Ticlopidine hydrochloride

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・ព្យាបាលរោគសញ្ញានៃការកកើតកំណកឈាមឬស្ទះកំណកឈាម ដែលកើតមាននៅក្នុងការវះកាត់សរសៃឈាមនិងចរន្តឈាមនៅក្រៅរាងកាយ ក៏ដូចជា កែលម្អបញ្ហាទាក់ទងនឹងចរន្តឈាម

・កាត់បន្ថយរោគសញ្ញាផ្សេងៗដូចជាដំបៅ ឈឺចាប់ ត្រជាក់ជាដើម ដែលកើតមាននៅក្នុងជំងឺស្ទះសរសៃអាកទែរលក្ខណៈរ៉ាំរ៉ៃ

・ព្យាបាលរោគសញ្ញានៃការកកើតកំណកឈាមឬស្ទះកំណកឈាម ដែលកើតមាននៅក្នុងជំងឺទាក់ទងនឹងការត្បៀតឬស្ទះសរសៃឈាមក្នុងខួរក្បាល

・កែលម្អបញ្ហាទាក់ទងនឹងចរន្តឈាមដែលបណ្ដាលមកពីការកន្ត្រាក់នៃសរសៃឈាមក្នុងខួរក្បាល ក្រោយការវះកាត់ជំងឺហូរឈាមក្រោមស្រទាប់ខួរក្បាល(Subarachnoid hemorrhage)។

ថ្នាំលេប：

・ករណីព្យាបាលរោគសញ្ញានៃការកកើតកំណកឈាមឬស្ទះកំណកឈាម ដែលកើតមាននៅក្នុងការវះកាត់សរសៃឈាមនិងចរន្តឈាមនៅក្រៅរាងកាយ ក៏ដូចជា កែលម្អបញ្ហាទាក់ទងនឹងចរន្តឈាម：

មនុស្សពេញវ័យ：លេប1ថ្ងៃ200～300mg ដោយបែងចែកជា2～3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីកាត់បន្ថយរោគសញ្ញាផ្សេងៗដូចជាដំបៅ ឈឺចាប់ ត្រជាក់ជាដើម ដែលកើតមាននៅក្នុងជំងឺស្ទះសរសៃអាកទែរលក្ខណៈរ៉ាំរ៉ៃ：

មនុស្សពេញវ័យ：លេប1ថ្ងៃ300～600mg ដោយបែងចែកជា2～3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីព្យាបាលរោគសញ្ញានៃការកកើតកំណកឈាមឬស្ទះកំណកឈាម ដែលកើតមាននៅក្នុងជំងឺទាក់ទងនឹងការត្បៀតឬស្ទះសរសៃឈាមក្នុងខួរក្បាល：

មនុស្សពេញវ័យ：លេប1ថ្ងៃ200～300mg ដោយបែងចែកជា2～3ដងក្នុង1ថ្ងៃ ក្រោយបរិភោគអាហារ។ ករណីលេប1ថ្ងៃ200mg អាចប្រើ1ថ្ងៃ1ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីកែលម្អបញ្ហាទាក់ទងនឹងចរន្តឈាមដែលបណ្ដាលមកពីការកន្ត្រាក់នៃសរសៃឈាមក្នុងខួរក្បាល ក្រោយការវះកាត់ជំងឺហូរឈាមក្រោមស្រទាប់ខួរក្បាល(Subarachnoid hemorrhage)：

មនុស្សពេញវ័យ：លេប1ថ្ងៃ300mg ដោយបែងចែកជា3ដងក្នុង1ថ្ងៃ ក្រោយបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលកំពុងមានអាការៈហូរឈាម (ជំងឺឈាមក្រកក(Hemophilia) ជំងឺខ្សោយសរសៃឈាម ហូរឈាមក្នុងក្រពះឬពោះវៀន ហូរឈាមនៅផ្លូវនោម កំហាកមានឈាម ហូរឈាមក្នុងភ្នែក ជាដើម)។

・អ្នកដែលមានបញ្ហាថ្លើមធ្ងន់ធ្ងរ។

・អ្នកដែលមានរោគសញ្ញាគ្រាប់ឈាមសថយចុះ។

・អ្នកដែលធ្លាប់មានរោគសញ្ញាគ្រាប់ឈាមសថយចុះដោយសារការប្រើឱសថTiclopidine hydrochloride។

・អ្នកដែលធ្លាប់កើតមានរោគប្រតិកម្មជាមួយនឹងឱសថTiclopidine hydrochloride។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានបញ្ហាថ្លើម។

ហូរឈាម បាត់បង់ចំណង់អាហារ បញ្ហាថ្លើម គ្រាប់ឈាមសGranulocyteថយចុះ ។ល។

・ផលរំខានធ្ងន់ធ្ងរនៃឱសថនេះ រួមមាន ជំងឺស្នាមជាំស្វាយលើស្បែកដោយសារចំនួនប្លាកែតថយចុះ(Thrombocytopenic purpura) រោគសញ្ញា និង ផលប៉ះពាល់ថ្លើមធ្ងន់ធ្ងរ ងាយនឹងកើតឡើងក្នុងអំឡុងពេល2ខែក្រោយចាប់ផ្ដើមប្រើឱសថនេះ ហើយអាចធ្ងន់ធ្ងរដល់ធ្វើអោយអ្នកជំងឺបាត់បង់ជីវិត។ ដូច្នេះ ត្រូវប្រុងប្រយ័ត្នចំពោះរោគសញ្ញាដំបូង ហើយត្រូវអនុវត្តការពិនិត្យចំនួនគ្រាប់ឈាម និង មុខងារថ្លើមរៀងរាល់2សប្ដាហ៍ម្ដង។

ធ្វើអោយសារធាតុcAMPនៃប្លាកែតកើនឡើងច្រើន ដើម្បីបង្កការលំបាកក្នុងការកកើតកំណកឈាម។