Sunitinib malate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ការប្រុងប្រយ័ត្នជាពិសេស

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម៖

      - ជំងឺមហារីក Gastrointestinal stromal tumor (GIST) ដែលស៊ាំទៅនឹងឱសថImatinib

      - ជំងឺមហារីកកោសិកាតម្រងនោមដែលមិនអាចវះកាត់អោយជាសះស្បើយបាន ឬ ដែលមានលក្ចណៈរាលដាលទៅផ្នែកផ្សេងទៀតនៃរាងកាយ

      - ជំងឺមហារីកកោសិកាបញ្ចេញអរម៉ូននៃក្រពេញលំពែង (Pancreatic neuroendocrine tumor, P-NET)។

    • កម្រិតប្រើប្រាស់

      ថ្នាំលេប：

      ・ករណីជំងឺមហារីក Gastrointestinal stromal tumor (GIST) ដែលស៊ាំទៅនឹងឱសថImatinib និង ជំងឺមហារីកកោសិកាតម្រងនោមដែលមិនអាចវះកាត់អោយជាសះស្បើយបាន ឬ ដែលមានលក្ចណៈរាលដាលទៅផ្នែកផ្សេងទៀតនៃរាងកាយ:

      មនុស្សពេញវ័យ លេប1ថ្ងៃ1ដង 50mg រយៈពេល4សប្ដាហ៍ ជារៀងរាល់ថ្ងៃ រួចផ្អាកការប្រើប្រាស់ឱសថនេះរយៈពេល2សប្ដាហ៍ (1វដ្ដ)។ បន្តអនុវត្តបែបនេះតទៅ។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

      ・ករណីជំងឺមហារីកកោសិកាបញ្ចេញអរម៉ូននៃក្រពេញលំពែង (Pancreatic neuroendocrine tumor, P-NET):

      មនុស្សពេញវ័យ លេប1ថ្ងៃ1ដង 37.5mg។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ ប៉ុន្តែ កម្រិតប្រើប្រាស់អតិបរមាគឺ 1ថ្ងៃ1ដង 50mg។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・ស្ត្រីមានផ្ទៃពោះ ឬ ស្ត្រីដែលអាចនឹងកំពុងមានផ្ទៃពោះ។

    • ការប្រុងប្រយ័ត្នជាពិសេស

      ・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកដោយគីមី។

      ・ត្រូវប្រុងប្រយ័ត្នជាពិសេសចំពោះផលរំខានធ្ងន់ធ្ងរប៉ះពាល់ដល់មុខងារបេះដូង ដែលអាចមានគ្រោះថ្នាក់ដល់ជីវិតរបស់អ្នកជំងឺ។ ដូច្នេះ ត្រូវធ្វើការពិនិត្យនិងតាមដានស្ថានភាពរបស់អ្នកជំងឺអោយបានដិតដល់។

      ・ឱសថនេះអាចផ្ដល់រំខានជាបណ្ដុំរោគសញ្ញាReversible posterior leukoencephalopathy syndrome (RPLS) ។ ករណីមានរោគសញ្ញានៃជំងឺនេះ ត្រូវបញ្ឈប់ការប្រើប្រាស់ឱសថនេះ ហើយធ្វើការព្យាបាលអោយបានសមស្រប។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល