Toremifene citrate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺមហារីកសុដន់ចំពោះស្ត្រីអស់រដូវ។

    • កម្រិតប្រើប្រាស់

      ថ្នាំលេប:

      មនុស្សពេញវ័យ លេប1ថ្ងៃ1ដង 40mg។

      ・ចំពោះអ្នកជំងឺដែលធ្លាប់ទទួលការព្យាបាលហើយ (ករណីការព្យាបាលដោយឱសថឬវិទ្យុសកម្មមិនមានប្រសិទ្ធភាព):

      មនុស្សពេញវ័យ លេប1ថ្ងៃ1ដង 120mg។

      អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ・ស្ត្រីដែលកំពុងបំបៅដោះកូន។

      ・អ្នកដែលកំពុងឬធ្លាប់មានរោគសញ្ញាQTនៃចង្វាក់បេះដូងអូសបន្លាយ។

      ・អ្នកដែលមានរោគសញ្ញានៃកម្រិតប៉ូតាស្យូមក្នុងឈាមចុះទាប។

      ・អ្នកដែលកំពុងប្រើប្រាស់ឱសថព្យាបាលជំងឺចង្វាក់បេះដូងខុសប្រក្រតី(Arrhythmia) ដែលស្ថិតក្នុងក្រុមIA (Quinidine, Procainamide ជាដើម) ឬ ក្រុមIII (Amiodarone, Sotalol ជាដើម)។

    • ផលរំខាន

      ផលរំខានរួមមាន មិនឃ្លានអាហារ ក្អួតចង្អោរ កន្ទួលក្រហមលើស្បែក រមាស់ស្បែក គំហើញមានបញ្ហា។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ឈឺតាមផ្នែកផ្សេងៗនៃរាងកាយ ឈឺពេលសង្កត់ មានស្នាមក្រហមលើស្បែក (ជំងឺស្ទះដោយសារកំណកឈាម(Thromboembolism) រលាកសរសៃវ៉ែន)

      - ភ្នែកនិងស្បែកប្រែពណ៌លឿង អស់កម្លាំង មិនឃ្លានអាហារ(មុខងារថ្លើមថយចុះ ខាន់លឿង)

      - ចេញឈាមតាមទ្វារមាស រដូវខុសប្រក្រតី(ឈាមរដូវច្រើនហួសហេតុ ឈឺផ្នែកខាងក្រោមនៃពោះនិងចង្កេះ ជាដើម) រដូវមិនទៀង (ជំងឺមហារីកសាច់ដុំស្បូន(Uterine fibroids))។

    • អន្តរប្រតិកម្ម

      ・ឱសថព្យាបាលជំងឺចង្វាក់បេះដូងខុសប្រក្រតី(Arrhythmia) ដែលស្ថិតក្នុងក្រុមIA (Quinidine, Procainamide ជាដើម) ឬ ក្រុមIII (Amiodarone, Sotalol ជាដើម) - អាចធ្វើអោយQTកាន់តែអូសបន្លាយ និង បង្កជាបញ្ហាTorsade de pointes ជាដើម ដូច្នេះ ហាមប្រើរួមគ្នា។

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថបញ្ចុះទឹកនោមប្រភេទThiazide - អាចបង្កើនហានិភ័យនៃការកើនឡើងខ្ពស់កម្រិតកាល់ស្យូមក្នុងឈាម។

      ・ឱសថប្រឆាំងកំណកឈាមWarfarin - អាចធ្វើអោយសកម្មភាពប្រឆាំងកំណកឈាមកើនឡើង។

      ・ឱសថPhenobarbital ឱសថPhenytoin ឱសថCarbamazepine ឱសថRifampicin - អាចធ្វើអោយកំហាប់ក្នុងឈាមនៃឱសថToremifeneថយចុះ។

      ・ឱសថRitonavir - អាចធ្វើអោយAUCនៃឱសថToremifeneកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ឱសថនេះប្រើនៅក្នុងការព្យាបាលជំងឺមហារីកសុដន់ចំពោះស្ត្រីអស់រដូវតែប៉ុណ្ណោះ ដូច្នេះ មិនមានទិន្នន័យគ្រប់គ្រាន់បញ្ជាក់អំពីសុវត្ថិភាពនៅក្នុងការប្រើឱសថនេះចំពោះស្ត្រីមានផ្ទៃពោះឬស្ត្រីបំបៅដោះកូននោះទេ។ សម្រាប់ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ។ សម្រាប់ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ・ចំពោះស្ត្រីដែលស្ថិតក្នុងដំណាក់កាលដំបូងនៃការអស់រដូវ គួរអនុវត្តវិធីពន្យារកំណើតក្រៅអំពីវិធីប្រើឱសថអរម៉ូន។ ប្រសិនបើរកឃើញថាមានផ្ទៃពោះ ក្នុងអំឡុងពេលប្រើប្រាស់ឱសថនេះ ស្ត្រីត្រូវបញ្ឈប់ការប្រើប្រាស់ឱសថនិងធ្វើតាមការណែនាំរបស់វេជ្ជបណ្ឌិត។

    • សកម្មភាពឱសថ

      ឱសថនេះមានសកម្មភាពដូចខាងក្រោម៖

      - សកម្មភាពប្រឆាំងអេស្ត្រូជេន : ការពិសោធន៍In vitroបង្ហាញថាឱសថនេះទប់ស្កាត់ការកើនឡើងនៃកោសិកាមហារីកសុដន់ដែលត្រូវបានជម្រុញអោយកើនចំនួនដោយសារធាតុEstradiol។ ការពិសោធន៍In vivoទៅលើសត្វកណ្ដុរបង្ហាញថាឱសថនេះទប់ស្កាត់ការកើនឡើងនៃម៉ាសស្បូនដែលជម្រុញដោយសកម្មភាពនៃសារធាតុEstradiol។

      - សកម្មភាពប្រឆាំងIGF-1 : ការពិសោធន៍បង្ហាញថាឱសថនេះទប់ស្កាត់ការកើនឡើងនៃកោសិកាមហារីកសុដន់ដែលត្រូវបានជម្រុញអោយកើនចំនួនដោយសារធាតុIGF-1។ ប៉ុន្តែ សកម្មភាពនេះមិនអាស្រ័យទៅលើវត្តមាននៃគ្រឿងទទួលអេស្ត្រូជេន(Estrogen receptor)នោះទេ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp