Teicoplanin

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី MRSA ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺឆ្លងនៅស្រទាប់ជ្រៅនៃស្បែក ជំងឺខ្ទុះលើស្បែករ៉ាំរ៉ៃ ជំងឺមុនខ្ទុះលើស្បែក ជំងឺឆ្លងមេរោគបណ្ដាលមកពីរបួសក្រៅឬការរលាកភ្លើងឬការវះកាត់ ជំងឺរលាកសួត ជំងឺខ្ទុះក្នុងទ្រូង ជំងឺឆ្លងមេរោគបណ្ដាលមកពីជំងឺផ្លូវដង្ហើមរ៉ាំរ៉ៃ។

ថ្នាំចាក់：

-មនុស្សពេញវ័យ：នៅថ្ងៃដំបូង ប្រើ1ថ្ងៃ400mgឬ800mg បែងចែកជា2ដងក្នុង1ថ្ងៃ។ បន្ទាប់ពីនោះ ប្រើ1ថ្ងៃ1ដង 200mgឬ400mg ដោយព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។ ចំពោះអាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) នៅថ្ងៃដំបូង ប្រើ1ថ្ងៃ800mg បែងចែកជា2ដងក្នុង1ថ្ងៃ បន្ទាប់ពីនោះ ប្រើ1ថ្ងៃ1ដង 400mg ដោយព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។

-កុមារនិងទារក：ប្រើ 10mg/kg រៀងរាល់12ម៉ោង ចំនួន3ដង។ បន្ទាប់ពីនោះ ប្រើ6～10mg/kg(ករណីរោគសញ្ញាធ្ងន់ធ្ងរដូចជាអាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis)ជាដើម ប្រើ10mg/kg) រៀងរាល់24ម៉ោង ដោយព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។

-ទារកទើបកើត(រួមទាំងទារកកើតមិនគ្រប់ខែ)：នៅលើកដំបូងប្រើ16mg/kg។ បន្ទាប់ពីនោះ ប្រើ8mg/kg រៀងរាល់24ម៉ោង ដោយព្យួរសេរ៉ូមតាមសរសៃវ៉ែនរយៈពេលចាប់ពី30នាទីឡើង។

គ្រប់ករណី អាចបង្កើនឬបន្ថយកម្រិតប្រើប្រាស់ទៅតាមអាយុ ទម្ងន់ និងរោគសញ្ញារបស់អ្នកជំងឺ។

・អ្នកដែលមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលធ្លាប់កើតមានរោគប្រតិកម្មជាមួយនឹងឱសថប្រភេទVancomycin ឱសថប្រឆាំងបាក់តេរីប្រភេទប៉ិបទីត ឱសថប្រឆាំងបាក់តេរីប្រភេទAminoglycoside។

・អ្នកដែលមានបញ្ហាត្រចៀកធ្ងន់ដោយសារឱសថប្រភេទVancomycin ឱសថប្រឆាំងបាក់តេរីប្រភេទប៉ិបទីត ឱសថប្រឆាំងបាក់តេរីប្រភេទAminoglycoside ឬ មានបញ្ហាត្រចៀកធ្ងន់ដោយសារមូលហេតុផ្សេងទៀត។

ផលរំខានរួមមាន ឡើងកន្ទួលក្រហម ក្តៅខ្លួន ស្បែកនិងភ្នែកឡើងលឿង អាការៈខ្វះឈាម សម្ពាធឈាមធ្លាក់ចុះឬកើនឡើង ចង្វាក់បេះដូងកើនឡើង ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម កន្ត្រាក់នៅបំពង់ខ្យល់ រោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema) (រោគប្រតិកម្មធ្ងន់ធ្ងរ)

- វិលមុខ ហ៊ឹងត្រចៀក សមត្ថភាពស្ដាប់ធ្លាក់ចុះ (ប្រព័ន្ធប្រសាទទី8មានបញ្ហា)

- ហើម បរិមាណទឹកនោមថយចុះ ស្ងួតក (មុខងារតម្រងនោមធ្លាក់ចុះ)

- ស្បែកឡើងក្រហមនិងរលាត់ ក្តៅខ្លួនខ្លាំង ភ្នែកក្រហម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)) ជាដើម)

- ឈឺបំពង់ក ក្តៅខ្លួនខ្លាំង ចេញឈាមតាមអញ្ចាញធ្មេញ (ជំងឺប្លាកែតថយចុះ ជំងឺគ្រាប់ឈាមសថយចុះ )

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ថ្នាំបញ្ចុះទឹកនោមប្រភេទLoop (Loop diuretic) រួមមាន Ethacrynic acid, Furosemide - អាចធ្វើអោយងាយកើតមានផលរំខានប៉ះពាល់ដល់តម្រងនោមនិងសមត្ថភាពស្តាប់របស់ត្រចៀក

・ថ្នាំដែលមានផលប៉ះពាល់ខ្លាំងដល់តម្រងនោមឬប្រព័ន្ធត្រចៀក ដូចជាឱសថប្រឆាំងបាក់តេរីប្រភេទAminoglycoside ឱសថប្រឆាំងបាក់តេរីប្រភេទPeptide, ឱសថAmphotericin B, Cyclosporin, Cisplatin ជាដើម - អាចធ្វើអោយមានផលរំខានកាន់តែធ្ងន់ធ្ងរ

・ស្ត្រីមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ការចាក់បញ្ចូលថ្នាំភ្លាមៗធ្វើអោយមានផលរំខានរបស់ឱសថកើតឡើង ដូច្នេះ ត្រូវចាក់បញ្ចូលក្នុងល្បឿនយឺតដោយព្យួរសេរ៉ូមរយៈពេល30នាទី។

・សម្រាប់ថ្នាំចាក់ ត្រូវចៀសវាងការលាយជាមួយថ្នាំខាងក្រោម ព្រោះការលាយធ្វើអោយកើតមានកករ：

Gabexate, Minocycline, Amphotericin B

・មិនត្រូវលាយជាមួយថ្នាំCefotiamទេ ព្រោះធ្វើអោយសកម្មភាពរបស់Teicoplaninធ្លាក់ចុះ ដូច្នេះត្រូវចាក់បញ្ចូលថ្នាំនីមួយៗផ្សេងពីគ្នា

・មានការកំណត់ជាច្រើនទាក់ទងនឹងការលាយថ្នាំ សូមពិនិត្យខ្លឹមសារលម្អិតបន្ថែម។

ជាឱសថប្រឆាំងបាក់តេរីប្រភេទគ្លីកូប៉ិបទីត(Glycopeptide antibiotic) ដោយមានប្រសិទ្ធិភាពបង្អាក់សកម្មភាពបង្កើតភ្នាសកោសិកាក្រៅ របស់បាក់តេរី ធ្វើអោយបាក់តេរីមិនអាចកើនចំនួនបាន ដោយមានប្រសិទ្ធិភាពប្រឆាំងចំពោះបាក់តេរីMRSAផងដែរ។