Tizanidine hydrochloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈកន្ត្រាក់នៃសាច់ដុំ ដែលកើតមាននៅក្នុងជំងឺដូចខាងក្រោម：បណ្ដុំរោគសញ្ញាកស្មានិងដៃ(Cervico-omo-brachial syndrome) រោគឈឺចង្កេះ។

- អាការៈស្ពឹកសាច់ដុំលក្ខណៈកន្ត្រាក់ ដែលកើតមាននៅក្នុងជំងឺដូចខាងក្រោម：ជំងឺទាក់ទងនឹងសរសៃឈាមក្នុងខួរក្បាលឬខួរឆ្អឹង, អាការៈស្ពឹកលក្ខណៈកន្ត្រាក់ទាក់ទងនឹងខួរឆ្អឹង, ជំងឺទាក់ទងនឹងឆ្អឹងកងក, ជំងឺស្ពឹកសាច់ដុំដោយសារការប៉ះពាល់ខួរក្បាល(Cerebral palsy)កើតនៅលើកុមារ, រោគសញ្ញាបន្សល់ក្រោយរបួសពីការប៉ះទង្គិច(ការប៉ះទង្គិចខួរឆ្អឹង ការប៉ះទង្គិចក្បាល), ជំងឺស្វិតសាច់ដុំដោយសារបញ្ហាសរសៃប្រសាទ(Amyotrophic lateral sclerosis, ALS), ជំងឺSpinocerebellar degeneration, ជំងឺរឹងនៅតាមសរសៃប្រសាទដោយសារខូចជាលិកាព័ទ្ធជុំវិញសរសៃប្រសាទ(Multiple sclerosis)។

ថ្នាំលេប：

・ករណីអាការៈកន្ត្រាក់នៃសាច់ដុំ：

មនុស្សពេញវ័យ：លេបពី1ថ្ងៃ3mg (ថ្នាំម្សៅ0.2% ត្រូវនឹង1.5g) បែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីអាការៈស្ពឹកសាច់ដុំលក្ខណៈកន្ត្រាក់：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ3mg (ថ្នាំម្សៅ0.2% ត្រូវនឹង1.5g) បែងចែកជា3ដងក្នុង1ថ្ងៃ ក្រោយបរិភោគអាហារ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតបន្តិចម្ដងៗដល់1ថ្ងៃ6～9mg (ថ្នាំម្សៅ0.2% ត្រូវនឹង3～4.5g) បែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថFluvoxamine ឬ ឱសថCiprofloxacin។

・អ្នកដែលមានបញ្ហាថ្លើមធ្ងន់ធ្ងរ។

ផលរំខានរួមមាន ងងុយគេង ស្ងួតក អស់កម្លាំង វិលមុខ មិនស្រួលក្នុងក្រពះ ចង់ក្អួត បាត់បង់ចំណង់អាហារ ឈឺពោះ ឡើងកន្ទួលក្រហម រមាស់ស្បែក កន្ទាលក្រហម ស្នាមក្រហមលើស្បែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បែកញើស ពិបាកដកដង្ហើម ទឹកមុខស្លេកស្លាំង (អាការៈប្រតិកម្មធ្ងន់ធ្ងរ(Shock))

- វិលមុខ អស់កម្លាំង ងងឹតមុខ (សម្ពាធឈាមចុះទាប់ខ្លាំងភ្លាមៗ)

- ហើមខ្លួន ពិបាកដកដង្ហើមនៅពេលទម្រេតខ្លួនជាជាងពេលអង្គុយ (ជំងឺខ្សោយបេះដូង)

- ពិបាកដកដង្ហើម ដកដង្ហើមលឺសម្លេងខុសប្រក្រតី (ប៉ះពាល់ដំណកដង្ហើម)

- បាត់បង់ចំណង់អាហារ អស់កម្លាំង ភ្នែកនិងស្បែកប្រែពណ៌លឿង (មុខងារថ្លើមមានបញ្ហា រលាកថ្លើម ខាន់លឿង)។

・ឱសថFluvoxamine, ឱសថCiprofloxacin - អាចធ្វើអោយកំហាប់ក្នុងឈាមនៃឱសថTizanidineកើនឡើង។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបញ្ចុះសម្ពាធឈាម - អាចធ្វើអោយកើតមានអាការៈសម្ពាធឈាមចុះទាបខ្លាំងឬជីពចរខ្សោយ។

・ឱសថទប់ស្កាត់សកម្មភាពប្រព័ន្ធសរសៃប្រសាទកណ្ដាល (ឱសថប្រភេទPhenothiazines, ឱសថប្រភេទBarbiturates ជាដើម), គ្រឿងស្រវឹង - អាចធ្វើអោយកើតមានអាការៈងងុយគេងខ្លាំង។

・ឱសថព្យាបាលជំងឺទាក់ទងនឹងចង្វាក់បេះដូង(Amiodarone, Mexiletine, Propafenone), ឱសថCimetidine, ឱសថប្រឆាំងបាក់តេរីប្រភេទNew quinolone(Enoxacin, Norfloxacin), ឱសថអរម៉ូនស្ត្រីសម្រាប់ពន្យារកំណើត, ឱសថTiclopidine - អាចធ្វើអោយកំហាប់ក្នុងឈាមនៃTizanidineកើនឡើង បង្កជាផលរំខានផ្សេងៗ។

・ឱសថដែលបង្កើនសកម្មភាពអង់ស៊ីមCYP1A2 (Rifampicin, ការជក់បារី ជាដើម) - អាចធ្វើអោយកំហាប់ក្នុងឈាមនៃTizanidineថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ងងុយគេង វិលមុខ សម្ពាធឈាមចុះទាប ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・គ្រឿងស្រវឹងអាចធ្វើអោយកើតមានអាការៈងងុយគេងខ្លាំង ដូច្នេះ គួរចៀសវាងការពិសាគ្រឿងស្រវឹងនៅក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពភ្ញោចគ្រឿងទទួលអាដ្រេណាលីន(Adrenaline)ប្រភេទα2នៅក្នុងប្រព័ន្ធប្រសាទកណ្ដាល ដើម្បីបន្ធូរអាការៈកន្ត្រាក់នៃសាច់ដុំ។