Sodium nitroprusside hydrate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・ប្រើសម្រាប់រក្សាអោយសម្ពាធឈាមនៅទាបក្នុងពេលកំពុងវះកាត់

・ ប្រើក្នុងការសង្គ្រោះបន្ទាន់នៅពេលសម្ពាធឈាមកើនឡើងខ្ពស់ខុសប្រក្រតីក្នុងពេលវះកាត់។

ថ្នាំចាក់：

ប្រើដោយពង្រាវឱសថនេះនៅក្នុងសេរ៉ូមគ្លុយកូស5% អោយបានកំហាប់0.06～0.1% (0.6～1mg/mL) រួចបញ្ចូលសូលុយស្យុងឱសថនោះតាមសរសៃវ៉ែនជាប់ឥតដាច់។ ជាទូទៅ មនុស្សពេញវ័យ ប្រើក្នុងកម្រិតដូចខាងក្រោម ដោយល្បឿនអតិបរមានៅក្នុងការបញ្ចូលឱសថគឺ3μg/kg/នាទី។ អាចបន្ថយល្បឿននៅក្នុងការបញ្ចូលឱសថនៅពេលដំបូង ទៅតាមអាយុនិងរោគសញ្ញារបស់អ្នកជំងឺ។

・ករណីប្រើនៅក្នុងការរក្សាអោយសម្ពាធឈាមនៅទាបក្នុងពេលកំពុងវះកាត់：

ចាប់ផ្ដើមប្រើពីកម្រិត 0.5μg/kg/នាទី និងបង្កើនកម្រិតបន្តិចម្ដងៗ រហូតដល់សម្ពាធឈាមដែលជាគោលដៅ ដោយប្រុងប្រយ័ត្នកុំអោយសម្ពាធឈាមចុះទាបហួសហេតុ។ បន្ទាប់ពីនោះ អាចប្រែប្រួលល្បឿននៃការបញ្ចូលឱសថ ដោយតាមដានសម្ពាធឈាមជាបន្តបន្ទាប់។ ជាទូទៅ ប្រើក្នុងល្បឿន2.5μg/kg/នាទីចុះក្រោម ដើម្បីរក្សាសម្ពាធឈាម។

・ករណីប្រើក្នុងការសង្គ្រោះបន្ទាន់នៅពេលសម្ពាធឈាមកើនឡើងខ្ពស់ខុសប្រក្រតីក្នុងពេលវះកាត់：

ចាប់ផ្ដើមប្រើពីកម្រិត 0.5μg/kg/នាទី និងបង្កើនកម្រិតបន្តិចម្ដងៗ រហូតដល់សម្ពាធឈាមដែលជាគោលដៅ ដោយប្រុងប្រយ័ត្នកុំអោយសម្ពាធឈាមចុះទាបហួសហេតុ។ បន្ទាប់ពីនោះ អាចប្រែប្រួលល្បឿននៃការបញ្ចូលឱសថ ដោយតាមដានសម្ពាធឈាមជាបន្តបន្ទាប់។ ជាទូទៅ ប្រើក្នុងល្បឿន2.0μg/kg/នាទីចុះក្រោម ដើម្បីរក្សាសម្ពាធឈាម។

・អ្នកដែលមានបញ្ហាទាក់ទងនឹងប្រព័ន្ធចរន្តឈាមក្នុងខួរក្បាលកម្រិតធ្ងន់ធ្ងរ។

・អ្នកដែលមានរោគសញ្ញាខ្សោយមុខងារក្រពេញទីរ៉ូអ៊ីត។

・អ្នកដែលមានជំងឺLeber disease(ជំងឺខូចសរសៃប្រសាទភ្នែកពីកំណើត) ឬ ជំងឺខ្សោយភ្នែកដោយសារបារី(Tobacco amblyopia) ឬ ជំងឺកង្វះវីតាមីនB12។

・អ្នកដែលមានបញ្ហាមុខងារថ្លើមកម្រិតធ្ងន់ធ្ងរ។

・អ្នកដែលមានបញ្ហាមុខងារតម្រងនោមកម្រិតធ្ងន់ធ្ងរ។

・អ្នកដែលមានជំងឺខ្វះឈាម(Anemia)កម្រិតធ្ងន់ធ្ងរ។

・អ្នកដែលកំពុងប្រើប្រាស់ឱសថប្រភេទទប់ស្កាត់អង់ស៊ីមPDE5 (ឱសថSildenafil citrate ឱសថVardenafil hydrochloride hydrate ឱសថTadalafil) ឬ ឱសថប្រភេទភ្ញោចអង់ស៊ីមGuanylate cyclase(ឱសថRiociguat)។

សម្ពាធឈាមចុះទាប ប៉ះពាល់មុខងារថ្លើម ជីពចរដើរលឿន។

・ត្រូវប្រុងប្រយ័ត្នជាពិសេសចំពោះផលរំខានទាំងពីរខាងក្រោម ព្រោះអាចប៉ះពាល់ដល់ជីវិតរបស់អ្នកជំងឺ:

- សម្ពាធឈាមចុះទាបខ្លាំងភ្លាមៗ ដូច្នេះត្រូវតាមដានសម្ពាធឈាមអោយបានជាប់ជានិច្ច

- អាការៈពុលសារធាតុCyan ប្រសិនបើប្រើហួសកម្រិត ដូច្នេះ ត្រូវតាមដានសម្ពាធឈាម ចង្វាក់បេះដូង ឧស្ម័នក្នុងឈាម តុល្យភាពអាស៊ីតបាស។

・អាចធ្វើអោយមុខងារដកដង្ហើមឈប់ដំណើរការ ដូច្នេះ ត្រូវប្រុងប្រយ័ត្ននិងគ្រប់គ្រងការដកដង្ហើមរបស់អ្នកជំងឺអោយបានម៉ត់ចត់។

បង្កើនបរិមាណcGMPនៅក្នុងកោសិកា ដើម្បីបន្ធូរការកន្ត្រាក់នៃសាច់ដុំរលោងនៅតាមសរសៃឈាម ធ្វើអោយសម្ពាធឈាមធ្លាក់ចុះ។