Valganciclovir hydrochloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・ព្យាបាលជំងឺឆ្លងវីរុសសាយតូមេហ្កាឡូ(Cytomegalovirus) ចំពោះអ្នកជំងឺអេដស៍ អ្នកជំងឺដែលទទួលការវះកាត់ផ្លាស់ប្ដូរសរីរាង្គ(រួមទាំងHematopoietic stem cell transplantation) អ្នកជំងឺមហារីក។

・បង្ការការកើតជំងឺឆ្លងវីរុសសាយតូមេហ្កាឡូ(Cytomegalovirus) ចំពោះអ្នកជំងឺដែលទទួលការវះកាត់ផ្លាស់ប្ដូរសរីរាង្គ(លើកលែងHematopoietic stem cell transplantation)។

ថ្នាំលេប：

・ករណីព្យាបាលជំងឺឆ្លងវីរុសសាយតូមេហ្កាឡូ(Cytomegalovirus)：

+ការព្យាបាលនៅដំណាក់កាលដំបូង：

មនុស្សពេញវ័យ：លេប1ដង900mg, 1ថ្ងៃ2ដង ក្រោយបរិភោគអាហារ។

+ការព្យាបាលជាបន្ត：លេប1ថ្ងៃ1ដង 900mg ក្រោយបរិភោគអាហារ។

・ករណីបង្ការការកើតមានជំងឺឆ្លងវីរុសសាយតូមេហ្កាឡូនៅពេលធ្វើការវះកាត់ផ្លាស់ប្ដូរសរីរាង្គ (លើកលែងវះកាត់ផ្លាស់ប្ដូរកោសិកាផលិតគ្រាប់ឈាម(Hematopoietic stem cell transplantation))：

- មនុស្សពេញវ័យ：លេប1ថ្ងៃ1ដង 900mg ក្រោយបរិភោគអាហារ។

- កុមារ：លេប1ថ្ងៃ1ដង ក្នុងកម្រិតដែលទទួលបានពីការគណនារូបមន្តដូចខាងក្រោម និង ប្រើនៅក្រោយបរិភោគអាហារ។ កម្រិតអតិបរមាក្នុង1ថ្ងៃគឺ900mg។

រូបមន្តគណនាកម្រិតប្រើប្រាស់សម្រាប់កុមារ：

កម្រិតប្រើប្រាស់នៃឱសថនេះ = 7 x ផ្ទៃក្រឡានៃស្រទាប់រាងកាយ(m2) x eGFR(mL/min/1.73m2)

＊ប្រសិនបើeGFRលើសពី150 អាចប្រើចំនួន150សម្រាប់ការគណនា។

・អ្នកដែលមានប្រព័ន្ធផលិតគ្រាប់ឈាមនៃខួរឆ្អឹងកំពុងធ្លាក់ចុះធ្ងន់ធ្ងរ (ចំនួន Neutrophil ក្រោម 500/mm³ ឬ ចំនួនប្លាកែតក្រោម 25,000/mm³ ជាដើម)

・អ្នកដែលធ្លាប់កើតមានរោគប្រតិកម្មជាមួយនឹងឱសថGanciclovir ឬ Valganciclovir ឬសារធាតុផ្សេងទៀតនៅក្នុងឱសថនេះ ឬ ឱសថដែលមានម៉ូលេគុលស្រដៀងទៅនឹងGanciclovirឬValganciclovir (Aciclovir, Valaciclovirជាដើម)

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ

ផលរំខានរួមមាន រាករូស ក្អួតចង្អោរ ជំងឺCandidaក្នុងមាត់ ឈឺពោះ អារម្មណ៍មិនស្រួលក្នុងក្រពះ ក្ដៅខ្លួន ហត់អស់កម្លាំង ឈឺក្បាល អាការៈខ្វះឈាម ក្អក គេងមិនលក់ ឡើងកន្ទួលក្រហម រលាកស្បែក រលាកច្រមុះនិងបំពង់ក រលាកផ្នែកខាងក្នុងនៃច្រមុះ ជំងឺរបករេទីនភ្នែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អាការៈខ្វះឈាម ក្ដៅខ្លួន ចេញឈាមតាមច្រមុះឬអញ្ចាញធ្មេញ (បញ្ហាប៉ះពាល់ប្រព័ន្ធផលិតឈាមក្នុងរាងកាយ)

- ឈឺពោះ លាមកមានពណ៌ខ្មៅ ក្អកឈាម (ជំងឺប្លាកែតថយចុះ ហូរឈាមនៅតាមប្រព័ន្ធរំលាយអាហារ)

- បរិមាណទឹកនោមថយចុះ ហើម បាត់បង់ចំណង់អាហារ (មុខងារតម្រងនោមថយចុះ)

- ឈឺផ្នែកខាងលើនៃពោះ ឈឺបរិវេណចង្កេះនិងខ្នង ក្ដៅខ្លួន ចង់ក្អួត (រលាកលំពែង)

