Suxamethonium chloride hydrate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បន្ធូរការកន្ត្រាក់នៃសាច់ដុំនៅពេលអនុវត្តការសណ្ដំ

- បន្ធូរការកន្ត្រាក់នៃសាច់ដុំនៅពេលស៊កបំពង់ទៅក្នុងផ្លូវដង្ហើម នៅពេលសម្រួលស្ថានភាពបាក់ឬភ្លាត់ឆ្អឹង ឬ នៅពេលមានអាការៈកន្ត្រាក់សាច់ដុំនៅបំពង់ក

- បន្ធូរការកន្ត្រាក់នៃសាច់ដុំនៅពេលអនុវត្តការព្យាបាលដោយចរន្តអគ្គិសនី(Electroconvulsive therapy)

- ប្រើនៅក្នុងការវិនិច្ឆ័យដុំនៅផ្នែកពោះ។

ថ្នាំចាក់：

- មនុស្សពេញវ័យ：

+ វិធីចាក់បញ្ចូលឱសថលក្ខណៈដាច់ៗ：ប្រើ1ដង10～60mg ចាក់តាមសរសៃវ៉ែន។ ប្រសិនបើការប្រើក្នុងកម្រិតនេះមិនអាចបន្ធូរការកន្ត្រាក់នៃសាច់ដុំទេ អាចបង្កើនកម្រិតរហូតដល់អាចបន្ទូរការកន្ត្រាក់នៃសាច់ដុំបាន។

+ វិធីចាក់បញ្ចូលឱសថលក្ខណៈជាប់ឥតដាច់：ករណីត្រូវការបន្តប្រសិទ្ធិភាពនៃឱសថនេះ អាចប្រើឱសថនេះលាយនៅក្នុងសេរ៉ូមប្រៃឬសេរ៉ូមគ្លុយកូស5% អោយបានជាសូលុយស្យុងកំហាប់0.1～0.2% រួចចាក់បញ្ចូលក្នុងសរសៃវ៉ែនក្នុងល្បឿនប្រហែល2.5mg/នាទី។

- កុមារនិងទារក：ប្រើក្នុងកម្រិត1mg/kg ចាក់តាមសរសៃវ៉ែន។ ករណីមិនអាចចាក់តាមសរសៃវ៉ែនបាន អាចប្រើក្នុងកម្រិត2～3mg/kg ចាក់ក្នុងសាច់ដុំ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលមានអាការៈរលាកភ្លើងកម្រិតធ្ងន់ធ្ងរ ឬ មានរបួសប៉ះទង្គិចទំហំធំ ឬមានជំងឺសារធាតុអ៊ុយរេពីទឹកនោមចូលក្នុងឈាម(Uremia) ឬមានអាការៈស្ពឹកអវៈយវៈ ឬអ្នកដែលធ្លាប់កើតមានអាការៈពុលឱសថDigitalis ឬ អ្នកដែលទើបទទួលឱសថDigitalisថ្មីៗនេះ។

・អ្នកដែលមានជំងឺក្លូកូម (Glaucoma)។

ផលរំខានរួមមាន ចង្វាក់បេះដូងខុសប្រក្រតី សម្ពាធឈាមធ្លាក់ចុះ ឈឺសាច់ដុំ ឡើងកន្ទួលក្រហម សម្ពាធភ្នែកកើនឡើង ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- សម្ពាធឈាមធ្លាក់ចុះ ជីពចរដើរលឿន ស្នាមក្រហមពេញខ្លួន ពិបាកដកដង្ហើម (រោគប្រតិកម្មធ្ងន់ធ្ងរ)

- ចង្វាក់បេះដូងប្រែប្រួល សម្ពាធឈាមប្រែប្រួល ឡើងកម្ដៅក្នុងខ្លួន សាច់ដុំរឹង ដកដង្ហើមខុសប្រក្រតី បែកញើស (Malignant hyperthermia)

- ទងសួតកន្ត្រាក់ អាការៈឈប់ដកដង្ហើមអូសបន្លាយ

- គាំងបេះដូង

- ផលប៉ះពាល់ដល់ប្រព័ន្ធដំណកដង្ហើម

- ឈឺសាច់ដុំដៃនិងជើង ស្ពឹករឹង ទឹកនោមមានពណ៌ក្រហមត្នោត ( ជំងឺរលាយសាច់ដុំ(Rhabdomyolysis))។

・ឱសថប្រភេទDigitalis (Digoxin, Metildigoxin ជាដើម) - អាចធ្វើអោយកើតមានផលរំខានទាក់ទងនឹងចង្វាក់បេះដូងកម្រិតធ្ងន់ធ្ងរ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថទប់ស្កាត់អង់ស៊ីមCholinesterase (Ambenonium chloride, Neostigmine bromide, Cyclophosphamide ជាដើម) - អាចធ្វើអោយសកម្មភាពនៃឱសថកើនឡើង។

・ឱសថបន្ធូរការកន្ត្រាក់សាច់ដុំប្រភេទ Non-depolarizing muscle relaxant - អាចធ្វើអោយសកម្មភាពបន្ធូរការកន្ត្រាក់សាច់ដុំកើនឡើង អាចប៉ះពាល់ដល់ប្រព័ន្ធដំណកដង្ហើម។

・ឱសថDesflurane, ឱសថIsoflurane - អាចធ្វើអោយសកម្មភាពបន្ធូរការកន្ត្រាក់សាច់ដុំកើនឡើង។

・ឱសថAprotinin, ឱសថZopiclone, ឱសថEszopiclone - អាចធ្វើអោយសកម្មភាពនៃSuxamethoniumកើនឡើងឬអូសបន្លាយ។

・ឱសថប្រឆាំងបាក់តេរីប្រភេទAminoglycosides - អាចធ្វើអោយកើតមានអាការៈពិបាកដកដង្ហើម។

・ឱសថប្រឆាំងបាក់តេរីប្រភេទLincomycin - អាចធ្វើអោយសកម្មភាពបន្ធូរការកន្ត្រាក់នៃសាច់ដុំកើនឡើង។

・ឱសថIrinotecan hydrochloride - អាចធ្វើអោយសកម្មភាពបន្ធូរការកន្ត្រាក់នៃសាច់ដុំថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះផលរំខានប៉ះពាល់ដល់ប្រព័ន្ធដំណកដង្ហើម(អាការៈឈប់ដកដង្ហើម) ដូច្នេះ ត្រូវត្រៀមឧបករណ៍អោយបានគ្រប់គ្រាន់សម្រាប់ប្រើនៅពេលកើតមានផលរំខាននេះ។

ឱសថនេះមានសកម្មភាពធ្វើអោយកោសិកាសរសៃប្រសាទស្ថិតនៅក្នុងស្ថានភាពDepolarizationជាប់ជានិច្ច ដើម្បីបន្ធូរការកន្ត្រាក់នៃសាច់ដុំ។ ប៉ុន្តែ វាអាចនឹងបង្កអោយមានការកន្ត្រាក់សាច់ដុំរយៈពេលខ្លីជាបណ្ដោះអាសន្ន មុននឹងឈានដល់ការបន្ធូរសាច់ដុំជាអតិបរមា។