Valaciclovir hydrochloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

・ជំងឺរើមសាមញ្ញ(Herpes simplex)

・បង្ការការកើតឡើងនៃជំងឺរើមសាមញ្ញ(Herpes simplex) ចំពោះអ្នកជំងឺដែលទទួលការវះកាត់ផ្លាស់ប្ដូរកោសិកាផលិតគ្រាប់ឈាម(Hematopoietic stem cell transplantation)

・ជំងឺរើមហ្សូស្ទើ(Herpes zoster)

・ជំងឺអុតស្វាយ(Chicken poxឬVaricella)

・បង្ការការកើតឡើងវិញនៃជំងឺរើមនៅប្រដាប់ភេទ។

ថ្នាំលេប：

-មនុស្សពេញវ័យ：

・ជំងឺរើមសាមញ្ញ(Herpes simplex)：លេប1ដង500mg, 1ថ្ងៃ2ដង។

・បង្ការជំងឺរើមសាមញ្ញ(Herpes simplex)នៅពេលធ្វើការវះកាត់ផ្លាស់ប្ដូរកោសិកាផលិតគ្រាប់ឈាម(Hematopoietic stem cell transplantation)：លេប1ដង500mg, 1ថ្ងៃ2ដង ដោយចាប់ផ្ដើមលេបចាប់ពី7ថ្ងៃមុនការវះកាត់រហូតដល់ក្រោយការវះកាត់រយៈពេល35ថ្ងៃ។

・ជំងឺរើមហ្សូស្ទើ (Herpes zoster)：លេប1ដង1000mg, 1ថ្ងៃ3ដង។

・ជំងឺអុតស្វាយ(Varicella)：លេប1ដង1000mg, 1ថ្ងៃ3ដង។

・បង្ការការកើតឡើងវិញជំងឺរើមនៅប្រដាប់ភេទ：លេប1ថ្ងៃ1ដង500mg។ ចំពោះអ្នកជំងឺផ្ទុកវីរុសHIV (ចំនួនLymphocyte CD4 ចាប់ពី 100/mm³ឡើង) លេប1ដង500mg, 1ថ្ងៃ2ដង។

-កុមារ：

・ជំងឺរើមសាមញ្ញ(Herpes simplex)：កុមារទម្ងន់ក្រោម10kgពិសា1ដង25mg/kg, 1ថ្ងៃ3ដង។ កុមារទម្ងន់10kgឡើង ពិសា1ដង25mg/kg, 1ថ្ងៃ2ដង។ កម្រិតអតិបរមាក្នុង1ដងគឺ 500mg។

・បង្ការជំងឺរើមសាមញ្ញ(Herpes simplex)នៅពេលធ្វើការវះកាត់ផ្លាស់ប្ដូរកោសិកាផលិតគ្រាប់ឈាម(Hematopoietic stem cell transplantation)：កុមារទម្ងន់ក្រោម10kg ពិសា1ដង25mg/kg, 1ថ្ងៃ3ដង។ កុមារទម្ងន់10kgឡើង ពិសា1ដង25mg/kg, 1ថ្ងៃ2ដង។ ដោយចាប់ផ្ដើមលេបចាប់ពី7ថ្ងៃមុនការវះកាត់រហូតដល់ក្រោយការវះកាត់រយៈពេល35ថ្ងៃ។ កម្រិតអតិបរមាក្នុង1ដងគឺ 500mg។

・ជំងឺរើមហ្សូស្ទើ (Herpes zoster)：ពិសា1ដង25mg/kg, 1ថ្ងៃ3ដង។ កម្រិតអតិបរមាក្នុង1ដងគឺ 1000mg។

・ជំងឺអុតស្វាយ(Varicella)：ពិសា1ដង25mg/kg, 1ថ្ងៃ3ដង។ កម្រិតអតិបរមាក្នុង1ដងគឺ 1000mg។

・បង្ការការកើតឡើងវិញជំងឺរើមនៅប្រដាប់ភេទ：កុមារទម្ងន់40kgឡើង ពិសា1ថ្ងៃ1ដង500mg។ ចំពោះអ្នកជំងឺផ្ទុកវីរុសHIV (ចំនួនLymphocyte CD4 ចាប់ពី 100/mm³ឡើង) ពិសា 1ដង500mg, 1ថ្ងៃ2ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថ Aciclovir ។

ផលរំខានរួមមាន ឈឺក្បាល ងងុយគេង ក្អួតចង្អោរ រាករូសឬទល់លាមក ឈឺពោះ អារម្មណ៍មិនស្រួលក្នុងពោះ ឡើងកន្ទួលក្រហម រមាស់ ស្បែកងាយប្រតិកម្មទៅនឹងពន្លឺព្រះអាទិត្យ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ហើមត្របកភ្នែក បបូរមាត់ឬអណ្ដាត បេះដូងលោតញាប់ (រោគប្រតិកម្មធ្ងន់ធ្ងរ)

- ក្ដៅខ្លួន ងាយហូរឈាម អស់កម្លាំង (ប្រព័ន្ធផលិតឈាមមានបញ្ហា)

- បរិមាណទឹកនោមថយចុះ ហើម អស់កម្លាំង (មុខងារតម្រងនោមថយចុះ)

- រវើរវាយ សន្លប់ សាច់ដុំកន្ត្រាក់ (បញ្ហាផ្នែកស្មារតី)

- ភ្នែកក្រហម ស្នាមក្រហមនិងឡើងប៉ោងលើស្បែក រលាត់ស្បែកនៅមាត់ជាដើម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)ជាដើម)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថProbenecid - អាចធ្វើអោយកំហាប់ក្នុងឈាមនៃឱសថValaciclovirកើនឡើង។

・ឱសថCimetidine - អាចធ្វើអោយកំហាប់ក្នុងឈាមនៃឱសថValaciclovirកើនឡើង។

・ឱសថMycophenolate mofetil - អាចធ្វើអោយកំហាប់ក្នុងឈាមនៃឱសថទាំងពីរកើនឡើង។

・ឱសថTheophylline - អាចធ្វើអោយផលរំខាននៃTheophyllineងាយកើតឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ចំពោះអ្នកជំងឺដែលមានមុខងារតម្រងនោមចុះខ្សោយឬអ្នកជំងឺជាមនុស្សចាស់ កម្រិតឱសថត្រូវប្រើគួរគណនាទៅតាមលទ្ធផលពិនិត្យCreatinine clearance(Ccr)។

・ក្នុងអំឡុងពេលប្រើប្រាស់ឱសថនេះ អ្នកជំងឺគួរពិសារទឹកអោយបានច្រើន។

・ឱសថនេះអាចផ្ដល់ផលរំខានដូចជាងងុយគេងឬស្មារតីដឹងខ្លួនធ្លាក់ចុះជាដើម ដូច្នេះ ត្រូវប្រុងប្រយ័ត្ននៅពេលបើកបរឬនៅពេលបញ្ជាម៉ាស៊ីនដែលមានគ្រោះថ្នាក់។

ជាឱសថប្រឆាំងវីរុស ដោយមានប្រសិទ្ធិភាពបង្អាក់សកម្មភាពផលិតDNAរបស់វីរុស ធ្វើអោយវីរុសមិនអាចរស់រានឬកើនចំនួនបាន។