Sodium iodide

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺនៃការកើនឡើមុខងារក្រពេញទីរ៉ូអ៊ីត(Hyperthyroidism) (ជំងឺGraves' diseaseឬជំងឺBasedow"s disease, ជំងឺToxic nodular goiter)

- ជំងឺមហារីកក្រពេញទីរ៉ូអ៊ីតនិងផ្នែករាលដាល

- ប្រើនៅក្នុងការស្វែងរកផ្នែករាលដាលនៃជំងឺមហារីកក្រពេញទីរ៉ូអ៊ីតដោយប្រើបច្ចេកទេសScintigraphy។

ថ្នាំលេប：

・ជំងឺGraves' diseaseឬជំងឺBasedow"s disease：

កំណត់កម្រិតប្រើប្រាស់ដោយផ្អែកលើ (1)ការស្រូបយក¹³¹I របស់ក្រពេញទីរ៉ូអ៊ីត (2)ម៉ាសប្រហាក់ប្រហែលរបស់ក្រពេញទីរ៉ូអ៊ីត (3)រយៈពេលនៃការថយចុះកម្រិតឱសថក្នុងរាងកាយបានពាក់កណ្ដាល ដោយកម្រិតវិទ្យុសកម្មដែលគួរទទួលបានគឺ30～70Gy។

・ជំងឺToxic nodular goiter：

កំណត់កម្រិតប្រើប្រាស់ទៅតាមទំហំនិងមុខងារនៃNodule ព្រមទាំងរោគសញ្ញារបស់អ្នកជំងឺជាដើម។

・ជំងឺមហារីកក្រពេញទីរ៉ូអ៊ីតនិងផ្នែករាលដាល：

លេប1ដង1.11～7.4GBq។ តាមដានរោគសញ្ញាមួយរយៈពេល មុននឹងប្រើឱសថនេះសារជាថ្មីម្ដងទៀត។

・ប្រើនៅក្នុងការស្វែងរកផ្នែករាលដាលនៃជំងឺមហារីកក្រពេញទីរ៉ូអ៊ីតដោយប្រើបច្ចេកទេសScintigraphy：

លេបក្នុងកម្រិត 18.5～370 MBq។ ប៉ុន្មានម៉ោងក្រោយមក គេនឹងទទួលបានរូបភាពនៃផ្នែករាលដាលនៃជំងឺមហារីកក្រពេញទីរ៉ូអ៊ីត។

ផលរំខានរួមមាន ឡើងកន្ទួលក្រហម គ្រាប់ឈាមសថយចុះ គ្រាប់ឈាមក្រហមថយចុះ ចំនួនប្លាកែតថយចុះ ហើមបំពង់ក មុខងារក្រពេញទីរ៉ូអ៊ីតចុះទាប។ល។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលមានផ្ទុកសារធាតុអ៊ីយ៉ូតច្រើន ឱសថប្រភេទអរម៉ូនក្រពេញទីរ៉ូអ៊ីត ឱសថប្រឆាំងអរម៉ូនក្រពេញទីរ៉ូអ៊ីត អាហារដែលមានផ្ទុកសារធាតុអ៊ីយ៉ូតច្រើន(ប្រភេទសារាយសមុទ្រជាដើម) - អាចមានឥទ្ធិពលទៅលើការព្យាបាលឬការពិនិត្យ។ ដូច្នេះ មុនប្រើប្រាស់ឱសថនេះរយៈពេល3ថ្ងៃទៅ1សប្ដាហ៍ ត្រូវចៀសវាងការប្រើប្រាស់ឱសថឬបរិភោគអាហារទាំងនោះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・មុនប្រើប្រាស់ឱសថនេះរយៈពេល3ថ្ងៃទៅ1សប្ដាហ៍ ត្រូវចៀសវាងប្រើប្រាស់ឱសថដែលមានផ្ទុកសារធាតុអ៊ីយ៉ូតច្រើន ឱសថប្រភេទអរម៉ូនក្រពេញទីរ៉ូអ៊ីត ឱសថប្រឆាំងអរម៉ូនក្រពេញទីរ៉ូអ៊ីត និង អាហារដែលមានផ្ទុកសារធាតុអ៊ីយ៉ូតច្រើន(ប្រភេទសារាយសមុទ្រជាដើម)។

ឱសថនេះមានផ្ទុកសារធាតុអ៊ីយ៉ូតវិទ្យុសកម្ម(¹³¹I) ដែលនឹងចូលទៅក្នុងចរន្តឈាម ហើយផ្ដុំនៅក្នុងក្រពេញទីរ៉ូអ៊ីត។ ករណីមុខងារក្រពេញទីរ៉ូអ៊ីតកាន់តែខ្លាំងក្លា បរិមាណនៃការសារធាតុនេះនឹងទៅផ្ដុំកាត់តែច្រើន។ ម្យ៉ាងទៀត ឱសថនេះមានប្រសិទ្ធិភាពព្យាបាលជំងឺមហារីកក្រពេញទីរ៉ូអ៊ីតឬជំងឺនៃការកើនឡើងមុខងារក្រពេញទីរ៉ូអ៊ីត ដោយប្រើប្រាស់កាំរស្មីβដែលចេញពី¹³¹I។