- ក្ដៅខ្លួនខ្លាំង ញាក់ ឈឺសន្លាក់ ឈឺសាច់ដុំ (អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺឆ្លងមេរោគដោយសារប្រព័ន្ធភាពស៊ាំចុះខ្សោយ)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថZidovudine - អាចធ្វើអោយកំហាប់ក្នុងឈាមនៃZidovudineកើនឡើង ព្រមទាំងអាចបង្កជាអាការៈខ្វះឈាម

・ឱសថDidanosine - អាចធ្វើអោយកំហាប់ក្នុងឈាមនៃDidanosineកើនឡើង បង្កជាផលរំខានផ្សេងៗ

・ឱសថImipenem/Cilastatin - អាចធ្វើអោយមានអាការៈប្រកាច់

・ឱសថដែលមានឥទ្ធិពលលើប្រព័ន្ធផលិតឈាមនៃខួរឆ្អឹងនិងប្រព័ន្ធតម្រងនោម(Diaminodiphenyl sulfone, Vincristine sulfate, Vinblastine Sulfate, Doxorubicin hydrochloride, Hydroxycarbamide, Flucytosine, Amphotericin B, Pentamidine ជាដើម) - អាចធ្វើអោយផលរំខានរបស់ឱសថងាយកើតឡើង

・ឱសថZalcitabine - អាចធ្វើអោយកំហាប់ក្នុងឈាមនៃឱសថទាំងពីរប្រែប្រួល

・ឱសថSulfamethoxazole/Trimethoprim - អាចធ្វើអោយកំហាប់ក្នុងឈាមនៃឱសថទាំងនេះប្រែប្រួល

・ឱសថCiclosporin - អាចធ្វើអោយកម្រិតCreatinineក្នុងឈាមកើនឡើង

・ឱសថProbenecid - អាចធ្វើអោយការបញ្ចេញចោលនៃឱសថGanciclovirធ្លាក់ចុះ

・ឱសថMycophenolate mofetil - អាចធ្វើអោយកំហាប់ក្នុងឈាមនៃឱសថទាំងពីរកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ។ សម្រាប់ស្ត្រីដែលអាចនឹងមានផ្ទៃពោះ គួរប្រើមធ្យោបាយពន្យារកំណើត ក្នុងអំឡុងពេលប្រើប្រាស់ឱសថនេះ។

・ចំពោះស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ឱសថនេះអាចបង្កជាផលរំខានធ្ងន់ធ្ងរលើប្រព័ន្ធផលិតឈាមរបស់អ្នកជំងឺ ដូច្នេះត្រូវធ្វើការពិនិត្យកម្រិតគ្រាប់ឈាមរបស់អ្នកជំងឺអោយបានញឹកញាប់ដើម្បីតាមដានឥទ្ធិពលនៃឱសថ។

・ឱសថនេះអាចផ្ដល់ផលរំខានដូចជាវិលមុខ សាច់ដុំកន្ត្រាក់ ចលនាមិននឹងនរ ស្មារតីដឹងខ្លួនធ្លាក់ចុះជាដើម ដូច្នេះ គួរចៀសវាងការបើកបរឬបញ្ជាម៉ាស៊ីនដែលមានគ្រោះថ្នាក់ ក្នុងអំឡុងពេលប្រើប្រាស់ឱសថនេះ។

・ឱសថនេះអាចមានឥទ្ធិពលប៉ះពាល់ដល់ទារកក្នុងផ្ទៃ ដូច្នេះ ក្នុងអំឡុងពេលប្រើប្រាស់ឱសថនេះ អ្នកជំងឺជាស្ត្រីគួរប្រើមធ្យោបាយពន្យារកំណើត ហើយអ្នកជំងឺជាបុរសក៏គួរប្រើមធ្យោបាយពន្យារកំណើតក្នុងអំឡុងប្រើប្រាស់ឱសថនិងក្រោយពីនោះ90ថ្ងៃផងដែរ។ ម្យ៉ាងទៀត ឱសថនេះអាចប៉ះពាល់ដល់ការផលិតមេជីវិតឈ្មោលម្យ៉ាងទៀត ឱសថនេះអាចប៉ះពាល់ដល់ការផលិតមេជីវិតឈ្មោល និង អាចបង្កជាមហារីក។

・ចំពោះថ្នាំគ្រាប់ មិនត្រូវបំបែកឬកិនគ្រាប់ថ្នាំអោយម៉ដ្ឋនោះទេ។ ចំពោះថ្នាំម្សៅ មិនត្រូវធ្វើអោយសារធាតុថ្នាំប៉ះពាល់ដោយផ្ទាល់ទៅនឹងស្បែកឬភ្នាសនៃរាងកាយផ្សេងៗនោះទេ ព្រោះអាចបង្កជាមហារីក។

ជាឱសថប្រឆាំងវីរុសCytomegalovirus ដោយមានប្រសិទ្ធិភាពបង្អាក់សកម្មភាពផលិតDNAរបស់វីរុស ធ្វើអោយវីរុសមិនអាចរស់រានឬកើនចំនួនបាន។