Warfarin potassium

ជាទូទៅ ឱសថនេះប្រើនៅក្នុងការព្យាបាលនិងបង្ការការកើតឡើងនៃជំងឺស្ទះកំណកឈាម(Thromboembolism) រួមមាន ជំងឺកកើតកំណកឈាមនៅតាមសរសៃវ៉ែន(Venous thrombosis) ជំងឺស្ទះសរសៃឈាមក្នុងបេះដូង ជំងឺស្ទះកំណកឈាមក្នុងសួត ជំងឺស្ទះកំណកឈាមក្នុងខួរក្បាល ជំងឺកកើតកំណកឈាមក្នុងខួរក្បាលកំពុងវិវត្តន៍ ។ល។

ថ្នាំលេប：

ត្រូវកំណត់កម្រិតប្រើប្រាស់នៃឱសថនេះ ដោយផ្អែកលើលទ្ធផលនៃការពិនិត្យមុខងារកំណកឈាម(Prothrombin time(PT) ឬ Thrombotest ឬ INR) ព្រមទាំងត្រូវតាមដានការពិនិត្យទាំងនេះជាទៀងទាត់ក្នុងអំឡុងពេលប្រើប្រាស់ឱសថនេះ។ នៅលើកដំបូង ប្រើ1ថ្ងៃ1ដង រយៈពេលប៉ុន្មានថ្ងៃ ដើម្បីតាមដានលទ្ធផលនៃការពិនិត្យមុខងារកំណកឈាម រួចធ្វើការកំណត់កម្រិតប្រើប្រាស់ជាប្រចាំនៃឱសថនេះ ដើម្បីអោយលទ្ធផលនៃការពិនិត្យខាងលើស្ថិតក្នុងតំបន់បង្ហាញប្រសិទ្ធិភាពព្យាបាលនៃឱសថនេះ។

- មនុស្សពេញវ័យ：នៅដំណាក់កាលដំបូង លេប1ថ្ងៃ1ដង1～5mg។ ភាគច្រើន កម្រិតប្រើជាប្រចាំគឺ1ថ្ងៃ1ដង1～5mg។

- កុមារអាយុក្រោម12ខែ：កម្រិតប្រើជាប្រចាំគឺ 0.16mg/kg/ថ្ងៃ។

- កុមារអាយុ1ឆ្នាំ～ក្រោម15ឆ្នាំ：កម្រិតប្រើជាប្រចាំគឺ 0.04～0.10mg/kg/ថ្ងៃ។

・អ្នកដែលកំពុងមានរោគសញ្ញាហូរឈាម (ជំងឺស្នាមជាំស្វាយលើស្បែកដោយសារចំនួនប្លាកែតថយចុះ(Thrombocytopenic purpura) ស្ថានភាពងាយហូរឈាមដោយសារបញ្ហាសរសៃឈាម ជំងឺទាក់ទងនឹងកំណកឈាមដូចជាជំងឺឈាមក្រកកជាដើម អំឡុងពេលកំពុងមករដូវ ពេលវះកាត់ ជំងឺដំបៅក្រពះពោះវៀន អាការៈហូរឈាមនៅផ្លូវនោម កំហាកមានឈាម ស្ត្រីដែលទើបតែសម្រាលកូនឬរលូតកូននិងមានអាការៈហូរឈាមនៅប្រដាប់ភេទ និង អ្នកដែលសង្ស័យថាមានហូរឈាមក្នុងក្បាល ជាដើម)។

・អ្នកដែលអាចកើតមានរោគសញ្ញាហូរឈាម (ជំងឺមហារីកនៅសរីរាង្គខាងក្នុង ជំងឺរលាកផ្នែកDiverticulumនៃក្រពះពោះវៀន ជំងឺរលាកពោះវៀនធំ ជំងឺរលាកភ្នាសខាងក្នុងនៃបេះដូងដោយសារបាក់តេរី(Bacterial Endocarditis)លក្ខណៈស្រួចស្រាវ ជំងឺលើសសម្ពាធឈាមធ្ងន់ធ្ងរ ជំងឺទឹកនោមផ្អែមធ្ងន់ធ្ងរ ជាដើម)។

・អ្នកដែលមានបញ្ហាតម្រងនោមធ្ងន់ធ្ងរ។

・អ្នកដែលមានបញ្ហាថ្លើមធ្ងន់ធ្ងរ។

・អ្នកដែលទើបទទួលការវះកាត់ឬរងរបួសទាក់ទងនឹងប្រព័ន្ធសរសៃប្រសាទកណ្ដាលថ្មីៗ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងប្រើប្រាស់ឱសថវីតាមីនK2 (ឱសថMenatetrenone)សម្រាប់ព្យាបាលជំងឺពុកឆ្អឹង(Osteoporosis)។

・អ្នកដែលកំពុងប្រើប្រាស់ឱសថIguratimod។

・អ្នកដែលកំពុងប្រើប្រាស់ឱសថMiconazole (ថ្នាំលាប ថ្នាំចាក់ និង ថ្នាំលេប)។

ហូរឈាម ជ្រុះរោមឬសក់ កន្ទាលត្រអាក ។ល។

・ការប្រើឱសថនេះរួមជាមួយឱសថCapecitabine អាចធ្វើអោយសកម្មភាពនៃឱសថនេះកើនឡើង បង្កជាអាការៈហូរឈាមធ្ងន់ធ្ងរប៉ះពាល់ដល់ជីវិតរបស់អ្នកជំងឺ។

・ត្រូវការរយៈពេល7～10ថ្ងៃដើម្បីឱសថបង្ហាញប្រសិទ្ធិភាពនឹងនរ។ ប្រសិទ្ធិភាពឱសថអាចថយចុះដោយសារការបរិភោគអាហារដែលសម្បូរវីតាមីនK ដូចជា ស្ពៃខ្មៅ ជាដើម។

កាត់បន្ថយការផលិតសារធាតុបង្កកំណកឈាមដែលត្រូវការវីតាមីនK (Vitamin K-dependent coagulation factors)។