Vindesine sulfate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺមហារីកគ្រាប់ឈាមសលក្ខណៈស្រួចស្រាវ (Acute leukemia) រួមទាំង ដំណាក់កាលស្រួចស្រាវនៃជំងឺមហារីកគ្រាប់ឈាមសប្រភេទកោសិកាខួរឆ្អឹងលក្ខណៈរ៉ាំរ៉ៃ

- ជំងឺមហារីកMalignant lymphoma

- ជំងឺមហារីកសួត

- ជំងឺមហារីកបំពង់អាហារ។

ថ្នាំចាក់：

・ករណីជំងឺមហារីកគ្រាប់ឈាមសលក្ខណៈស្រួចស្រាវ និង ជំងឺមហារីកMalignant lymphoma:

- មនុស្សពេញវ័យ ប្រើ1ដង3mg (0.06mg/kg) ដោយចាក់តាមសរសៃវ៉ែន។ ទុកគម្លាតរវាងការចាក់ម្ដងៗរយៈពេល1សប្ដាហ៍។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារ ប្រើ1ដង0.07～0.1mg/kg ដោយចាក់តាមសរសៃវ៉ែន។ ទុកគម្លាតរវាងការចាក់ម្ដងៗរយៈពេល1សប្ដាហ៍។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីជំងឺមហារីកសួត និង ជំងឺមហារីកបំពង់អាហារ:

មនុស្សពេញវ័យ ប្រើ1ដង3～4.5mg (0.06～0.09mg/kg) ដោយចាក់តាមសរសៃវ៉ែន។ ទុកគម្លាតរវាងការចាក់ម្ដងៗរយៈពេល1សប្ដាហ៍។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

・មិនត្រូវប្រើឱសថនេះសម្រាប់ការចាក់ទៅក្នុងខួរឆ្អឹងខ្នង(Medullary cavity)នោះទេ។

ផលរំខានរួមមាន មិនឃ្លានអាហារ ក្អួត ចង្អោរ រលាកក្នុងមាត់ អាការៈស្ពឹក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រោគសញ្ញាខ្វះឈាម ក្ដៅខ្លួន ងាយហូរឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- អស់កម្លាំង ស្មារតីដឹងខ្លួនធ្លាក់ចុះ សាច់ដុំកន្ត្រាក់ (បណ្ដុំរោគសញ្ញានៃការបញ្ចេញអរម៉ូនទប់ស្កាត់ការបញ្ចេញទឹកនោមខុសប្រក្រតី(Syndrome of inappropriate secretion of antidiuretic hormone))

- មិនបត់ជើងធំ ឈឺពោះ ហើមពោះ មិនឃ្លានអាហារ ក្អួតចង្អោរ ក្អួតលាយឈាម លាមកលាយឈាម លាមកពណ៌ខ្មៅ (ជំងឺស្ទះពោះវៀន(Ileus) ហូរឈាមនៅក្រពះពោះវៀន)

- ពិបាកដកដង្ហើម ក្អកស្ងួត ក្ដៅខ្លួន (ជំងឺរលាកសួតប្រភេទInterstitial pneumonia)

- ឈឺទ្រូង ថប់ទ្រូង អារម្មណ៍តឹងណែន បែកញើស (កង្វះឈាមទៅចិញ្ចឹមសាច់ដុំបេះដូង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងមហារីកផ្សេងទៀត - អាចធ្វើអោយផលរំខានទាក់ទងនឹងខួរឆ្អឹង ឬ ផលរំខានទាក់ទងនឹងបេះដូងនិងខួរក្បាលកើតឡើង។

・ការព្យាបាលដោយវិទ្យុសកម្ម - អាចធ្វើអោយផលរំខានទាក់ទងនឹងខួរឆ្អឹងកើនឡើង។

・ឱសថMitomycin C - អាចធ្វើអោយផលប៉ះពាល់ប្រព័ន្ធដង្ហើមងាយនិងទងសួតកន្ត្រាក់ងាយកើតឡើង។

・ឱសថប្រឆាំងមេរោគផ្សិតប្រភេទAzole (Itraconazole, Miconazole ជាដើម) - អាចធ្វើអោយផលរំខានប៉ះពាល់ដល់ប្រព័ន្ធសរសៃប្រសាទសាច់ដុំងាយកើតឡើង។

・ឱសថPhenytoin - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃPhenytoinថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

សកម្មភាពនៃឱសថនេះនៅមិនទាន់មានទ្រឹស្ដីច្បាស់លាស់នៅឡើយទេ ប៉ុន្តែ ការស្រាវជ្រាវបង្ហាញថាឱសថនេះមានសកម្មភាពទៅលើMicrotubuleនៅក្នុងកោសិកា ធ្វើអោយកោសិកាមហារីកមិនអាចបំបែកខ្លួននិងកើនចំនួនបាន។