Voriconazole

ជាទូទៅ ឱសថនេះប្រើនៅក្នុងការព្យាបាលជំងឺឆ្លងមរោគផ្សិតកម្រិតធ្ងន់ធ្ងរឬពិបាកព្យាបាល：

-ជំងឺអាស្ពេហ្គីឡូសប្រភេទInvasive aspergillosis ជំងឺអាស្ពេហ្គីឡូម៉ាសួត(Pulmonary aspergilloma) ជំងឺអាស្ពេហ្គីឡូសសួតលក្ខណៈស្លាប់កោសិកានិងរ៉ាំរ៉ៃ។

-ជំងឺឆ្លងមេរោគផ្សិតកង់ឌីដាក្នុងឈាម ជំងឺកង់ឌីដាស៊ីសក្នុងបំពង់អាហារ ជំងឺរលាកស្រោមពោះដោយសារមរោគផ្សិងកង់ឌីដា ជំងឺកង់ឌីដាស៊ីសនៅទងសួតនិងសួត។

-ជំងឺរលាកស្រោមខួរដោយសារមេរោគផ្សិតCryptococcus ជំងឺគ្រីពតូខុកខូស៊ីសសួត(Pulmonary cryptococcosis)។

-ជំងឺបង្កដោយមេរោគផ្សិតFusarium (Fusariomycosis)។

-ជំងឺបង្កដោយមេរោគផ្សិតScedosporium។

-បង្ការការកើតមានជំងឺឆ្លងមេរោគផ្សិតដែលស្ថិតនៅជ្រៅនៃរាងកាយ ចំពោះអ្នកជំងឺដែលទទួលការវះកាត់ផ្លាស់ប្ដូរកោសិកាផលិតគ្រាប់ឈាម(Hematopoietic stem cell transplantation)។

ករណីថ្នាំចាក់：

-មនុស្សពេញវ័យ：នៅថ្ងៃដំបូង ប្រើ1ដង6mg/kg, 1ថ្ងៃ2ដង ដោយព្យួរសេរ៉ូមតាមសរសៃវ៉ែន។ ចាប់ពីថ្ងៃទី2ទៅ ប្រើ1ដង3mg/kgឬ4mg/kg, 1ថ្ងៃ2ដង ដោយព្យួរសេរ៉ូមតាមសរសៃវ៉ែន។

-កុមារ (អាយុ2ឆ្នាំ～ក្រោម12ឆ្នាំ ឬ អាយុ12ឆ្នាំឡើងប៉ុន្តែមានទម្ងន់តិចជាង50kg)：នៅថ្ងៃដំបូង ប្រើ1ដង9mg/kg, 1ថ្ងៃ2ដង ដោយព្យួរសេរ៉ូមតាមសរសៃវ៉ែន។ ចាប់ពីថ្ងៃទី2ទៅ ប្រើ1ដង8mg/kg, 1ថ្ងៃ2ដង ដោយព្យួរសេរ៉ូមតាមសរសៃវ៉ែន។ ករណីត្រូវប្រែប្រួលកម្រិតប្រើប្រាស់ ត្រូវបន្ថយឬបង្កើនកម្រិតម្ដង1mg/kg។

-កុមារ (អាយុ12ឆ្នាំឡើងនិងមានទម្ងន់50kgឡើង)：នៅថ្ងៃដំបូង ប្រើ1ដង6mg/kg, 1ថ្ងៃ2ដង ដោយព្យួរសេរ៉ូមតាមសរសៃវ៉ែន។ ចាប់ពីថ្ងៃទី2ទៅ ប្រើ1ដង4mg/kg, 1ថ្ងៃ2ដង ដោយព្យួរសេរ៉ូមតាមសរសៃវ៉ែន។

