Verapamil hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- មនុស្សពេញវ័យ：ជំងឺទាក់ទងនឹងចង្វាក់បេះដូងកើនឡើងខុសប្រក្រតី (Atrial fibrillation, Atrial flutter, Supraventricular tachycardia) ជំងឺត្បៀតសរសៃឈាមបេះដូង(Angina pectoris) ជំងឺស្ទះសរសៃឈាមបេះដូង(Myocardial infarction)លើកលែងដំណាក់កាលស្រួចស្រាវ និង ជំងឺបេះដូងបណ្ដាលមកពីខ្វះឈាមនៅក្នុងបេះដូង(Ischemic heart disease)ផ្សេងៗទៀត។

- កុមារ：ជំងឺទាក់ទងនឹងចង្វាក់បេះដូងកើនឡើងខុសប្រក្រតី (Atrial fibrillation, Atrial flutter, Supraventricular tachycardia)។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលជំងឺទាក់ទងនឹងចង្វាក់បេះដូងកើនឡើងខុសប្រក្រតី (Atrial fibrillation, Atrial flutter, Supraventricular tachycardia)។

ករណីថ្នាំលេប：

- មនុស្សពេញវ័យ：លេប1ដង40～80mg, 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា (ចំពោះជំងឺទាក់ទងនឹងចង្វាក់បេះដូងកើនឡើងខុសប្រក្រតី អាចបន្ថយកម្រិតប្រើប្រាស់ទៅតាមអាយុនិងរោគសញ្ញា)។

- កុមារ：លេប1ថ្ងៃ3～6mg/kg (ប៉ុន្តែ មិនត្រូវប្រើលើសពី1ថ្ងៃ240mgនោះទេ) ដោយបែងចែកជា3ដងក្នុង1ថ្ងៃ។ អាចបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

- មនុស្សពេញវ័យ：ប្រើ1ដង5mg ចាក់តាមសរសៃវ៉ែនយឺតៗដោយប្រើរយៈពេល5នាទីឡើងទៅ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ អាចប្រើឱសថនេះដោយពង្រាវនៅក្នុងសេរ៉ូមប្រៃឬគ្លុយកូសទៅតាមការចាំបាច់។

- កុមារ：ប្រើ1ដង0.1～0.2mg/kg (ប៉ុន្តែ មិនត្រូវប្រើលើសពី5mgក្នុង1ដងនោះទេ) ចាក់តាមសរសៃវ៉ែនយឺតៗដោយប្រើរយៈពេល5នាទីឡើងទៅ។ អាចប្រើឱសថនេះដោយពង្រាវនៅក្នុងសេរ៉ូមប្រៃឬគ្លុយកូសទៅតាមការចាំបាច់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំលេប：

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​កម្រិតធ្ងន់ធ្ងរ។

・អ្នកដែលកំពុងមានបញ្ហានៃការបញ្ជូនសញ្ញាក្នុងបេះដូងកម្រិតធ្ងន់ធ្ងរ (ជំងឺA-V blockកម្រិត II ឡើងទៅ ជំងឺSinoatrial block)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលធ្លាប់កើតមានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

ករណីថ្នាំចាក់：

・អ្នកដែលមានអាការៈសម្ពាធឈាមចុះទាបធ្ងន់ធ្ងរ ឬ អាការៈប្រតិកម្មធ្ងន់ធ្ងរដោយសារបញ្ហាបេះដូង(Cardiogenic shock)។

・អ្នកដែលមានរោគសញ្ញាជីពចរយឺតធ្ងន់ធ្ងរ ឬ ជំងឺA-V blockកម្រិតII～III ឬ ជំងឺSinoatrial block។

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​កម្រិតធ្ងន់ធ្ងរ។

・អ្នកដែលមានជំងឺស្ទះសរសៃឈាមក្នុងបេះដូងស្រួចស្រាវ។

・អ្នកដែលមានជំងឺទាក់ទងនឹងសាច់ដុំបេះដូងកម្រិតធ្ងន់ធ្ងរ។

・អ្នកដែលកំពុងទទួលឱសថប្រភេទទប់ស្កាត់គ្រឿងទទួលបេតា(β-blockers)ទម្រង់ជាថ្នាំចាក់តាមសរសៃវ៉ែន។

・អ្នកដែលធ្លាប់កើតមានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

ឱសថប្រភេទនេះមានផលរំខានរួម ដូចជា សម្ពាធឈាមចុះទាប គ្រាប់ឈាមសថយចុះ ប៉ះពាល់មុខងារថ្លើមនិងតម្រងនោម ការស្ទះការបញ្ជូនសញ្ញារវាងថតលើនិងថតក្រោមនៃបេះដូង(AV block) ជីពចរយឺត សម្ពាធឈាមចុះទាប មុខងារបេះដូងចុះខ្សោយ ។ល។

・ឱសថប្រភេទដែលអាចប្រើប្រាស់តែម្ដងក្នុង1ថ្ងៃមានការកើនឡើង ដូច្នេះ នៅពេលត្រូវផ្លាស់ប្ដូរប្រភេទថ្នាំ ត្រូវពន្យល់អ្នកជំងឺអោយបានច្បាស់លាស់ ចៀសវាងការយល់ច្រឡំចំពោះចំនួនដងនៃការប្រើប្រាស់ឱសថ។ ម្យ៉ាងទៀត អាការៈរមួយលក្រពើ ក៏អាចជាផលរំខាននៃការប្រើប្រាស់ឱសថប្រភេទនេះដែរ។

・ប្រើនៅក្នុងការគ្រប់គ្រងអាការៈចង្វាក់បេះដូងកើនឡើងទាក់ទងនឹងផ្នែកខាងលើនៃថតក្រោមរបស់បេះដូង(Supraventricular tachycardia) និង អាការៈញ័រថតលើនៃបេះដូង(Atrial fibrillation)។

・មិនប្រើចំពោះការព្យាបាលអាការៈញ័រថតលើនៃបេះដូង(Atrial fibrillation)ដែលកើតមាននៅក្នុងរោគសញ្ញាWPWនោះទេ។

・ការប្រើប្រាស់ឱសថនេះ(ថ្នាំចាក់)ចំពោះទារកអាចប៉ះពាល់ដល់ជីវិត្តរបស់អ្នកជំងឺ ដូច្នេះ គួរប្រើឱសថនេះក្នុងករណីដែលវិធីព្យាបាលផ្សេងទៀតមិនមានប្រសិទ្ធិភាពតែប៉ុណ្ណោះ។

・នៅពេលអ៊ីយ៉ុងកាល់ស្យូម(Ca2+)ហូរចូលក្នុងកោសិកា វាធ្វើអោយសាច់ដុំរលោងនៅសរសៃឈាមនិងសាច់ដុំបេះដូងចាប់ផ្ដើមកន្ត្រាក់។ ឱសថនេះបង្អាក់ដំណើរការហូរចូលនៃអ៊ីយ៉ុងកាល់ស្យូមនេះ ដូច្នេះ វាមានប្រសិទ្ធិភាពទប់ស្កាត់ការកន្ត្រាក់នៃសាច់ដុំបេះដូង។

・មានសកម្មភាពទៅលើSinus nodeនិងAV node ដោយទប់ស្កាត់ការបញ្ជូនសញ្ញាភ្ញោច(ប៉ូតង់ស្យែលសកម្ម)។