Tretinoin

ជាទូទៅ ឱសថនេះប្រើនៅក្នុងការព្យាបាលជំងឺមហារីកគ្រាប់ឈាមសប្រភេទPromyelocytic leukemia លក្ខណៈស្រួចស្រាវ។

ថ្នាំលេប：

មនុស្សពេញវ័យ：លេប1ថ្ងៃ60～80mg(45mg/m²) ដោយបែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ ។

・អ្នកដែលមានបញ្ហាថ្លើម ឬ តម្រងនោម។

・អ្នកដែលកំពុងប្រើប្រាស់ឱសថវីតាមីនA។

・អ្នកដែលមានរោគសញ្ញាលើសវីតាមីនAក្នុងរាងកាយ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・ស្ត្រីដែលអាចមានផ្ទៃពោះ។

ផលរំខានរួមមាន ក្ដៅខ្លួន ឈឺក្បាល អស់កម្លាំង គ្រាប់ឈាមសកើនឡើង ជំងឺឆ្លងដូចជារលាកសួតជាដើម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួនលើសពី38អង្សាសេ ពិបាកដកដង្ហើម ឈឺទ្រូង ឈឺក្បាល អស់កម្លាំង (បណ្ដុំរោគសញ្ញានៃអាស៊ីតរេទីណូអិក(Retinoic acid syndrome))

- ក្ដៅខ្លួន ឈឺក្បាល ស្មារតីដឹងខ្លួនធ្លាក់ចុះ ពិបាកដកដង្ហើម ឈឺទ្រូង ថប់ទ្រូង ឈឺពោះ ហើមពោះ ស្ពឹកដៃជើង ស្ពឹកមួយចំហៀងខ្លួន ហើម ឈឺដៃជើង ស្បែកនិងបបូរមាត់និងក្រចកដៃជើងប្រែពណ៌ខៀវស្វាយទៅស្វាយចាស់ លាមកមានឈាម ងាយហូរឈាម (ជំងឺកើតឡើងដោយសារកំណកឈាម(ស្ទះសរសៃឈាមក្នុងខួរក្បាលឬសួត ស្ទះកំណកឈាមនៅក្នុងសរសៃអាកទែរឬសរសៃវ៉ែន ជាដើម))

- ឈឺតាមសរសៃឈាម ស្នាមជាំពណ៌ស្វាយ ហើម (រលាកសរសៃឈាម)។

・វីតាមីនA - អាចធ្វើអោយកើតមានរោគសញ្ញាស្រដៀងទៅនឹងរោគសញ្ញានៃការលើសវីតាមីនA ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថPhenytoin - អាចធ្វើអោយកំហាប់ក្នុងឈាមនៃPhenytoinកើនឡើង។

・ឱសថTranexamic acid, Aprotinin - អាចធ្វើអោយកើតមានរោគសញ្ញាដោយសារការកើតមានកំណកឈាមនៅក្នុងរាងកាយ។

・ឱសថប្រឆាំងមេរោគផ្សិតប្រភេទAzole (Fluconazole, Itraconazole, Voriconazole ជាដើម) - អាចធ្វើអោយសកម្មភាពនៃឱសថTretinoinកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・អ្នកជំងឺជាស្ត្រីដែលអាចមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ដោយត្រូវប្រើប្រាស់វិធីពន្យារកំណើតនៅមុនពេលប្រើប្រាស់ឱសថនេះរយៈពេល1ខែ ក្នុងអំឡុងពេលប្រើប្រាស់ និង ក្រោយពេលឈប់ប្រើប្រាស់ឱសថនេះរយៈពេល1ខែ។ ម្យ៉ាងទៀត អ្នកជំងឺមិនគួរចាប់ផ្ដើមប្រើប្រាស់ឱសថនេះមុនពេលមករដូវបន្ទាប់បាន2ទៅ3ថ្ងៃនោះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងការប្រើឱសថនេះ ត្រូវប្រុងប្រយ័ត្នជាពិសេសចំពោះការកើតឡើងនូវបណ្ដុំរោគសញ្ញានៃអាស៊ីតរេទីណូអិក(Retinoic acid syndrome) ព្រោះវាអាចបណ្ដាលអោយមានគ្រោះថ្នាក់ដល់ជីវិតរបស់អ្នកជំងឺ។ ម្យ៉ាងទៀត គួរពិនិត្យចំនួនប្លាកែត មុខងារថ្លើម កម្រិតTriglycerideក្នុងឈាមរបស់អ្នកជំងឺអោយបានទៀងទាត់។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតនៅមុនពេលប្រើប្រាស់ឱសថនេះរយៈពេល1ខែ ក្នុងអំឡុងពេលប្រើប្រាស់ និង ក្រោយពេលឈប់ប្រើប្រាស់ឱសថនេះរយៈពេល1ខែ។ ម្យ៉ាងទៀត អ្នកជំងឺមិនគួរចាប់ផ្ដើមប្រើប្រាស់ឱសថនេះមុនពេលមករដូវបន្ទាប់បាន2ទៅ3ថ្ងៃនោះទេ។

ឱសថនេះមានប្រសិទ្ធិភាពបង្អាក់សកម្មភាពរបស់សែន(PML-RAR-α-Chimeric gene)ដែលរំខានដល់ការវិវត្តនៃកោសិកាPromyelocyte។ លទ្ធផលនៃការរំខាននេះ ធ្វើអោយកោសិកាPromyelocyteកើនឡើងខ្ពស់ដោយមិនអាចវិវត្តទៅជាកោសិកាដែលមានមុខងារច្បាស់លាស់នៅក្នុងរាងកាយបាន និង បង្កជាជំងឺមហារីកកោសិកាPromyelocyte។