Verteporfin

ជាទូទៅ ឱសថនេះប្រើនៅក្នុងការព្យាបាលជំងឺខូចម៉ាឃ្យូឡឺមនុស្សចាស់ (Drugs for Age-related macular degeneration, AMD) ដែលរួមមានរោគសញ្ញាSubfoveal choroidal neovascularization។ ប៉ុន្តែ មិនមានការធានាលើប្រសិទ្ធិភាពនៃឱសថនេះចំពោះអ្នកដែលមានរោគសញ្ញាOccult CNV ឬ រោគសញ្ញាMinimally classic CNV នោះទេ។

ថ្នាំចាក់：

ប្រើឱសថនេះក្នុងកម្រិត 6mg/m² (ផ្ទៃក្រឡារាងកាយ) ដោយចាក់ក្នុងសរសៃវ៉ែនរយៈពេល10នាទី ដោយអនុវត្តការបាញ់កាំរស្មីឡាស៊ែរ (ប្រវែងរលក689±3nm ថាមពល50J/cm²)នៅផ្នែកដែលត្រូវព្យាបាល នៅ15នាទីបន្ទាប់ពីប្រើឱសថនេះ។

ត្រូវអនុវត្តការពិនិត្យFluorescein angiography រៀងរាល់3ខែម្ដង ហើយប្រសិនបើពិនិត្យឃើញមានការលេចចេញនូវFluoresceinពីOccult CNV ត្រូវអនុវត្តការព្យាបាលម្ដងទៀត។

・អ្នកដែលមានជំងឺPorphyria។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលពិបាកពិនិត្យមើលបាតភ្នែក (Fundus)។

・ការប្រើឱសថនេះត្រូវស្ថិតក្រោមការគ្រប់គ្រងរបស់វេជ្ជបណ្ឌិតដែលមានជំនាញច្បាស់លាស់នៅក្នុងការព្យាបាលដោយPhotodynamic therapy។

・ឱសថនេះអាចប្រតិកម្មទៅនឹងពន្លឺ ធ្វើអោយប៉ះពាល់ដល់សមត្ថភាពគំហើញរបស់អ្នកជំងឺ ដូច្នេះ ត្រូវពន្យល់ប្រាប់ចំណុចនេះដល់អ្នកជំងឺ ហើយក្នុងអំឡុងពេល48ម៉ោងក្រោយប្រើឱសថនេះ មិនត្រូវអោយអ្នកជំងឺទទួលពន្លឺព្រះអាទីត្យដោយផ្ទាល់ឬស្ថិតនៅក្នុងបន្ទប់ដែលមានពន្លឺខ្លាំងទៅលើស្បែកឬភ្នែកឡើយ។

・ករណីអ្នកជំងឺត្រូវទទួលការវះកាត់ជាបន្ទាន់ក្នុងអំឡុងពេល48ម៉ោងក្រោយប្រើឱសថនេះ ត្រូវការពារជាលិកាផ្នែកខាងក្នុងពីការចាំងពន្លឺខ្លាំងតាមដែលអាចធ្វើទៅបាន។