ករណីថ្នាំលេប：

-មនុស្សពេញវ័យ(ទម្ងន់40kgឡើង)：នៅថ្ងៃដំបូង លេប1ដង300mg, 1ថ្ងៃ2ដង នៅចន្លោះការបរិភោគអាហារនីមួយៗ(ពោះទទេ)។ ចាប់ពីថ្ងៃទី2ទៅ ប្រើ1ដង150mgឬ200mg, 1ថ្ងៃ2ដង នៅចន្លោះការបរិភោគអាហារនីមួយៗ(ពោះទទេ)។ កម្រិតអតិបរមានៃការប្រើនៅថ្ងៃដំបូងគឺ1ដង400mg, 1ថ្ងៃ2ដង ហើយកម្រិតអតិបរមានៃការប្រើចាប់ពីថ្ងៃទី2ទៅគឺ1ដង300mg, 1ថ្ងៃ2ដង។

-មនុស្សពេញវ័យ(ទម្ងន់តិចជាង40kg)：នៅថ្ងៃដំបូង លេប1ដង150mg, 1ថ្ងៃ2ដង នៅចន្លោះការបរិភោគអាហារនីមួយៗ(ពោះទទេ)។ ចាប់ពីថ្ងៃទី2ទៅ ប្រើ1ដង100mg, 1ថ្ងៃ2ដង នៅចន្លោះការបរិភោគអាហារនីមួយៗ(ពោះទទេ)។ អាចបង្កើនកម្រិតនៃការប្រើចាប់ពីថ្ងៃទី2ទៅ ដល់កម្រិត1ដង150mg, 1ថ្ងៃ2ដង។

-កុមារ (អាយុ2ឆ្នាំ～ក្រោម12ឆ្នាំ ឬ អាយុ12ឆ្នាំឡើងប៉ុន្តែមានទម្ងន់តិចជាង50kg)：ក្រោយប្រើថ្នាំចាក់នៃឱសថនេះ លេប1ដង9mg/kg, 1ថ្ងៃ2ដង នៅចន្លោះការបរិភោគអាហារនីមួយៗ(ពោះទទេ)។ ករណីត្រូវប្រែប្រួលកម្រិតប្រើប្រាស់ ត្រូវបន្ថយឬបង្កើនកម្រិតម្ដង1mg/kg។ កម្រិតអតិបរមាគឺ 1ដង350mg, 1ថ្ងៃ2ដង(ករណីបន្ថយកម្រិត អាចបន្ថយម្ដង50mg)។

-កុមារ (អាយុ12ឆ្នាំឡើងនិងមានទម្ងន់50kgឡើង)：ក្រោយប្រើថ្នាំចាក់នៃឱសថនេះ លេប1ដង200mg, 1ថ្ងៃ2ដង នៅចន្លោះការបរិភោគអាហារនីមួយៗ(ពោះទទេ)។ អាចបង្កើនកម្រិតដល់ 1ដង300mg, 1ថ្ងៃ2ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថដូចខាងក្រោម：Rifampicin, Rifabutin, Efavirenz, Ritonavir, Carbamazepine,

Long-acting Barbiturates, Quinidine, Pimozide, Triazolam, Ergotamine, Dihydroergotamine ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានជំងឺតម្រងនោមធ្ងន់ធ្ងរ (Ccr<30mL/min) (ករណីថ្នាំចាក់ដែលមានផ្ទុកសារធាតុ Sulfobutyl ether β-cyclodextrin ប៉ុណ្ណោះ)។

ផលរំខានរួមមាន ចាំងភ្នែក ស្រវាំងភ្នែក ភ្នែកមើលមិនច្បាស់ ពិបាកបែងចែកពណ៌ ក្អួតចង្អោរ ឈឺក្បាល បាត់បង់ចំណង់អាហារ គេងមិនលក់ រវើរវាយ ឡើងកន្ទួលក្រហម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បែកញើសទាំងត្រជាក់ ទឹកមុខស្លេកស្លាំង ពិបាកដកដង្ហើម (រោគប្រតិកម្មធ្ងន់ធ្ងរ)

- ស្នាមក្រហមលើស្បែក ក្ដៅខ្លួន ដំបៅក្នុងមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)ជាដើម)

