Sodium cromoglicate = Cromoglicic acid

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលជំងឺរលាកស្បែកអាតូភី(Atopic dermatitis)ដោយសាររោគប្រតិកម្មទៅនឹងចំណីអាហារ។

ករណីថ្នាំបន្តក់ភ្នែក：

ជាទូទៅ ឱសថនេះប្រើនៅក្នុងការព្យាបាលជំងឺរលាកភ្នែកដោយសាររោគប្រតិកម្ម(Allergic conjunctivitis) និង ជំងឺរលាកភ្នែកធ្ងន់ធ្ងរ(Vernal conjunctivitis ឬ Spring catarrh)។

ករណីថ្នាំបាញ់ក្នុងច្រមុះ：

ជាទូទៅ ឱសថនេះប្រើនៅក្នុងការព្យាបាលជំងឺរលាកច្រមុះដោយសាររោគប្រតិកម្ម(Allergic rhinitis)។

ករណីថ្នាំស្រូបតាមមាត់：

ជាទូទៅ ឱសថនេះប្រើនៅក្នុងការព្យាបាលជំងឺហឺត(Bronchial asthma)។

ករណីថ្នាំទម្រង់ជាឧបករណ៍បាញ់ស្រូបតាមមាត់：

ជាទូទៅ ឱសថនេះប្រើនៅក្នុងការព្យាបាលជំងឺហឺត(Bronchial asthma)។

ករណីថ្នាំលេប：

- កុមារអាយុក្រោម2ឆ្នាំ：លេប1ដង50mg (ថ្នាំម្សៅ10%ត្រូវនឹង0.5g) 1ថ្ងៃ3～4ដង (មុនបរិភោគអាហារ ឬ មុនបរិភោគអាហារនិងមុនពេលចូលគេង)។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ40mg/kg។

- កុមារអាយុ2ឆ្នាំឡើងទៅ：លេប1ដង100mg (ថ្នាំម្សៅ10%ត្រូវនឹង1g) 1ថ្ងៃ3～4ដង (មុនបរិភោគអាហារ ឬ មុនបរិភោគអាហារនិងមុនពេលចូលគេង)។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ40mg/kg។

ករណីថ្នាំបន្តក់ភ្នែក (2%)：

បន្តក់ក្នុងភ្នែក 1ដង1～2តំណក់ 1ថ្ងៃ4ដង (ព្រឹក ថ្ងៃ ល្ងាច និង មុនពេលចូលគេង)។

ករណីថ្នាំបាញ់ក្នុងច្រមុះ (2%)：

ប្រើ1ថ្ងៃ6ដង (ពេលក្រោកពីគេង នៅពេលថ្ងៃសរុបចំនួន4ដងដោយប្រើរៀងរាល់ប្រហែល3ម៉ោងម្ដង និង មុនពេលចូលគេង)។ ប្រើក្នុងកម្រិត1ដង2.6g បាញ់ក្នុងរន្ធច្រមុះម្ខាងៗ។ ក្រោយរោគសញ្ញាធូរស្បើយហើយ អាចបន្ថយកម្រិតប្រើប្រាស់បាន។

ករណីថ្នាំស្រូបតាមមាត់ (1%)：

ប្រើ1ដង20mg 1ថ្ងៃ3～4ដង (ព្រឹកថ្ងៃនិងមុនពេលចូលគេង ឬ ព្រឹកថ្ងៃល្ងាចនិងមុនពេលចូលគេង) ស្រូបតាមមាត់ដោយប្រើជាមួយឧបករណ៍ណេប៊ុឡាយហ្សឺ (Nebuliser)។ ក្រោយរោគសញ្ញាធូរស្បើយហើយ អាចបន្ថយកម្រិតប្រើប្រាស់មកត្រឹម1ថ្ងៃ40～60mg។

ករណីថ្នាំទម្រង់ជាឧបករណ៍បាញ់ស្រូបតាមមាត់：

ប្រើ1ដង2mg 1ថ្ងៃ4ដង (ព្រឹក ថ្ងៃ ល្ងាចនិងមុនពេលចូលគេង) បាញ់ដើម្បីស្រូបតាមមាត់។ ក្រោយរោគសញ្ញាធូរស្បើយហើយ អាចបន្ថយកម្រិតប្រើប្រាស់មកត្រឹម1ថ្ងៃ4～6mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំលេប：

ផលរំខានរួមមាន ឡើងកន្ទួលក្រហម រាករូស ឈឺពោះ បាត់បង់ចំណង់អាហារ ។ល។

ករណីថ្នាំបន្តក់ភ្នែក：

ផលរំខានរួមមាន ផ្សាភ្នែក ភ្នែកក្រហម រលាកត្របកភ្នែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ហើមត្របកភ្នែក បបូរមាត់ឬអណ្ដាត កន្ទាលត្រអាក (រោគប្រតិកម្មធ្ងន់ធ្ងរ)។

ករណីថ្នាំបាញ់ក្នុងច្រមុះ：

ផលរំខានរួមមាន ផ្សាច្រមុះ ឡើងកន្ទួលក្រហម ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកដកដង្ហើម ហើមត្របកភ្នែក បបូរមាត់ឬអណ្ដាត កន្ទាលត្រអាក (រោគប្រតិកម្មធ្ងន់ធ្ងរ)។

ករណីថ្នាំស្រូបតាមមាត់：

ផលរំខានរួមមាន ឡើងកន្ទួលក្រហម ក្រហាយក្នុងបំពង់ក ចង់ក្អួត ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ដង្ហក់ម្ដងៗ សម្លេងដកដង្ហើមខុសប្រក្រតី (ទងសួតកន្ត្រាក់)

- ក្ដៅខ្លួន ក្អក ពិបាកដកដង្ហើម (បណ្ដុំរោគសញ្ញាPIE)

- ពិបាកដកដង្ហើម ហើមត្របកភ្នែក បបូរមាត់ឬអណ្ដាត កន្ទាលត្រអាក (អាការៈស្រដៀងរោគប្រតិកម្មធ្ងន់ធ្ងរ)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

ករណីថ្នាំស្រូបតាមមាត់：

・ឱសថនេះមិនមែនប្រើសម្រាប់បំបាត់អាការៈហឺតដែលកើតឡើងភ្លាមៗនោះទេ។

ឱសថនេះមិនមែនជាឱសថដែលបង្ហាញប្រសិទ្ធិភាពក្រោយពេលស្រូបចូលក្នុងប្រព័ន្ធឈាមនោះទេ ប៉ុន្តែ វាជាឱសថដែលនឹងមានសកម្មភាពទៅលើកោសិកាម៉ាស(Mast cell)នៃប្រព័ន្ធភាពស៊ាំដែលស្ថិតនៅក្នុងក្រពះពោះវៀន ដោយទប់ស្កាត់ដំណើរការនៃការបញ្ចេញសារធាតុផ្សេងៗ(ហ៊ីស្តាមីន ជាដើម)ពីក្នុងកោសិកានេះ។ ជាលទ្ធផល វាកាត់បន្ថយការជ្រាបចូលនៃអង់ទីសែនតាមរយៈពោះវៀនចូលទៅក្នុងឈាម ក៏ដូចជាកាត់បន្ថយសកម្មភាពនៃប្រព័ន្ធភាពស៊ាំរបស់រាងកាយប្រឆាំងទៅនឹងអង់ទីសែនទាំងនោះផងដែរ។ សកម្មភាពដដែលនេះក៏កើតឡើងនៅពេលឱសថនេះស្ថិតនៅក្នុងប្រព័ន្ធដង្ហើមជាដើមផងដែរ។