Sodium picosulfate hydrate + Magnesium oxide + Anhydrous citric acid

ជាទូទៅ ឱសថនេះប្រើនៅក្នុងបម្រើបម្រាស់ដូចខាងក្រោម៖

- សម្អាតពោះវៀននៅមុនពេលធ្វើការពិនិត្យពោះវៀនធំដោយអង់ដូស្កូប។

- សម្អាតពោះវៀននៅមុនពេលធ្វើការវះកាត់ពោះវៀនធំ។

ថ្នាំលេប：

ឱសថនេះ1កញ្ចប់(16.1g) មានផ្ទុកសារធាតុSodium picosulfate hydrate 10mg សារធាតុMagnesium oxide 3.5g និង សារធាតុAnhydrous citric acid 12g។

មនុស្សពេញវ័យ ប្រើដោយលាយឱសថនេះ1ដង1កញ្ចប់ជាមួយទឹកប្រហែល150mL រួចពិសានៅមុនពេលទទួលការពិនិត្យឬវះកាត់ សរុបចំនួន2ដង។ ក្រោយពិសាឱសថនេះលើកទី1 ត្រូវពិសាភេសជ្ជៈដែលថ្លាបរិមាណ250mL​/ដងចំនួនយ៉ាងហោចណាស់5ដងក្នុងរយៈពេល2ទៅ3ម៉ោង។ ក្រោយពិសាឱសថនេះលើកទី2 ត្រូវពិសាភេសជ្ជៈដែលថ្លាបរិមាណ250mL​/ដងចំនួនយ៉ាងហោចណាស់3ដងរហូតដល់ត្រឹមពេល2ម៉ោងមុនការពិនិត្យឬវះកាត់។

- ករណីបែងចែកការពិសាជា2ដង នៅ1ថ្ងៃមុននិងនៅថ្ងៃពិនិត្យឬវះកាត់:

នៅ1ថ្ងៃមុនការពិនិត្យឬវះកាត់ ត្រូវជ្រើសរើសអាហារដែលសល់នៅក្រពះពោះវៀនតិច ហើយនៅថ្ងៃពិនិត្យឬវះកាត់ ត្រូវពិសាត្រឹមភេសជ្ជៈថ្លាប៉ុណ្ណោះ ដោយពិសាឱសថនេះម្ដងនៅពេលយប់នៃ1ថ្ងៃមុនការពិនិត្យឬវះកាត់ និង ម្ដងទៀតនៅពេលព្រឹកនៃថ្ងៃពិនិត្យឬវះកាត់(4~9ម៉ោងមុនការពិនិត្យឬវះកាត់)។

- ករណីពិសា2ដង នៅ1ថ្ងៃមុនការពិនិត្យឬវះកាត់:

នៅ1ថ្ងៃមុនការពិនិត្យឬវះកាត់ ត្រូវជ្រើសរើសអាហារដែលសល់នៅក្រពះពោះវៀនតិច ហើយនៅថ្ងៃពិនិត្យឬវះកាត់ ត្រូវពិសាត្រឹមភេសជ្ជៈថ្លាប៉ុណ្ណោះ ដោយពិសាឱសថនេះម្ដងនៅពេលល្ងាចនៃ1ថ្ងៃមុនការពិនិត្យឬវះកាត់ និង ម្ដងទៀតនៅពេលយប់គឺនៅរយៈពេលប្រហែល6ម៉ោងក្រោយការពិសាលើកទី1។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលសង្ស័យថាមានការស្ទះនៅក្រពះពោះវៀន ឬ ជំងឺស្ទះពោះវៀន។

・អ្នកដែលមានជំងឺធ្លាយពោះវៀន។

・អ្នកដែលមានជំងឺពោះវៀនធំរីកដោយសារការពុល (Toxic megacolon)។

・អ្នកដែលសង្ស័យថាមានបញ្ហានៅពោះលក្ខណៈស្រួចស្រាវ។

・អ្នកដែលមានបញ្ហាមុខងារតម្រងនោមកម្រិតធ្ងន់ធ្ងរ (Creatinine Clearance ក្រោម30mL/នាទី)។

・ត្រូវប្រុងប្រយ័ត្នចំពោះផលរំខានធ្វើអោយសម្ពាធក្នុងពោះវៀនកើនឡើង ដែលអាចបង្កជាការធ្លាយពោះវៀន ដូច្នេះត្រូវប្រើឱសថនេះដោយតាមដានទៅលើស្ថានភាពបន្ទោរបង់និងអាការៈឈឺពោះជាដើមរបស់អ្នកជំងឺ។ ប្រសិនបើមានរោគសញ្ញាឈឺពោះជាដើម ត្រូវពិនិត្យផ្នែកពោះឬធ្វើការថតរូបភាពវេជ្ជសាស្ត្រ (កាំរស្មីអ៊ិច អេកូ CT។ល។) ដើម្បីវិនិច្ឆ័យថាគួរបន្តការប្រើឱសថនេះបន្តទៀតដែរឬទេ។