Tripamide

ជាទូទៅ ឱសថនេះប្រើនៅក្នុងការព្យាបាលជំងឺលើសសម្ពាធឈាមដែលគ្មានជំងឺផ្សេងទៀតជាដើមហេតុ។

ថ្នាំលេប：

មនុស្សពេញវ័យ：លេប1ដង15mg 1ថ្ងៃ1～2ដង (ក្រោយអាហារពេលព្រឹក ឬ ក្រោយអាហារពេលព្រឹកនិងពេលថ្ងៃ)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលកំពុងមានអាការៈមិនបញ្ចេញទឹកនោម (Anuria)។

・អ្នកដែលមានមុខងារតម្រងនោមចុះខ្សោយស្រួចស្រាវ។

・អ្នកដែលមានកម្រិតសូដ្យូម(Na)និងប៉ូតាស្យូម(K)នៅក្នុងរាងកាយកំពុងធ្លាក់ចុះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទសាយអាហ្ស៉ាយ(Thiazide diuretics) ឬ ឱសថដែលស្រដៀងនោះ(ឱសថChlorthalidone ជាដើម)។

・អ្នកដែលកំពុងប្រើប្រាស់ឱសថ Desmopressin acetate hydrate។

កម្រិតប៉ូតាស្យូម(K)ក្នុងឈាមចុះទាប កម្រិតកាល់ស្យូម(Ca)ក្នុងឈាមឡើងខ្ពស់ កម្រិតអាស៊ីតអ៊ុយរិចក្នុងឈាមកើនឡើង មេតាបូលីសស្ករប្រែប្រួល ស្បែកងាយប្រតិកម្មទៅនឹងពន្លឺព្រះអាទិត្យ កម្រិតBUNកើនឡើង គ្រាប់ឈាមសធ្លាក់ចុះ បញ្ហាមុខងារភេទ។

・មានប្រសិទ្ធិភាពបញ្ចុះសម្ពាធឈាមដោយយឺតៗនិងមានលំនឹង ហើយនៅតែបន្តមានប្រសិទ្ធិភាពទោះជាប្រើប្រាស់រយៈពេលវែងក៏ដោយ។ ប្រសិទ្ធិភាពនឹងកើនឡើងនៅពេលប្រើរួមជាមួយឱសថផ្សេងទៀត។ ឱសថនេះអាចប្រើ1ថ្ងៃ1ទៅ2ដង។ នៅពេលចាប់ផ្ដើមប្រើប្រាស់ដំបូង វាអាចនឹងបង្ហាញប្រសិទ្ធិភាពខ្លាំង។

・ក្នុងករណីប្រើរួមជាមួយឱសថប្រភេទឌីជីតាលីស(Digitalis) ត្រូវប្រុងប្រយ័ត្នចំពោះផលរំខានដែលធ្វើអោយកម្រិតប៉ូតាស្យូម(K)ក្នុងឈាមចុះទាប ព្រោះនៅក្នុងស្ថានភាពនេះ អ្នកជំងឺងាយកើតមានអាការៈពុលឱសថឌីជីតាលីស។ ម្យ៉ាងទៀត ផលរំខានដែលធ្វើអោយកម្រិតអាស៊ីតអ៊ុយរិចក្នុងឈាមកើនឡើងនៃឱសថនេះ អាចបង្កអោយមានអាការៈឈឺសន្លាក់ដោយសារអាស៊ីតអ៊ុយរិច(Gout attack)។

・ហាមប្រើឱសថនេះចំពោះអ្នកដែលមានជំងឺខ្សោយតម្រងនោម។

មានសកម្មភាពនៅផ្នែកឆ្ងាយនៃបំពង់ផលិតទឹកនោម(Distal tubule) ដោយទប់ស្កាត់ការស្រូបចូលវិញនៃសារធាតុសូដ្យូម(Na) និង ក្លរ(Cl)។