនឡើង(Lactic acidosis) ខ្លាញ់រុំថ្លើម)

- អាការៈប្រកាច់

- ឈឺផ្នែកខាងលើនៃពោះខ្លាំង ឈឺបរិវេណចង្កេះនិងខ្នង ក្ដៅខ្លួន (រលាកលំពែង)។

・ឱសថIbuprofen - អាចធ្វើអោយមានអាការៈងាយហូរឈាមកាន់តែធ្ងន់ធ្ងរ ដូច្នេះហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថPentamidine, Pyrimethamine, Sulfamethoxazole/Trimethoprim, Flucytosine, Ganciclovir, Interferon, Vincristine, Vinblastine, Doxorubicin - ផលរំខាននៃZidovudineកាន់តែងាយកើតឡើង

・ឱសថProbenecid - អាចធ្វើអោយការបញ្ចេញចោលនៃឱសថZidovudineថយចុះ។

・ឱសថFluconazole, Fosfluconazole - អាចធ្វើអោយកំហាប់ក្នុងឈាមនៃឱសថZidovudineកើនឡើង។

・ឱសថRitonavir - អាចធ្វើអោយកំហាប់ក្នុងឈាមនៃឱសថZidovudineថយចុះ។

・ឱសថRifampicin - អាចធ្វើអោយការបញ្ចេញចោលនៃឱសថZidovudineកើនឡើង។

・ឱសថPhenytoin - អាចធ្វើអោយកំហាប់ក្នុងឈាមនៃPhenytoinប្រែប្រួល។

・ឱសថSanilvudine - អាចធ្វើអោយប្រសិទ្ធិភាពនៃឱសថSanilvudineថយចុះ។

・ឱសថRibavirin - អាចធ្វើអោយប្រសិទ្ធិភាពនៃឱសថZidovudineថយចុះ។

・ឱសថAtovaquone - អាចធ្វើអោយកំហាប់ក្នុងឈាមនៃZidovudine ប្រែប្រួល។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។ ម្យ៉ាងទៀត វីរុសហ៊ីវអាចឆ្លងទៅទារកតាមទឹកដោះម្ដាយ ដូច្នេះ ស្ត្រីដែលមានផ្ទុកវីរុសហ៊ីវមិនគួរបំបៅទឹកដោះដល់ទារកនោះទេ។

・ឱសថនេះអាចបង្កជាផលរំខានធ្ងន់ធ្ងរលើប្រព័ន្ធផលិតឈាមនៃខួរឆ្អឹង ដូច្នេះត្រូវធ្វើការពិនិត្យកម្រិតគ្រាប់ឈាមរបស់អ្នកជំងឺអោយបានញឹកញាប់ដើម្បីតាមដានឥទ្ធិពលនៃឱសថ។

・ឱសថនេះមានប្រសិទ្ធិភាពត្រឹមទប់ទល់នឹងការកើនឡើងនៃវីរុសហ៊ីវក្នុងរាងកាយ ប៉ុន្តែមិនអាចកម្ចាត់វីរុសហ៊ីវអស់ទាំងស្រុងនោះទេ។

ជាឱសថប្រឆាំងវីរុសហ៊ីវ(HIV)ប្រភេទNRTI ដោយមានប្រសិទ្ធិភាពបង្អាក់សកម្មភាពរបស់អង់ស៊ីម HIV-1 Reverse transcriptaseនិងសកម្មភាពផលិតDNAរបស់វីរុស ធ្វើអោយវីរុសមិនអាចកើនចំនួនបាន។