Streptozocin

ជាទូទៅ ឱសថនេះប្រើនៅក្នុងការព្យាបាលជំងឺមហារីកកោសិកាបញ្ចេញក្នុង(Neuroendocrine tumor, NET) នៃក្រពេញលំពែង ឬ ក្រពះពោះវៀន។

ថ្នាំចាក់：

・វិធីប្រើប្រាស់ឱសថរយៈពេល5ថ្ងៃ：

ជាទូទៅ ប្រើក្នុងកម្រិត1ថ្ងៃ1ដង500mg/m² (ផ្ទៃក្រឡារាងកាយ) ដោយព្យួរសេរ៉ូមតាមសរសៃវ៉ែន។ បន្ទាប់ពីនោះ ផ្អាកការប្រើប្រាស់ឱសថនេះរយៈពេល37ថ្ងៃ (1វដ្ត)។ អនុវត្តបែបនេះម្ដងហើយម្ដងទៀត។

・វិធីប្រើប្រាស់ឱសថរយៈពេល1សប្ដាហ៍：

ជាទូទៅ ប្រើក្នុងកម្រិត1ថ្ងៃ1ដង1000mg/m² (ផ្ទៃក្រឡារាងកាយ) រៀងរាល់1សប្ដាហ៍ម្ដង ដោយព្យួរសេរ៉ូមតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ ប៉ុន្តែ មិនត្រូវប្រើលើសពីកម្រិត1500mg/m² (ផ្ទៃក្រឡារាងកាយ)ក្នុង1ដងនោះទេ។

・អ្នកដែលធ្លាប់មានរោគប្រតិកម្មដោយសារសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន ឈឺសរសៃឈាម ចង់ក្អួត ទល់លាមក អស់កម្លាំង ជីវ្ហាវិញាណខុសប្រក្រតី។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បរិមាណទឹកនោមថយចុះ ហើម ស្ងួតក (មុខងារតម្រងនោមចុះខ្សោយ)

- រោគសញ្ញាខ្វះឈាម ក្ដៅខ្លួន ងាយហូរឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- ស្ងួតក ផឹកទឹកច្រើន នោមច្រើន ឆាប់ហត់ ស្រកទម្ងន់ (មុខងារទប់ទល់នឹងការកើនឡើងនៃជាតិស្ករក្នុងឈាមមានបញ្ហា)

- អស់កម្លាំងពេញខ្លួន មិនឃ្លានអាហារ ចង់ក្អួត ក្អួត ភ្នែកនិងស្បែកប្រែពណ៌លឿង (ប៉ះពាល់មុខងារថ្លើម)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងបាក់តេរីប្រភេទអាមីណូគ្លីកូស៊ីត (Aminoglycoside antibiotics) - អាចធ្វើអោយផលប៉ះពាល់តម្រងនោមកើនឡើង។

・ឱសថប្រឆាំងមហារីកប្រភេទផ្សេងទៀត វិទ្យុសកម្ម - អាចធ្វើអោយផលប៉ះពាល់មុខងារផលិតគ្រាប់ឈាមរបស់ខួរឆ្អឹងកើនឡើង។

・ឱសថDoxorubicin - អាចពន្យារពេលនៃការស្ថិតក្នុងរាងកាយរបស់ឱសថDoxorubicin ធ្វើអោយផលប៉ះពាល់មុខងារផលិតគ្រាប់ឈាមរបស់ខួរឆ្អឹងកើនឡើង។

・ឱសថប្រភេទស្តេរ៉ូអ៊ីត (លើកលែងថ្នាំលាប) - អាចធ្វើអោយកម្រិតជាតិស្ករក្នុងឈាមកើនឡើង។

・ឱសថPhenytoin - អាចធ្វើអោយប្រសិទ្ធភាពនៃឱសថStreptozocinថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ។

・ស្ត្រីដែលអាចមានផ្ទៃពោះនិងអ្នកជំងឺជាបុរសដែលដៃគូគ្រួសារអាចមានផ្ទៃពោះ ត្រូវអនុវត្តការពន្យារកំណើត។

・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅដោះកូន។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

・ការពិសោធន៍ទៅលើសត្វបង្ហាញអំពីការពុលនៃឱសថនេះ ដូច្នេះ អ្នកជំងឺជាស្ត្រីដែលអាចមានផ្ទៃពោះត្រូវអនុវត្តការពន្យារកំណើតក្នុងអំឡុងពេលប្រើប្រាស់ឱសថនេះនិងក្រោយបញ្ចប់ការប្រើរយៈពេលប្រហែល6ខែ។

ឱសថនេះស្ថិតក្នុងប្រភេទNitrosourea ដោយមានសកម្មភាពបន្ថែមម៉ូលេគុលអាល់គីល(Alkylation)ទៅលើDNA ដើម្បីបង្អាក់ដំណើរការសំយោគDNA ធ្វើអោយកោសិកាមហារីកមិនអាចរស់រានបាន។