Sodium lactate = Sodium L‐lactate solution

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- បំពេញបន្ថែមនៅក្នុងសេរ៉ូមអេឡិចត្រូឡាយ

- ព្យាបាលរោគសញ្ញានៃការកើនឡើងកម្រិតអាស៊ីតនៅក្នុងឈាមដោយសារមេតាបូលីស(Metabolic acidosis)។

ថ្នាំចាក់：

・ករណីប្រើនៅក្នុងការបំពេញបន្ថែមនៅក្នុងសេរ៉ូមអេឡិចត្រូឡាយ：

បញ្ចូលទៅក្នុងសេរ៉ូមអេឡិចត្រូឡាយក្នុងបរិមាណចាំបាច់។

・ករណីប្រើនៅក្នុងការព្យាបាលរោគសញ្ញានៃការកើនឡើងកម្រិតអាស៊ីតនៅក្នុងឈាមដោយសារមេតាបូលីស(Metabolic acidosis)：

មនុស្សពេញវ័យ：ករណីសូលុយស្យុងកំហាប់ 1mEq/mL ប្រើ1ថ្ងៃ80～300mL ដោយពង្រាវក្នុងបរិមាណស្មើគ្នាឬច្រើនជាងនេះ រួចព្យួរសេរ៉ូមនោះតាមសរសៃវ៉ែន។ ល្បឿននៃការព្យួរសេរ៉ូមសម្រាប់សូលុយស្យុងក្រោយពង្រាវ ប្រែប្រួលទៅតាមកំហាប់ពង្រាវក្នុងចន្លោះ 30～60តំណក់/នាទី និង មិនត្រូវប្រើលើសពីកម្រិត 100mEq ក្នុង1ម៉ោងនោះទេ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលកំពុងមានកម្រិតអាស៊ីតឡាក់តិច(Lactic acid)នៅក្នុងឈាមកើនឡើងខ្ពស់។

ផលរំខាននៅពេលប្រើប្រាស់ឱសថនេះក្នុងកម្រិតខ្ពស់ រួមមាន ហើមនៅក្នុងខួរក្បាល ដក់ទឹកក្នុងសួត ហើមដៃជើង កន្ត្រាក់សាច់ដុំដោយសារកម្រិតបាសក្នុងឈាមកើនឡើង ក្អួតចង្អោរ រាករូស។ល។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថAcetazolamide, ឱសថSpironolactone - អាចធ្វើអោយប្រសិទ្ធិភាពនៃឱសថSodium lactateថយចុះ។

・ឱសថបញ្ចុះទឹកនោម(ប្រភេទThiazides, Ethacrynic acid, Furosemide ជាដើម) - អាចធ្វើអោយងាយកើតមានផលរំខាននៃឱសថSodium lactate ដូចជា កម្រិតបាសនៅក្នុងឈាមកើនឡើង កម្រិតប៉ូតាស្យូមក្នុងឈាមថយចុះ។

・ឱសថប្រភេទBarbiturates, ឱសថប្រភេទPyrazolone, ឱសថប្រភេទSalicylic acid, ឱសថប្រឆាំងមេរោគប្រភេទSulfa - អាចធ្វើអោយការបញ្ចេញចោលនៃឱសថទាំងនេះទៅក្នុងទឹកនោមកើនឡើង។

សារធាតុនៃឱសថនេះគឺអាស៊ីតឡាក់តិច(Lactic acid)ដែលមានរូបមន្តគីមីC3H6O3។ អាស៊ីតនេះនឹងបំលែងទៅជាCO2និងH2O ហើយនៅពេលស្ថិតក្នុងសូលុយស្យុង ម៉ូលេគុលទាំងនេះនឹងប្រតិកម្មដោយផ្ដល់ជាអ៊ីយ៉ុងប៊ីកាបូណាត(HCO3－)ដែលជាអ៊ីយ៉ុងមានលក្ខណៈបាស។ គេប្រើប្រាស់ឱសថនេះដើម្បីបំពេញកម្រិតអ៊ីយ៉ុងប៊ីកាបូណាតនៅក្នុងឈាម ព្រមទាំងដើម្បីធ្វើអោយកម្រិតបាសនៅក្នុងឈាមមានការកើនឡើង។