Vidarabine

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលជំងឺរលាកខួរក្បាលដោយសារវីរុសរើមសាមញ្ញ(Herpes simplex) ជំងឺរើមហ្សូស្ទើ(Herpes zoster)ចំពោះអ្នកជំងឺដែលមានប្រព័ន្ធភាពស៊ាំចុះខ្សោយ។

ករណីថ្នាំលាបលើស្បែក：

ជាទូទៅ ឱសថនេះប្រើនៅក្នុងការព្យាបាលជំងឺរើមសាមញ្ញ(Herpes simplex) និង ជំងឺរើមហ្សូស្ទើ(Herpes zoster)។

ករណីថ្នាំចាក់：

ប្រើដោយលាយជាមួយសូលុយស្យុងគ្លុយកូស5%ឬសេរ៉ូមប្រៃ រួចព្យួរសេរ៉ូមនោះតាមសរសៃវ៉ែនរយៈពេល2～4ម៉ោងសម្រាប់សេរ៉ូម500mL។

・ជំងឺរលាកខួរក្បាលដោយសារវីរុសHerpes simplex：

មនុស្សពេញវ័យ：ប្រើ1ថ្ងៃ10～15mg/kg រយៈពេល10ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញានិងមុខងារតម្រងនោម។

・ជំងឺរើមហ្សូស្ទើ (Herpes zoster)ចំពោះអ្នកជំងឺដែលប្រព័ន្ធភាពស៊ាំចុះខ្សោយ：

មនុស្សពេញវ័យ：ប្រើ1ថ្ងៃ5～10mg/kg រយៈពេល5ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញានិងមុខងារតម្រងនោម។

ករណីថ្នាំលាបលើស្បែក(3%)：

លាបនៅកន្លែងមានបញ្ហាក្នុងបរិមាណសមស្រប 1ថ្ងៃ1～4ដង។ គួរចាប់ផ្ដើមប្រើក្នុងអំឡុងពេល5ថ្ងៃបន្ទាប់ពីចេញរោគសញ្ញា។ ក្រោយប្រើរយៈពេល7ថ្ងៃហើយ នៅមិនទាន់ឃើញល្អប្រសើរជាងមុនឬមានលក្ខណៈកាន់តែធ្ងន់ធ្ងរជាងមុន គួរប្ដូរទៅវិធីព្យាបាលផ្សេង។

ករណីថ្នាំចាក់：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថPentostatin។

ករណីថ្នាំលាបលើស្បែក：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។