- អស់កម្លាំង បាត់បង់ចំណង់អាហារ ភ្នែកនិងស្បែកឡើងពណ៌លឿង (មុខងារថ្លើមមានបញ្ហា)

- ឈឺទ្រូង បេះដូងលោតញាប់ ចង្វាក់បេះដូងខុសប្រក្រតី (បញ្ហាទាក់ទងនឹងចង្វាក់បេះដូង)

- អស់កម្លាំង ពិបាកដកដង្ហើម ហើមពេញខ្លួន (មុខងារបេះដូងធ្លាក់ចុះ)។

・ឱសថដូចខាងក្រោម：Rifampicin, Rifabutin, Efavirenz, Ritonavir, Carbamazepine,

Long-acting Barbiturates, Quinidine, Pimozide, Triazolam, Ergotamine, Dihydroergotamine - អាចធ្វើអោយកំហាប់ក្នុងឈាមនៃឱសថទាំងនេះប្រែប្រួលខ្លាំង ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដូចខាងក្រោម：Phenytoin, Saquinavir, Amprenavir, Nelfinavir mesilate, Delavirdine Mesilate, Warfarin, Tacrolimus hydrate, Ciclosporin, Omeprazole, Midazolam, Diazepam, Zolpidem, Tolbutamide, Vincristine, Vinblastine, Methadone, Oxycodone, Fentanyl, Ibuprofen, Diclofenac, ឱសថពន្យារកំណើត, ឱសថបញ្ចុះជាតិខ្លាញ់ក្នុងឈាមHMG-CoA reductase inhibitors, អាហារបំប៉នដែលមានសារធាតុ St.John's Wort - អាចធ្វើអោយកំហាប់ក្នុងឈាមនៃឱសថទាំងនេះប្រែប្រួល។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះអាចផ្ដល់ផលរំខានដូចជា ចាំងភ្នែក ស្រវាំងភ្នែក ភ្នែកមើលមិនច្បាស់ជាដើម ក្នុងអំឡុងពេលប្រើឱសថនិងក្រោយពេលឱសថរយៈពេលខ្លី។ ដូច្នេះ អ្នកជំងឺមិនគួរធ្វើការបើកបរឬបញ្ជាម៉ាស៊ីនដែលមានគ្រោះថ្នាក់ក្នុងអំឡុងពេលមានអាការៈទាំងនេះនោះទេ។

・ឱសថនេះអាចផ្ដល់ផលរំខានធ្វើអោយស្បែកងាយប្រតិកម្មទៅនឹងពន្លឺព្រះអាទិត្យ ដូចជាឡើងក្រហមជាដើម ដូច្នេះ ក្នុងអំឡុងពេលប្រើប្រាស់ឱសថនេះ អ្នកជំងឺគួរចៀសវាងការប៉ះត្រូវពន្លឺព្រះអាទិត្យដោយពាក់អាវដៃវែង មួក ឬប្រើឡេការពារកម្ដៅព្រះអាទិត្យ។ល។

・ឱសថនេះអាចផ្ដល់ផលរំខានដល់មុខងារថ្លើម ដូច្នេះ គួរធ្វើការពិនិត្យដើម្បីតាមដានមុខងារថ្លើមរបស់អ្នកជំងឺអោយបានទៀងទាត់។

・អាហារបំប៉នដែលមានសារធាតុ St.John's Wort អាចធ្វើអោយប្រសិទ្ធិភាពនៃឱសថនេះប្រែប្រួល ដូច្នេះត្រូវចៀសវាងការប្រើប្រាស់រួមគ្នា។

ជាឱសថប្រឆាំងមេរោគផ្សិតប្រភេទTriazole antifungal ដោយមានប្រសិទ្ធិភាពបង្អាក់សកម្មភាពបង្កើតសារធាតុErgosterolនៃភ្នាសកោសិការបស់មេរោគ ធ្វើអោយមេរោគផ្សិតមិនអាចរស់រានឬកើនចំនួនបាន។