Sultamicillin tosilate hydrate

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរីទាក់ទងនឹងស្បែក ផ្លូវដង្ហើម ត្រចៀក ច្រមុះ និងផ្នែកផ្សេងៗទៀតនៃរាងកាយ រួមមានដូជា ជំងឺឆ្លងនៅស្រទាប់លើនៃស្បែក ជំងឺឆ្លងនៅស្រទាប់ជ្រៅនៃស្បែក ជំងឺរលាកកូនកណ្ដុរនិងសរសៃទឹករងៃ ជំងឺខ្ទុះលើស្បែករ៉ាំរ៉ៃ ជំងឺរលាកបំពង់កនិងបំពង់សម្លេង រលាកក្រពេញអាមីដាល់ ជំងឺរលាកទងសួតស្រួចស្រាវ ជំងឺរលាកសួត ជំងឺខ្ទុះក្នុងសួត(Lung abscess) ជំងឺឆ្លងមេរោគដោយសារជំងឺផ្លូវដង្ហើមរ៉ាំរ៉ៃ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺប្រម៉េះ(Gonorrhea) ជំងឺឆ្លងមេរោគក្នុងស្បូន ជំងឺរលាកថង់ទឹកភ្នែក ជំងឺរលាកកញ្ចក់ភ្នែក(Keratitis)(រួមទាំងជំងឺដំបៅកញ្ចក់ភ្នែក) ជំងឺរលាកផ្នែកកណ្ដាលនៃត្រចៀក(Otitis media) ជំងឺរលាកឆ្អឹងសងខាងច្រមុះ(Sinusitis)។

ប៉ុន្តែ មិនមានប្រសិទ្ធិភាពនៅក្នុងការប្រឆាំងនឹងពពួកផ្សិតឬវីរុសនោះទេ។

ករណីថ្នាំលេប ទម្រង់ជាថ្នាំម្សៅសម្រាប់កុមារ：

ពិសារ1ថ្ងៃ 15～30mg/kg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំលេប ទម្រង់ជាថ្នាំគ្រាប់：

លេប1ដង 375mg, 1ថ្ងៃ2～3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានអាការៈប្រតិកម្មធ្ងន់ធ្ងរ(Shock)ជាមួយនឹងសារធាតុនៅក្នុងឱសថនេះ។
・អ្នកដែលកំពុងមានជំងឺ Infectious mononucleosis ។
ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។
・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រឆាំងបាក់តេរីប្រភេទពេនីស៊ីលីន។

ផលរំខានរួមមាន រាករូស ស្នាមក្រហមលើស្បែក ហើមមុខឬបំពង់ក ឡើងកន្ទួលក្រហម រមាស់។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ក្តៅមុខមាត់និងតាមរាងកាយ រមាស់ (រោគប្រតិកម្មធ្ងន់ធ្ងរ)

- ក្តៅខ្លួនខ្លាំង ស្បែកឡើងក្រហម ដំបៅក្នុងមាត់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome))

- ងាយហូរឈាម ឈាមក្រកក មានស្នាមជាំ អស់កម្លាំង (ជំងឺទាក់ទងនឹងមុខងារឈាម)

- ឈឺពោះ រាករូសមានលាយឈាម (ជំងឺរលាកពោះវៀនធំមានហូរឈាម)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ថ្នាំបញ្ចុះជាតិអាស៊ីតAllopurinol - ហានិភ័យនៃការកើតមានផលរំខានកើនឡើង

・ថ្នាំប្រឆាំងកំណកឈាម - ហានិភ័យនៃការហូរឈាមកើនឡើង

・ថ្នាំពន្យារកំណើត - ប្រសិទ្ធិភាពថ្នាំពន្យារកំណើតថយចុះ

・ថ្នាំព្យាបាលជំងឺរលាកសន្លាក់Rheumatism (ថ្នាំMethotrexate) - កាត់បន្ថយការបញ្ចេញចោលនៃថ្នាំMethotrexate ធ្វើអោយកម្រិតនៃសារធាតុថ្នាំនៅក្នុងឈាមកើនឡើង

・ថ្នាំបញ្ចុះជាតិអាស៊ីតProbenecid -ហានិភ័យនៃការកើតមានផលរំខានកើនឡើង

・ស្ត្រីមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ថ្នាំគ្រាប់ ៖ គួរពិសាទឹកមួយកែវនៅរាល់ពេលលេបថ្នាំ និង មិនគួរលេបថ្នាំនៅមុនពេលចូលគេងភ្លាមនោះទេ ព្រោះសារធាតុថ្នាំអាចជាប់នៅបំពង់អាហារធ្វើអោយកើតមានដំបៅ។

・ថ្នាំម្សៅ ៖ ដើម្បីកុំអោយល្វីង មិនគួរកិនបំបែកឬរំលាយក្នុងទឹកនោះទេ។ គួរលេបថ្នាំ រួចពិសាទឹកឬទឹកដោះគោមួយកែវ ប៉ុន្តែមិនត្រូវពិសាជាមួយភេសជ្ជៈមានជាតិអាស៊ីតនោះទេ។

ជាឱសថប្រឆាំងបាក់តេរីប្រភេទពេនីស៊ីលីន ដោយបង្អាក់សកម្មភាពបង្កើតភ្នាសកោសិការបស់បាក់តេរី ធ្វើអោយបាក់តេរីមិនអាចកើនចំនួនបាន។ ម្យ៉ាងទៀត មានប្រសិទ្ធិភាពទប់ទល់នឹងសកម្មភាពរបស់អង់ស៊ីមβ-lactamase ធ្វើអោយប្រសិទ្ធិភាពរបស់ឱសថមានលំនឹង មិនងាយបាត់បង់ប្រសិទ្ធិភាព។