Tolvaptan

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

・អាការៈដក់ទឹកក្នុងរាងកាយដោយសារជំងឺខ្សោយបេះដូង ករណីការប្រើឱសថបញ្ចុះទឹកនោមផ្សេងទៀតមិនមានប្រសិទ្ធិភាពគ្រប់គ្រាន់

・អាការៈដក់ទឹកក្នុងរាងកាយដោយសារជំងឺក្រិនថ្លើម ករណីការប្រើឱសថបញ្ចុះទឹកនោមផ្សេងទៀតមិនមានប្រសិទ្ធិភាពគ្រប់គ្រាន់

・ទប់ស្កាត់ការវិវត្តនៃជំងឺAutosomal dominant polycystic kidney disease (ADPKD) ដែលមាឌតម្រងនោមកំពុងរីកធំយ៉ាងឆាប់រហ័ស។

ថ្នាំលេប：

・អាការៈដក់ទឹកក្នុងរាងកាយដោយសារជំងឺខ្សោយបេះដូង：

មនុស្សពេញវ័យ：លេប1ថ្ងៃ1ដង15mg។

・អាការៈដក់ទឹកក្នុងរាងកាយដោយសារជំងឺក្រិនថ្លើម：

មនុស្សពេញវ័យ：លេប1ថ្ងៃ1ដង7.5mg។

・ទប់ស្កាត់ការវិវត្តនៃជំងឺAutosomal dominant polycystic kidney disease (ADPKD)：

មនុស្សពេញវ័យ：លេប1ថ្ងៃ60mg បែងចែកជា2ដងក្នុង1ថ្ងៃ (ព្រឹក45mg និង ល្ងាច15mg)។ លេបក្នុងកម្រិតនេះរយៈពេលយ៉ាងហោចណាស់1សប្ដាហ៍។ ប្រសិនបើអ្នកជំងឺអាចទប់ទល់នឹងសកម្មភាពឱសថបាន អាចបង្កើនកម្រិតដល់ 1ថ្ងៃ90mg (ព្រឹក60mg និង ល្ងាច30mg) រួចដល់ 1ថ្ងៃ120mg (ព្រឹក90mg និង ល្ងាច30mg) ដោយទុកគម្លាតរយៈពេលយ៉ាងហោចណាស់1សប្ដាហ៍រវាងការបង្កើនកម្រិតម្ដងៗ។ អាចបង្កើនឬបន្ថយកម្រិតប្រើប្រាស់ទៅតាមប្រតិកម្មរបស់អ្នកជំងឺ ប៉ុន្តែ កម្រិតអតិបរមាប្រើក្នុង1ថ្ងៃគឺ120mg។

ករណីប្រើនៅក្នុងការព្យាបាលអាការៈដក់ទឹកក្នុងរាងកាយដោយសារជំងឺខ្សោយបេះដូង ឬ ជំងឺក្រិនថ្លើម ហាមប្រើចំពោះអ្នកជំងឺដូចខាងក្រោម：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ សារធាតុស្រដៀងនោះ (ឱសថMozavaptane hydrochloride ជាដើម)។

・អ្នកដែលមានអាការៈមិនបញ្ចេញទឹកនោម។

・អ្នកដែលមិនមានអារម្មណ៍ស្រេកទឹក ឬ អ្នកដែលពិបាកពិសាទឹក។

・អ្នកដែលមានកម្រិតសូដ្យូម(Na)ក្នុងឈាមខ្ពស់។

・អ្នកដែលមានរោគសញ្ញាប៉ះពាល់ខួរក្បាលដោយសារជំងឺថ្លើម និង ពិបាកបំពេញជាតិទឹកបានគ្រប់គ្រាន់។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ករណីប្រើនៅក្នុងការទប់ស្កាត់ការវិវត្តនៃជំងឺAutosomal dominant polycystic kidney disease (ADPKD) ដែលមាឌតម្រងនោមកំពុងរីកធំយ៉ាងឆាប់រហ័ស：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ សារធាតុស្រដៀងនោះ (ឱសថMozavaptane hydrochloride ជាដើម)។

・អ្នកដែលមិនមានអារម្មណ៍ស្រេកទឹក ឬ អ្នកដែលពិបាកពិសាទឹក។

・អ្នកដែលមានកម្រិតសូដ្យូម(Na)ក្នុងឈាមខ្ពស់។

・អ្នកដែលមានបញ្ហាតម្រងនោមធ្ងន់ធ្ងរ (eGFR ក្រោម 15mL/min/1.73m²)។

・អ្នកដែលកំពុងមានឬធ្លាប់មានបញ្ហាមុខងារថ្លើម ដូចជា ជំងឺរលាកថ្លើមរ៉ាំរ៉ៃ ឬ ផលប៉ះពាល់ថ្លើមដោយសារការប្រើឱសថ ជាដើម (លើកលែងរោគសញ្ញាថ្លើមដែលបង្កដោយជំងឺAutosomal dominant polycystic kidney disease (ADPKD))។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ស្ងួតក ទល់លាមក នោមញឹក កម្រិតអាស៊ីតអ៊ុយរិចក្នុងឈាមកើនឡើង កម្រិតប៉ូតាស្យូមកើនឡើង(រួយខ្លួន ដង្ហក់ ស្ពឹកដៃជើង ។ល។)

・ប្រើក្នុងករណីឱសថផ្សេងទៀតមិនមានប្រសិទ្ធិភាពគ្រប់គ្រាន់។ ឱសថនេះមានសកម្មភាពបង្កើនការបញ្ចេញចោលនៃអេឡិចត្រូឡាយតិចតួចប៉ុណ្ណោះ។

・ដើម្បីដឹងអំពីឥទ្ធិពលនៃឱសថនេះទៅលើកម្រិតសូដ្យូមក្នុងឈាម ត្រូវមានល័ក្ខខ័ណ្ឌអោយអ្នកជំងឺសម្រាកពេទ្យ នៅពេលចាប់ផ្ដើមប្រើប្រាស់ឱសថនេះ។

ទប់ស្កាត់ការភ្ជាប់នៃសារធាតុវ៉ាសូប្រេស៊ីន(Vasopressin)ទៅនឹងគ្រឿងទទួលV2 ដើម្បីបង្អាក់សកម្មភាពរបស់សារធាតុវ៉ាសូប្រេស៊ីន(Vasopressin)។