Sodium aurothiomalate

ជាទូទៅ ឱសថនេះប្រើនៅក្នុងការព្យាបាលជំងឺរូម៉ាទីសនៅសន្លាក់(Rheumatoid arthritis)។

ថ្នាំចាក់：

ចាប់ផ្ដើមប្រើពីកម្រិត1ដង10mg ចាក់ក្នុងសាច់ដុំ រៀងរាល់1សប្ដាហ៍ឬ2សប្ដាហ៍ម្ដង ដោយវិធីបង្កើនកម្រិតប្រើប្រាស់រួមមានដូចខាងក្រោម៖

・វិធីបង្កើនកម្រិតប្រើប្រាស់បន្តិចម្ដងៗ：ពីសប្ដាហ៍ទី1～4 ប្រើ1ដង10mg។ ពីសប្ដាហ៍ទី5～8 ប្រើ1ដង25mg។ ពីសប្ដាហ៍ទី9～12 ប្រើ1ដង50mg។ ពីសប្ដាហ៍ទី13ទៅ ប្រើ1ដង50mgឬ100mg។

・វិធីបង្កើនកម្រិតប្រើប្រាស់ឆាប់រហ័ស：នៅលើកដំបូង ប្រើ1ដង10mg។ នៅសប្ដាហ៍ទី2 ប្រើ1ដង25mg។ ចាប់ពីសប្ដាហ៍ទី3ទៅ ប្រើ1ដង50mgឬ100mg។

※កម្រិតប្រើប្រាស់ខាងលើជាកម្រិតស្តង់ដារ ដោយអាចបង្កើនឬបន្ថយកម្រិតប្រើប្រាស់ទៅតាមអាយុ ទម្ងន់ និងរោគសញ្ញារបស់អ្នកជំងឺម្នាក់ៗ។

※ត្រូវកំណត់កម្រិតប្រើប្រាស់អប្បបរមាដែលបង្ហាញប្រសិទ្ធិភាពសម្រាប់ប្រើជាប្រចាំចំពោះអ្នកជំងឺ។

※មានការស្រាវជ្រាវបង្ហាញថា ការប្រើ1ដង10mgឬ25mgរៀងរាល់សប្ដាហ៍ និង ការប្រើ1ដង25mgរៀងរាល់2សប្ដាហ៍ម្ដង បង្ហាញប្រសិទ្ធិភាពដូចគ្នា ហើយផលរំខានក៏មានតិចតួច។

・អ្នកដែលមានបញ្ហាតម្រងនោម បញ្ហាថ្លើម បញ្ហាទាក់ទងនឹងឈាម ខ្សោយមុខងារបេះដូង ជំងឹរលាកពោះវៀនធំលក្ខណៈដំបៅ និង អ្នកដែលទើបតែទទួលការព្យាបាលដោយវិទ្យុសកម្មរួច។

・អ្នកដែលធ្លាប់កើតមានផលរំខានធ្ងន់ធ្ងរដោយសារឱសថដែលមានផ្ទុកសារធាតុមាស(Au)។

・អ្នកដែលកំពុងប្រើប្រាស់ឱសថប្រភេទចាប់យកអ៊ីយ៉ុង(Chelates) ដូចជា ឱសថD-penicillamine។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះឬស្ត្រីបំបៅដោះកូន។

រលាកស្បែក រលាកក្នុងមាត់(ពងបែកមាត់) ប៉ះពាល់សរីរាង្គផលិតឈាម ក្ដៅខ្លួន ប៉ះពាល់មុខងារតម្រងនោម ។ល។

・អាការៈរមាស់ស្បែកជាផលរំខានដែលកើតឡើងញឹកញាប់ ប៉ុន្តែ អាចប្រើឱសថស្តេរ៉ូអ៊ីតដើម្បីបំបាត់អាការៈទាំងនេះ។

មិនមានទ្រឹស្ដីជាក់លាក់បង្ហាញអំពីសកម្មភាពនៃឱសថនេះទេ ប៉ុន្តែ គេសន្មតថាឱសថនេះមានសកម្មភាពទៅលើប្រព័ន្ធភាពស៊ាំដើម្បីបង្ហាញប្រសិទ្ធិភាពព្យាបាលរោគសញ្ញានៃជំងឺរូម៉ាទីស។